موضوع جذيذ

[ام امجد14]

الله يخليلك مارية يا ام مرية حطينا جدول نتاعك باش كامل نستافيدو رانا كامل مغبونين من هته الموضوع انا ولادى يتقلشو بزاف واحد ما يحبش الشوربة و الاخر ما يحبش الماقرون و الاخر ما يحبش الفول و راجلى ما يحبش الارز والله غير حصلت

[ام امجد14]

باركولى يا بنات جابلى راجلى كادو
تحبو تعرو واش هو ______________________
جابلى اجندة
واقيلة شاف مواعيدى بزاااااااااااااااف حاب ينضمهالى ههههههههههههههههههههههههههههههه
المهم ماعرفتش واش نكتب فيها
اعطونى ارااكم

[نيفرتيتي.]

صباح الخير على حبيباتي البارح كانت عندي عرضة والصباح صبحت مع القش والتسياق والغدا ودرك راني معاكم وكي جيت لقيت
واش دارت نرجس والهدرة اللي تهدر فيها كلام كبير والله ماقدرت نرد عليها درت بيها تقرير مانعرف واش راح يديرولها

[نيفرتيتي.]

نقولكم البارح واش درت
هي ماهيش عرضة تسمى ضيف برك لانه من الموجود
اول شيئ طيب شربة فريك حمرة وحارة جات هاايلة وبعد درت الجلبانة واالبطاطا والزرودية يفورو باه ندير الماسيدوان وطيبت شوية روز
درت المطلوع يخمر والرخسي وجدتها وخليتها ترتاح

عندي ملوخية اللي ثايرة عليها الديقات هههههههههههه في الكونجيلاتير جبدتها ودرت طاجين جلبانة مع الروز والفرماج والزيتون والتون والمعدنوس وكان لازم البطاطا بصح مابقتليش مادرتش وزدتلهم البيض 5حبات ودخلتهم للفرن
رجعت للكسرة عاودتها وخليتها تعاود تخمر
بعد رجعت وجدت السلاطة درت خيار وزرودية وزيتون اسود واخضر والماسيدوان درتها في قالب وحطيتها وسط السلاطة ماكانش عندي السلاطة حشيش والطماطم حب مادرتش بعد مادرت الخيار من جهة والزرودية من جهة والماسيدوان في الوسط حطيت من الفوق الزيتون الاسود والاخضر وربيت فوقها حبة بيض جات هايلة وماتبانش ناقصة حتى المايوناز ماكانش عندي جبت صفار بيض وفرشيطة ودرت قطعة جزر في الفرشيطة ونخلط ونزيد في الزيت حتى طلع المايونز ودرتله شوية خل ودرته للماسيدوان وحطيتها في الثلاجة
بعد رجعت للطاجين اللي في الفو ر وقلبته في صحن ود رت واش دارت ام رامي في مقلوبة المرقاز بطاطا وفرماج وزينت بالكيس الحلواني من الفوق قبل هذا طيبت الكسرة المطلوعة والرخساس سخنت المنلوخية وحطيتها في صحن وكي جا راجلي وصحابو وجدتله ادالهم تعشاو وبعد العشا طول خرجو يعني تهنيت من السينية تاع التاي غسلت الماعن وقعدت اما وين كلاو نضمت كلش لعشية قبل مانبد نطيب
مع العلم انه ماشريت واااااااااالو من برة قلت لراجلي خلي نتفنن بواش عندي لانه الدراهم ناقصة هاد ليام

[ام امجد14]

شكووووووووووووووون هذى نرجس

[houdehoud]

المشاركة الأصلية كتبت بواسطة ام امجد14

باركولى يا بنات جابلى راجلى كادو
تحبو تعرو واش هو ______________________
جابلى اجندة
واقيلة شاف مواعيدى بزاااااااااااااااف حاب ينضمهالى ههههههههههههههههههههههههههههههه
المهم ماعرفتش واش نكتب فيها
اعطونى ارااكم

سلام عليكم مبرووووووووووك اكتبي فيها les recette اللي يحبهم راجلك واللي ممكن تنسايهم

[نيفرتيتي.]

نرجس العنابية الردت في موضوع الملوخية

[نيفرتيتي.]

المشاركة الأصلية كتبت بواسطة ام امجد14

باركولى يا بنات جابلى راجلى كادو
تحبو تعرو واش هو ______________________
جابلى اجندة
واقيلة شاف مواعيدى بزاااااااااااااااف حاب ينضمهالى ههههههههههههههههههههههههههههههه
المهم ماعرفتش واش نكتب فيها
اعطونى ارااكم

انا عنده مدة جابلي وحدة درت فيها ليغوسات تاع المنتدى

[نيفرتيتي.]

راهي الادارة حذفت الرد تاعها لكني لقيتها كاتبتلي واحد اخر في اللحم المفور الموضوع تاعي

[موسى2207]

شكرا ام مرية على الوصفات فقط قوليلي وماتضحكيش عليا السفرجل يقدم ديسار ولا كيفاه
ربي يفتحلك بيبان الخير

[ام امجد14]

مشكورين رايح ننكتب فيها ليغوست
ميرسىىىىىىىى

[houdehoud]

انا عندي مشكل كي نقلق نردها عالماكله وهاد الحالة النفسيه يقولولها boulimie وهي كي الواحد ياكل و ما يشبعش و بديت نسمان وقد ماناكل ما نحبسش وناكل كل شيء ما تضحكوش علي بصح مالقيتش حل

[ام امجد14]

[QUOTE=houdehoud;9721683]انا عندي مشكل كي نقلق نردها عالماكله وهاد الحالة النفسيه يقولولها boulimie وهي كي الواحد ياكل و ما يشبعش و بديت نسمان وقد ماناكل ما نحبسش وناكل كل شيء ما تضحكوش علي بصح مالقيتش حل





ياريت نولى مثلك انا رانى حابة نسمان هذى اول مرة يزيد وزنى ملى جبت رهف بنتى وعمرها ستة شهور الحمد لله رانى ناكل ما نشبع وحتى رانى نرضع ورانى خايفة نولى كيف زمان
اما بنسبة ليك انا ننصحك ما تاكليش بين الوجبات يعنى غذاء و عشاء فقط وما تكثريش من الحلويات وما تخميش فيها بزاف

[ام امجد14]

ما تعرفيش هذى boulimuieمنين تجى

[أم عائشة]

عجبنى موضوعكم بزاف انا عندى بنات كبار والله مازال ما وجدت حتى حاجة ليهم كذلك حبيتكم تقولولى كيفاش نحببهم فى الشغل نتاع الدار راهم ما يعاونونيش خلاص للعلم هم يقراوا بصح كى عودو فى الدار التفراج والرقاد وانا مقلقة