الجزء 170من واش طيبتي اليوم 💝 كوزينة المفاجآت والصحبة الطيبة 💝

[ام هدول]

بحورة الف صلاة وسلام على الحبيب المصطفى ..وبصحتك الشريبة ..ولفطور ....
رزيقة ...شفت ديك النهارالبيتزا روووعة رووعة ....وبناتي رهم من معجبين بيك وبطيابك .....وزتي اليوم البوراك ..لي حسيتي بيه كتطبيق رووعة خاصة البيضة سايحة اممممممم
ام تاجو بصحتك البربوشة عشايا تليتلي بادن الله
االصايمات ربي تقبل صيامك ..انا راني فاطرة الله غالب ماقدرتش ...بصح نوجد فطور الصاييمين لي عندي ..سلالام

[chez biba]

السلام عليكم يا حراير وصحة غدا الجميع بدون استثناء و صيام مقبول للصائمين
هذا وين قدرت ندخل الصباح كانت النت ثقيلة وزيد مع الدوران تاع الدار ولولاد ربي يقدرنا
يعطيكم الصحة كاااااامل ماشاء الله عليكم

لبنات بالنسبة للبوراك موش شرط تحطو طريقة جديدة انا قلت ماذا بيا تكون فكرة جديدة سواء في الحشو ولا في التقديم خطراش كاين لي يحصلو في الديكور وكيفاه يقدمو للضياف هكذا نتبادلو الأفكار والوصفات ثاني وعادي تقدرو تهزو من الصور لي حطيت كتغيير للعائلة
حتى وان كانت الطريقة بسيطة بالنسبة ليك تكون مفيدة لغيرك نتمنى تكونو فهمتو قصدي

[nanoua7]

المشاركة الأصلية كتبت بواسطة ام طيري الجنة

مساء الانوار كل الحبيبات
مساء النور نعنوعتي النشيطة ريحتك الطيبة راها معطرة الكوزينة الله يبارك

الصايمات صح فطوركم
بيبا الحبيبة مساء النور بصحتك البركوكس بالحليب
شفت اطباق ااسيا الرائعة بصحتك و بحتكم كامل واش درتو الله يبارك فيكم كااااملين
حيوتة رانا نتافقين على العشا وقيلا مين درت سردين درتي سردين و مين درت شوفلون درنا كيفكيف شوفلولر هههه

هذا عشايا اليوم
[img]

[/img]

سلام يا الحبيبة واش أخبارك لاباس عليك يا عمري ربي يحفظك ان شاء اللّٰه انتي اللي كلك على بعضك طيبة اللّٰه غالب جا اسم نانوا عزيز عليا ياسر ياسر وإلا كن بدلتو بنعنوعة بصح نحبك تولي تلقايلي نعنوعة هههههههه تهالاي فروحك سلام

[أم هبوبة]

رزيقة و فاتي 05 و توبة و ام ساجد وسيم و ام هدول ربي يخليكم ليا و الله مسيتوني في القلب و دمعة عيني و دعواتكم لبنتي بالشفاء يا احلى رفقة و أخوات
رزيقو واش هاداك البوراك راه ينطق ما شاء الله على اطباقك روعة تعجبني بزاف و غير نشوف الصورة قبل ما نشوف اسمك نعرف اطباقك اكي حلوة مثلك
توبة ما شاء الله على اطباقك و بصحة أختك الكربنو بصح يا ريت جيت نعرف الشاوية باش نقرى شتى راك كاتبة على قول ام هدول يا درا راكم تشكروا و لاتمنشروا
ام تاجو بصحتك البربوشة مسبقا و عواشر مباركين
ام هدول بصحتك الغدى

[nanoua7]

المشاركة الأصلية كتبت بواسطة chez biba

سلاااااام لبنات اعذروني ساعات بالاك ما نعرفش وحدة منكم بحكم انها جديدة يعني دخلت في الفترة لب كنت فيها انا غايبة ولا كاين ًل يغيرو اسم عضويتهم ماذا بيا تفكرتوني باش ما نبقاش Out
ام محمد مرحبا بيك وبلا طباقك معانا الله يبارك كلش يشهي يعطيك الصحة


روضة لحبيبة اي فاكهة تقدري ديري بيها عصير وإذا عندك انواع بزاف ديري كوكتال سوا تخلطي مع لحليب سموثي ولا ديري بالماء ومعاه شوي عصير الليمون باش ما يتأكسدوش ويحافظون على لونهم وكاين فاكهة لي تكون فيها نواة كيما لعنب مثلا لازم تصفي العصير وأحسن حاجة أنكم تشريو centrifugeuse اي حاجة تحطيها فيها حتى الخضر تخرج لك عصير صااااافي للشرب

ام ساجد وسيم تهبل معقودتك وكنت راح نطلب منك الوصفة لقيتك حطيتيها بارك الله فيك

ايه حنا عندنا اليوم بارد الحال موووووت والمطر دار حالة

ام البنين يعطيك الصحة روووووعة تطبيقك هكذا زدتو حمستوني باش نجرب تاع الفرينة انا قلت خلي كي نفطر ونديرو ان شاء الله


فاتي امممممم على عشاك يسخف تقليدي 100% انا نعرفو كسرة ودشيشة بصحتكم

وتطبيقك كالعادة دون تعليق خموس عليك

بصحتكم رخسيس ماماك يهبل تاع حراير ربي يحفظها


حيوتة بصحتكم الشوفلور وربي معاك انتي وام نور الهدى وام ابراهيم وكاين وحدة ثاني من الشلة في لوحم سمعتي ام ياسو الداية تاعنا عرفتيها ولا لا
والديسار تاع السهرية ما خلاش بصحتكم وربي يحفظ لك عجوزتك ويكثر خيرها علو الطمينة


ام البنين بصحتكم طاجين الرخام اممممم لوكان زدتي قلشتيه شوي برك في التقديم


ام هدول مرحبا الله لا يغيبك وصحة عشاك

اللهم امين صحة عشاك نعنوعة ما قلتيش واش درتي ولا انا لي تلفتلي دخت مع الردود

مساء الأنوار حبيبتي ام نسرين وطبق الشوفلور تاعك جد مغري بصحتكم لازم نجرب الطريقة لي حطيتي ان شاء الله

[/center]

سلام بيبا لاباس العشاء ذاك تلفت مالقيت مانديرلهم كذبتها عليهم قا بفريت وسلاطة و شكشوكة ومطلوع كالعادة

[أ م ساجد وسيم]

ام هدول وااااااي على الكوكا هذيك درتيها بعجينة المورقة ولا كاش اختراع جديد تاني المهم تسخف شرحي وناقشي ولا وقيلا درتي طريقة ام وليد اممممممم بصحتك فطورك وبصحت صايمين قوليلهم يدعولنا معاهم
ام هبوبة ختي اي حاجة تحتاجيها اي حاجة اطلبي برك لوكان غي دعوة ليك رانا هنا ربي يكون معاك
ام تاجو بصحتك البربوشة امممممم
بيبا ربي يعاونك مع شغل دار راه والله مايكمل نتنهناو من الفطور يخرجلناالعشاء ههههههه

[nanoua7]

المشاركة الأصلية كتبت بواسطة حياة نور الدين

بيبا شكراااا على كلامك وعلى الدعاء ويعطيك الصحة على وصفة البركوكس
التطبيق مغري بصح بيني وبينك الاشكال حطيتهم كامل زعما كاين حاجة جديدة خخخخخ
نتمنى نشوفوا احلى حاجة

رنيبم اهلاا حبيبتي واش راكي

ام نسرين يؤبرني الشاطر ههههه يعطيك الصحة

البارح نسيت مسلمتش على نانوا وقلتلها صح عشاك
اللي راح يصوموا ربي يتقبل منا ومنكم صالح الاعمال

تنساك الموت ان شاءالله و اللّٰه يسلمك وربي يحفظك كي تفكرتيني برك

[nanoua7]

المشاركة الأصلية كتبت بواسطة ام هدول

صباح الخير عليكم ....صيامكم في الجنة لي صايمين ...انا غير زوجي وووحدة برك من بناتي صايييمن ..وطلبو مني طاجين الزيتون ..وخبز الدار ..وعشا عاشوراء رايحة ندير تلتلي بربي شالله ....بيبة البوراك ....ماعنديش افكارفيه من غير لي في الصور ...مانعرف نخخم كاش ماتجيني فكرة خخخخخ
غدايا بقاتلي كوكة من البارح .....ليا غير انا بنتي الباقلي لي صا يم ولي يتغدى في الروضة ولا في المدرسة .....متهنية من لغدة
نانوة تنساك الموت حبيتي البارح درت زعمة جرنان ونسايتك فيه كي جيت نرقد قعدت نخمم فيك ..يادرى عندك الدراري ..خدامة ....نقرعج برك مع روحي هههه

ربي يحفظك ان شاءالله تفكرتيني في بالك هي الفايدة واش ندير بالجرنان وعلى ديك التقرعيجة قعدت غي نضحك ههه بنيتك راها قا سيليبايرا هههههه أنا راني هاد العام برك كملت ماستر و راني فالدار لا خدمة لا زدمة هههه لقيت الكوزينة برك تسنى فيا

[chez biba]

ام هبوبة لحبيبة اسمحيلي والله ما لقيت ما نقول غير

ربي معاك

[nanoua7]

المشاركة الأصلية كتبت بواسطة أم هبوبة

صباح الانوار
واش الاحوال ان شاء الله تكونوا كامل بخير
الف شكر و تحية لكل وحدة رحبت بيا و سقسات عليا
ما شاء الله عليكم راكم قايمين بالكوزينة ربي يبارك ليكم
شي بيبا و الله غير سمحليلي سؤالك على سمية باش نرد عليك نسيت الزهايمر راه حكمني و الله ما راني نعقل شتى قريت و لا شتى شفت واش نقلك زادت اعاقتها أكثر و أكثر في هدا الوقت خلاص ما راهيش كامل تجمع لانها تعوجت من الظهر تقريبا جسمها دار كامل راه غير راقدة و لله الحمد .
الزهر ما عنديش شريت طابلات جديدة باش نشارك معاكم لكن كي ندخل المنتدى بها كامل الرموز ما يبانوش مجرد علامات استفهام ما قدرتش كيفاش نبعت الصور بها
صح غداكم و الصايمات اللله يتقبل منكم

ربي يشافيها ان شاءالله ويقدرك على رعايتها و يحفظهالك ان شاءالله وما تعاوديش كامل هاذي هدرة الزهر بالاك تابلات ما فيهاش العربية و يحفظلك سمية ان شاءالله خاطر هوما يجيبو رزق للدار و اللي عندو المريض فالدار هو المريض راني عارفتها صعيبة ياسر بصح يلزمكcourage برك اختي ام هبوبة و ربي يعاونك

[أ م ساجد وسيم]

نانوة واش معناته اسمك سمحيلي نجي نكتبه وتتلفلي ساعات نلقى روحي ندور في حرف واحد خخخخخخ بصح ام هدول يكثر خيرها قرعجت و عاونتنا معاها في تقرعيجتنا ههههههه ربي يجيبلك وليد الحلال وخدمة كيما يحب خاطرك

[nanoua7]

مساء الخي ان شاءالله الجميع بصحة وعافية

[حياة نور الدين]

السلام عليكن
واش راكم البنات انا اليوم ذبحنا الصباح خروف وقسمناه مع شيخي والحمد الله
شوطت بوزلوف ودوشت وخرجت معنديش بزاااف ملي رجعت
انا مازلت صائمة الحمد الله بالرغم تقييت حاشاكم بصح مرجعتش

فطوري ان شاء الله شربة فريك ولحم بالزينتون والخرشف وسلطة والحمد الله
هي نورمالمون في العواشير ندير عجين بصح حابة الرشتة بلاك غدوة نخدم شوية ونديرها للعشاء ان شاء الله

[فاتي 05]

مساء الخير على الجميع

توبةوالله حتى نتوما اطباقكم روعة يعطيكم الصحة و ناسكم مضيافيين الله يبارك ، و الف الف الف مبروك لاختك و بصحتك القاطو شهتيني و انا صايمة.
ام ساجد وسيم ربي يكون في عونك حنونتي و يشفيك يا رب العالمين.
ام محمد تاج بصحتك بربوشة عاشوراء رانا متفاهمين عليها اليوم هههه...
ام هدووول بصحتك كوكا و سلطة تشهي الله يبارك ، انا و توبة كنا نهدرو على اطباقنا و كل وحدة تشكر في الاخرى هذا ما كان برك رانا نشكروا ما نمنشروش.
ام هبوبةربي يشفيلك بنتك و يطمنك عليها ياربي و قل لن يصيبنا الا ماكتب الله لنا ، اصبري و خلي ثيقتك في ربي سبحانه وحده القادر على كل شيئ.
حيوتة نستعرف بيك يالفحلة ربي يعطيك الصحة و العافية و يسلك على خير ،


صح عشاكم و فطور الصايمات مسبقا الله يتقبل.

[nanoua7]

للصائمين رددوا الآن اللهم اعتق رقابنا من النار (خمس مرات) اللهم إنك عفو كريم تحب العفو فاعفو عنا(خمس مرات) اللهم صلي و سلم على سيدنا محمد وعلى آل سيدنا محمد( خمس مرات) أستغفر اللّٰه و اتوب إليه(خمس مرات) سبحان اللّٰه وبحمده سبحان اللّٰه العظيم (خمس مرات) وربي يتقبل من الجميع ان شاءالله وتفكرونا بدعيوة معاكم