موضوع جذيذ - الصفحة 7

نيفرتيتي. · 2012-04-24, 21:10

اقتباس:

المشاركة الأصلية كتبت بواسطة أم عائشة

عجبنى موضوعكم بزاف انا عندى بنات كبار والله مازال ما وجدت حتى حاجة ليهم كذلك حبيتكم تقولولى كيفاش نحببهم فى الشغل نتاع الدار راهم ما يعاونونيش خلاص للعلم هم يقراوا بصح كى عودو فى الدار التفراج والرقاد وانا مقلقة

ههههههههههه كيما بنات اختي بصح هي مشي مزيرة عليهم هي اللي تخدم كي نروحو احنا نزعفو عليها ونهدرولهم ونعيطو عليهم بصح درك احسن شوية بصح كي تعولي عليهم ينفعوك الله يبارك يجونا للدار يخدمو خدمة اللي ماتتعاودش
انتي زيري عليهم وديريلهم الدالة للماعن والتسياق والكوزينا معليش انت حتى يوالفو وبعد يدخلوها بالعقل زيري عليهم انت وراجلك احنا بكري مانحبوش نخدمو الا بالتزيار وساعات نخدم خدمة تاع زكارة نولي على سعدي ووعدي نعاودها هههههههههههههههه

ام مرية · 2012-04-24, 21:18

سلام لبنات
ام امجد انا كانت عندي مفكرة وليت نسجل فيها الارقام نتاع الهاتف ولاروسات وزيد وزيد اي حاجة ممكن تنسايها يعيش ويجيبلك ربي يخليهلك راه هو تاج راسك

الاخت الي سالت على السفرجل انا نعملو في رمضان مكان الحم حلو يعني نوع مرة هاك ومرة هاك حنونتي وعلاشنضحك عادي
الاخت الي حابة الجدول نتاع الطبخ غدا باذن الله
ام دودة واش بيها هادي موراك قوليلي واش قالت انا ما شفتش ربي يهديها

نيفرتيتي. · 2012-04-24, 21:29

اقتباس:

المشاركة الأصلية كتبت بواسطة ام مرية

سلام لبنات
ام امجد انا كانت عندي مفكرة وليت نسجل فيها الارقام نتاع الهاتف ولاروسات وزيد وزيد اي حاجة ممكن تنسايها يعيش ويجيبلك ربي يخليهلك راه هو تاج راسك

الاخت الي سالت على السفرجل انا نعملو في رمضان مكان الحم حلو يعني نوع مرة هاك ومرة هاك حنونتي وعلاشنضحك عادي
الاخت الي حابة الجدول نتاع الطبخ غدا باذن الله
ام دودة واش بيها هادي موراك قوليلي واش قالت انا ما شفتش ربي يهديها

راه راح عمرك خسارة كيماقريتيش باه تشوفي النبفو انا راه خلعتني مالقيت مانرد وليت درت بيها تقرير عاودت رحت للحم المفور لقيتها حاطتلي نفس الرد وزيادة شوي واش يعجبك قالت راني مهندسة معمارية هدرة كبيييييييييييييييييييييييرة انا مانقدرش نعاودهالك قالتلي منى 2004 راني حضرتها درات برشا ناس مشي غير انا حتى على القطة العنابية وام انس وخلي وخلي رني تشوكيت

houdehoud · 2012-04-24, 21:43

اقتباس:

المشاركة الأصلية كتبت بواسطة ام امجد14

ما تعرفيش هذى boulimuieمنين تجى

هاذي يا حبيبتي حالة نفسية تجي من القلقة كاين اللي تقهمو يولي ما ياكلش هاديك يقلولها anorexie واللي تخليه ياكل فوق الحق يقولولها boulimie

houdehoud · 2012-04-24, 21:55

اقتباس:

المشاركة الأصلية كتبت بواسطة أم عائشة

عجبنى موضوعكم بزاف انا عندى بنات كبار والله مازال ما وجدت حتى حاجة ليهم كذلك حبيتكم تقولولى كيفاش نحببهم فى الشغل نتاع الدار راهم ما يعاونونيش خلاص للعلم هم يقراوا بصح كى عودو فى الدار التفراج والرقاد وانا مقلقة

شوفي حبيبتي اولا مرحبا بيك بالنسبه لبناتك حاولي تشوقيهم للخدمة نتاع الدار مثلا اللي تغسل لمان نتاع الفطورلمدة سمانه تروح تحوس والا لدار جدها او البلاصة اللي تحب تروحلها

ام مرية · 2012-04-25, 23:18

ام عائشة عادي هادوهوما لبنات الي يقرو ما يحبوش خدمة الدار ولكن انتي ما تمديلهمش غير غسيل الماعن والمسيح شوقيهم قوليلهم يطيبو ولا يخدمو قادو يجربو شغلات من المنتدى هوما يتحمسو واشرطي نضفو موراهم الحالة وزيد خليلهم حوايجهم ما تغسليلهم كي يصيبو كامل حوايجهم موسخين وما يلقاوش فاش يمشو مضطرين يغلوهم ومن بعد تعود عادي يغسلو بلا ما تقوليلهم

ام مرية · 2012-04-26, 12:19

بنات وين رحتو راني غير وحدي ندور كي النحلة

ام نسمة · 2012-04-26, 22:04

عاودت ارجعت راني روطار بزاف راح نسهر باش نقرا كامل الردود اللي فاتوني ويا ام دودة ما تعمريش راسك بالناس الفارغة شغل ربي يهديها

ام مرية · 2012-04-27, 09:46

صباحكم سعيد

نيفرتيتي. · 2012-04-27, 14:55

مساء الخير وين راكم راني ملقيت حتى وحدة وين رحتو

هبة الكوثر · 2012-04-27, 19:54

اقتباس:

المشاركة الأصلية كتبت بواسطة ام دودة

نقولكم البارح واش درت
هي ماهيش عرضة تسمى ضيف برك لانه من الموجود
اول شيئ طيب شربة فريك حمرة وحارة جات هاايلة وبعد درت الجلبانة واالبطاطا والزرودية يفورو باه ندير الماسيدوان وطيبت شوية روز
درت المطلوع يخمر والرخسي وجدتها وخليتها ترتاح

عندي ملوخية اللي ثايرة عليها الديقات هههههههههههه في الكونجيلاتير جبدتها ودرت طاجين جلبانة مع الروز والفرماج والزيتون والتون والمعدنوس وكان لازم البطاطا بصح مابقتليش مادرتش وزدتلهم البيض 5حبات ودخلتهم للفرن
رجعت للكسرة عاودتها وخليتها تعاود تخمر
بعد رجعت وجدت السلاطة درت خيار وزرودية وزيتون اسود واخضر والماسيدوان درتها في قالب وحطيتها وسط السلاطة ماكانش عندي السلاطة حشيش والطماطم حب مادرتش بعد مادرت الخيار من جهة والزرودية من جهة والماسيدوان في الوسط حطيت من الفوق الزيتون الاسود والاخضر وربيت فوقها حبة بيض جات هايلة وماتبانش ناقصة حتى المايوناز ماكانش عندي جبت صفار بيض وفرشيطة ودرت قطعة جزر في الفرشيطة ونخلط ونزيد في الزيت حتى طلع المايونز ودرتله شوية خل ودرته للماسيدوان وحطيتها في الثلاجة
بعد رجعت للطاجين اللي في الفو ر وقلبته في صحن ود رت واش دارت ام رامي في مقلوبة المرقاز بطاطا وفرماج وزينت بالكيس الحلواني من الفوق قبل هذا طيبت الكسرة المطلوعة والرخساس سخنت المنلوخية وحطيتها في صحن وكي جا راجلي وصحابو وجدتله ادالهم تعشاو وبعد العشا طول خرجو يعني تهنيت من السينية تاع التاي غسلت الماعن وقعدت اما وين كلاو نضمت كلش لعشية قبل مانبد نطيب
مع العلم انه ماشريت واااااااااالو من برة قلت لراجلي خلي نتفنن بواش عندي لانه الدراهم ناقصة هاد ليام

صحيتي هكا تعجبيني يام دودة ربي يعطيك صحيحتك وراني استفدت منك بزاف حاجات يرحم الله والديك

meriem hanin · 2012-04-28, 14:40

ما شاء الله ام دودة مدرسة و ديما نحب نتعلم منك و من النحلات نتاع المنتدى
ان شاء الله ربي يخليك لينا و يطول في عمرك
ام عائشة انا تاني كنت كيما بناتك و لكن ملي عرفت هاذ المنتدى و بديت نغوص فيه تعلمت صوالح بزااااااااااااااااف
جربي تخليهم يشوفو المنتدى بالخصوص قسم التجارب المنزلية و مواضيع الاخت حبيبة و قسم الطبخ
انا شخصيا فادوني بزاااااااااااااف

hakim3148 · 2012-04-28, 17:51

مساء الخيراختي ام مارية اسفة على الرد المتاخر والسبب راه في النتلانت لرااهي عيانة هذه الايام وحتى الميكرو راه معمر فيروس بسيف باش يمشي المهم بالنسبة لاولادي عندي 5بسلامتهم ولد و4بنات هما ما يتشرطوش اما ولدي مايحبش المعجنات وميحبش الشوربة وزوجي يبغي lلي بلا في الفرن اما عن المصروف مانعرفش نتصرف نهار نشري حوالي 100ال150الف بلاما ندير عشا مليح وكل يوم حاصلة دبري عليا مصروف شهر باكلاتوا ما يتجاوزش 2مليون حيث شهرية زوجي ماتتعداش 3مليون حبيت نقتصد بلاما نحرمهم هيا وريلي شطارتك

هبة الكوثر · 2012-04-28, 20:15

اقتباس:

المشاركة الأصلية كتبت بواسطة hakim3148

مساء الخيراختي ام مارية اسفة على الرد المتاخر والسبب راه في النتلانت لرااهي عيانة هذه الايام وحتى الميكرو راه معمر فيروس بسيف باش يمشي المهم بالنسبة لاولادي عندي 5بسلامتهم ولد و4بنات هما ما يتشرطوش اما ولدي مايحبش المعجنات وميحبش الشوربة وزوجي يبغي lلي بلا في الفرن اما عن المصروف مانعرفش نتصرف نهار نشري حوالي 100ال150الف بلاما ندير عشا مليح وكل يوم حاصلة دبري عليا مصروف شهر باكلاتوا ما يتجاوزش 2مليون حيث شهرية زوجي ماتتعداش 3مليون حبيت نقتصد بلاما نحرمهم هيا وريلي شطارتك

احكمي مليون اقسميها على 5 اسابيع تطيحك كل اسبوع 2000 الف واحكمي 500 الف روحي اشري قيص 100 الف لحم كونجيلي و 100 الف حوت و 100 الف لحم مرحي و100 الف اشري شوية خضروات واقصميهم في ساشيات ديري موني تاعك بحيث انك في الاسبوع يكون عندك يوم تطيبي فيهم معجنات ويوم تطيبي فيهم الحساء ويوم تطيبي فيه البقوليات منهار تديري فيه حوت ونهار تاع لاغراتان ونهار سبيسيال ماكلة بنينة شطاطح مثلا وكي تديري هادوك الماكلات لي ماتعجبهمش زيدي ديري غراتانتاع البطاطا بالحليب والفرماج ولا غراتان تاع البدنجان ولا شلايظ وحطي 200 الف تاع الخبز تاع كل يوم لمدة شهر صدقيني تلقاي روحك موفرة ملين في جيهة ماتمستش وهادوك الاظرفة رايحة تلقي فيهم دراهم ماتمستش وديري شهر خبي فيهم دراهم الماء والتريسيتي
هده مجرد راي ان شاء الله نكون عاونتك اختي والاسبوع الخامس على اساس انها ممكن تطول لاباي ولا كاش مايصرا بعيد الشر للطوارئ

hakim3148 · 2012-04-29, 11:43

صباح الخير خياتي وحباباتي نسيت ما قتلكش يا اختي ام مارية انه زوجي شارط عليا كل خميس جاجة محمر يعني عشا مليح وزيد ياخذ كل اسبوع 100الف مصروفو تاع دخان وقهاوي وزيد عندي بنتي نور البارح كان عندها عام يعني عيد ميلادها نشريلها علبة ليكوش كبيرة130الف والحليب والمشكلة الكبيرة ه الايام مرضنا والسبب الماء ملوث بدينا نشرو افري كل يوم فاردوا وهدا ما زادة الطين بلة
زيدي فيديني بافكار اخرى حسب التوضيحات الجديدة والسؤال لك كذلك يا ام دودة