موضوع جذيذ

مريم سلسبيل · 2012-04-21, 20:05

سلام لكن انا عندي اقتراح ياريت يلقى التجاوب
1 نتكلمو على عولة رمضان كيفاش نوجدولو ماتقلوش بعيد راهو في الطريق
2 نتكلمو على تجهيز البنات وهم صغار ياك كل شي غلا للي عنده بنت واحدة تحير فمابالك اكثر
3 كيفاش تعملو للالبسة نتاع العيد ونتا ع القراية
4 للي عندها دار تبني فيها كيفاش تحضرلها قش جديد وهي مازالهاتبني
5 نتكلموعلى الشيفون
اسمحولي طولت عليكم ان استفدت من منتدى الجلفة بزاف ياريت نحكي على المواضيع راهم يهموا النساء بزاف مع الوقت للي غلا فيه كلشي

مريم سلسبيل · 2012-04-21, 20:46

علاه مكانش رد يالله يا دودة وام مارية خلوكم من الضيوف وشاركوني

ام امجد14 · 2012-04-21, 21:27

وانا نسيتينى هههههه الله الله عليك انا هذا ما نبغى نحكى فيه الله يعطيك الصحة والله يستحق التثبيت ا
الحمد لله لقيت واحدة تفكر كيما انا

ام امجد14 · 2012-04-21, 21:38

انا قررت انا و زوجى نشرى ملابس العيد مع بداية الصيف لانو مع اقتراب رمضان و العيد يغلاو بزاف خاصة ملابس البنات
ونزيد اذا خرجنا للبلاد الكبيرة نشريلهم ملابس الدخلة و نخبيهم ان شاء الله
اما بنسبة لتجهيز البنات فيريت نسالكم اى سن نبدا نجهز فيه واش نشريلهم انا عندى بنتين خموس عليهم
وما فهمتكش ما هو الشيفون

مريم سلسبيل · 2012-04-21, 21:40

اسمحلي ام امجد اناعضوة جديدة وبالسيف باه سجلولي ولادي في المنتدى موضوعي يهم امهات بزاف الاولاد بداويكبرو وكل شي غلا
وكاين كيف حالتي رانا حاسة بلوقت يهرب منا بدينا نكبروا المهم نبدوا في خطوات مفيدة نلحقو بربي انشاء الله بناتنا وديارنا

ام امجد14 · 2012-04-21, 21:49

عندك الحق وانا ايضا رانى مثلك و ايضا عندى اولاد وبداو يكبرو و مطالبهم تكبر معاهم
ان شاء الله نتعاونو و نلقاو تخطيك الجيد مع هذا الغلاء

مريم سلسبيل · 2012-04-21, 21:50

شكرا ام امجد الشيفون لبسة قرانسا القديمة ماعلابليش واش تسموها انا واحدة مهبولة منين نخرج نروح للحوانت نتاعهم ونقعدنقلب في الالبسة بصح يجيبو لبسة تهبل
لليعندهالبنات لازم تخبيلهم من الصغر شوفي تصديرات العرايس كلها من القماش المخبي بصح انا خايبة عندي زوج بنات وغيركيف بديت نخمم فيهم

ام نسمة · 2012-04-21, 21:56

مرحبا في الحقيقة موضوع راه شباب بزاف ومفيد جدا لتبادل الخبرات والافكار المهم بالنسبة لياا عندي طفلين مازالو على القراية لكن طفلي الكبير عندو اربع سنين بحكم عمل ابوه في التعليم يقدر يدخل السنا للتحضيري لكن راني مترددة شوية ادا اندخلو السنا ولا انخليه حتى يوفي السن القانوني مل باقي الاطفال اما عن موضوع البناء وتاثيث المنزل انا راني فيها بالدات واش انقولك في الاول كنت حاسبة كلشي يتقاملي وحد الربعين ولا خمس وربعين مليون فقط لكن دهلت لما وجدت التكاليف تعلى وتعلى وانا مازلت ما كملت ادن اتحدت طريقة خلطها تصفى راجلي مقابل البناء وانا راني نشري في الاثاث غير بشوية

ام امجد14 · 2012-04-21, 22:02

انا بناتى واحدة ثلاث سنوات واحدة سبعة شهور ما زال ما نخبيلهم اليس كذلك

ام مرية · 2012-04-21, 22:16

رحبا بيك حنونتي اسمحيلي هادا وين شفت موضوعك شكرا على الطرح المميز عجبتني فكرة الموضوع كل الامور الي تهم ربات البيوت طرحتيها هنا بالنسبة لعولة رمضان عندي ما نهدر اما تجهيز البنات انا بنتي عمرها 3 سنوات مازال الحال ولكن نهدرلكم على اختي راهي في مقام الزواج ورانا نوجدولها ان شاء الله ربي يفتح عليها بولد الحلال وصافي هي وكل البنات لي عودة في الغد ان استطعت ان شاء الله باش نحكي باسهاب نموت على التقرعيج هههههه

فوزية22 · 2012-04-21, 22:29

السلام عليكم انا نحب نشار كم بآرائي الحمد لله على كل حال عندي ولد واحد حاليا لاكن دايمن نحب نوجد له حوايج العيد بكري وقبل ما يلحق رمضان على خاطر في رمضان سخانة تاع الطقس و الاسعار تحرقني وزيد ولدي انشاء الله السنة هاذي ندخله للتحضيري نوجدله اكثر المهم الي عندهم دراري كل مرة اشري لواحد فيهم زوج تبديلات على حساب دراهمكم و بالنسبة للبنات انا تبان لي كي تزيد الطفلة ديريلها شحيحة (حصالة )خبيلها فيها كل شهر نسيب مين تكبر تلقى دراهمها واجدين ولا قدرتوا وجدولهم الذهب لكن على حساب السعر تاعه ماشكيتش[/b]
و الادوات و الكتوبا كذلك كي تلقاي الفرصة اشري مجموعة من الكراريس و خليها عندك و الكتوبا مالازمش كامل جدد تقدري تشريلهم من عند الدراري لي سابقينهم في العوام
ان شاء الله ربي يخليلنا و ليداتنا و ازواجنا و يرزقهم الرزق الحلال و يقدرنا على تربية اولادنا
قولواآمين

houdehoud · 2012-04-21, 22:30

شوفو بالنسبة ليااولادي إذا كتبلي ربي نديرلهم حساب في البنك وكل شهر نحطلهم 1000دج و الباروكاللي يجيهم من زيادتهم و روح نلوحهولهم في حسابهم البنكي هاذ الساعةعندي غير لينه ربي يحفظهالي و طرحت الفكرة على راجلي عجباتو بصح مازال ماطبقهاش mais والله اذا خدمت نديرها

نيفرتيتي. · 2012-04-22, 07:24

اقتباس:

المشاركة الأصلية كتبت بواسطة زهورالفل

مرحبا في الحقيقة موضوع راه شباب بزاف ومفيد جدا لتبادل الخبرات والافكار المهم بالنسبة لياا عندي طفلين مازالو على القراية لكن طفلي الكبير عندو اربع سنين بحكم عمل ابوه في التعليم يقدر يدخل السنا للتحضيري لكن راني مترددة شوية ادا اندخلو السنا ولا انخليه حتى يوفي السن القانوني مل باقي الاطفال اما عن موضوع البناء وتاثيث المنزل انا راني فيها بالدات واش انقولك في الاول كنت حاسبة كلشي يتقاملي وحد الربعين ولا خمس وربعين مليون فقط لكن دهلت لما وجدت التكاليف تعلى وتعلى وانا مازلت ما كملت ادن اتحدت طريقة خلطها تصفى راجلي مقابل البناء وانا راني نشري في الاثاث غير بشوية

موضوعكم هااااااااايل كي نقعد نحكو فيه درك نروح نطل على الخدمة ونروح للابوست نفرسي دراهم ونجي
بصح حبيت نقلك عن تجربة ماكان لاه دخلي ولدك يقرا 4سنين انا غلطت الغلطة ودرك هو كاره القراية قرا قداه من شهر وحبس ود\رك راه قاعد ماحبش يقرا راني خايفة العام اللي جاي كيفاه ندير خليه يعيش طفولته وماتحتميش عليه اناراني هكا كرهت في القرايا وقعدت هو ذكي كلش في راسو صقصيت حتى مختصين في المنتدى قلولي خليه يرقد خليه يعيش طفولته في الدول المتقدمة راح يديرو التعليم على7 سنين واحنا فارحين من درك وقولي لراجلك يصقصي وصقصي انت في المنتدى

مريم سلسبيل · 2012-04-22, 08:35

صبح الخير عليكم انافرحت كي عجبكم موضوعي بالنسبة للاخت للي حابة تقري بنها صغير نقوللك كل طفل كيفاهيتفبل الدراسة انادخلت بنتي صغيرة كي كبرت صابت روهه مع بنات كبارعليها وهي نتاجها مازالو يلعبو ندمت للي حملتها المسؤلية بكري عندنا مانحكو في هدا الموضوع

sondse1 · 2012-04-22, 08:39

الف شكر ليك عزيزتي على هذا الموضوع الجميل و الله يستحق التثبيت

ان شاء الله لي عودة الى الموضوع باقتراحات

حبيبتي ام امجد / ام مرية / هدهود

واش احوالكم توحشتكم بزاااااااااااااف