الجزء 170من واش طيبتي اليوم 💝 كوزينة المفاجآت والصحبة الطيبة 💝 - الصفحة 57

حياة نور الدين · 2016-10-10, 22:31

ام طيري الجنة · 2016-10-10, 22:32

اقتباس:

المشاركة الأصلية كتبت بواسطة حياة نور الدين

يا عمري شفت تصاور ام نسرين اخييبرااااااا طيابك يشهي وشفتي كي رانا متفاهمات ههههه ولاية واحدة خخخخ

شفت شفت كي وليت شاطرة و تعلمت بالخف ههههه

ام هدول · 2016-10-10, 22:46

حيوتة حبيتي يسقسي عليك الخير المهم كي عجبك الشفلور ..بطريقيتي ..بصحتك ...والسرردين ربي يعشك ويخليك احب الناس لقلبك
ام نسرين بصحتك الشفلور وقليلي كيافش درته نحب نعرف وصفات مختلفة على تاعي وبعقلك منين تلقاي الوقت

ام طيري الجنة · 2016-10-10, 23:03

اقتباس:

المشاركة الأصلية كتبت بواسطة ام هدول

حيوتة حبيتي يسقسي عليك الخير المهم كي عجبك الشفلور ..بطريقيتي ..بصحتك ...والسرردين ربي يعشك ويخليك احب الناس لقلبك
ام نسرين بصحتك الشفلور وقليلي كيافش درته نحب نعرف وصفات مختلفة على تاعي وبعقلك منين تلقاي الوقت

حبيبتي ام هدول كنت خارجة حتى شفت سؤالك رجعت باش نجاوبك الوصفة كنت حطيتها في الصفحات السابقة بصح ما عليش نعاودها لحبيبتي انا تاني اول مرة انديرها شفتها في اليوتيوب جات بنييينة

شوفلور بصوص مورني sauce mornay
[IMG]

[/IMG]
نبداو بالشوفلور انديروه في ماء وملح على النار
نروحونوجدو الصوص مورني نفس صوص بيشاميل لكن كي تبدا تتقال نزيدو ملح او احسن جومبو دجاج و فلفل اسود و فص ثوم تنقيه و ترميه كيما هو
و تزيدي صفار بيضة مع الخلط المتواصل على النار دائما ثم نضيفو كمية من الفرماج رابي ثم اضيفيلها بصل مقلّي في شوي زيت و مقطر هدي الخطوة الاخيرة هي اضافة و اذا حبيتي ايضا تزيدي شوي معدنوس ثم نحيها من النار خدي البلا نتاع الفور ادهنيه و رتبي فيه زهرات الشوفلور اللي طابو في الماء و الملح و قطرتيهم اذا حبيتي ادهنيهم بشوي زبدة او لا و رشيهم بكمية قليلة نتاع لاشابلور ثم فرغي فوقهم لاصوص مورني اللذيذة اللي تجي شوي تقيلة و زيدي فوقهم شوي فرماج رابي و دخليهم الفرن يتقراتيناو فقط تتحمر كلش طايب و شهية طيبة

و الان تصبحن على خير الى الملتقى غدوة عندي يوم حاااافل الله يعاونني و يعاونكم

chez biba · 2016-10-10, 23:10

سلاااااام لبنات اعذروني ساعات بالاك ما نعرفش وحدة منكم بحكم انها جديدة يعني دخلت في الفترة لب كنت فيها انا غايبة ولا كاين ًل يغيرو اسم عضويتهم ماذا بيا تفكرتوني باش ما نبقاش out
ام محمد مرحبا بيك وبلا طباقك معانا الله يبارك كلش يشهي يعطيك الصحة

روضة لحبيبة اي فاكهة تقدري ديري بيها عصير وإذا عندك انواع بزاف ديري كوكتال سوا تخلطي مع لحليب سموثي ولا ديري بالماء ومعاه شوي عصير الليمون باش ما يتأكسدوش ويحافظون على لونهم وكاين فاكهة لي تكون فيها نواة كيما لعنب مثلا لازم تصفي العصير وأحسن حاجة أنكم تشريو Centrifugeuse اي حاجة تحطيها فيها حتى الخضر تخرج لك عصير صااااافي للشرب

ام ساجد وسيم تهبل معقودتك وكنت راح نطلب منك الوصفة لقيتك حطيتيها بارك الله فيك

ايه حنا عندنا اليوم بارد الحال موووووت والمطر دار حالة

ام البنين يعطيك الصحة روووووعة تطبيقك هكذا زدتو حمستوني باش نجرب تاع الفرينة انا قلت خلي كي نفطر ونديرو ان شاء الله

فاتي امممممم على عشاك يسخف تقليدي 100% انا نعرفو كسرة ودشيشة بصحتكم

وتطبيقك كالعادة دون تعليق خموس عليك

بصحتكم رخسيس ماماك يهبل تاع حراير ربي يحفظها

حيوتة بصحتكم الشوفلور وربي معاك انتي وام نور الهدى وام ابراهيم وكاين وحدة ثاني من الشلة في لوحم سمعتي ام ياسو الداية تاعنا عرفتيها ولا لا
والديسار تاع السهرية ما خلاش بصحتكم وربي يحفظ لك عجوزتك ويكثر خيرها علو الطمينة

ام البنين بصحتكم طاجين الرخام اممممم لوكان زدتي قلشتيه شوي برك في التقديم

ام هدول مرحبا الله لا يغيبك وصحة عشاك

اللهم امين صحة عشاك نعنوعة ما قلتيش واش درتي ولا انا لي تلفتلي دخت مع الردود

مساء الأنوار حبيبتي ام نسرين وطبق الشوفلور تاعك جد مغري بصحتكم لازم نجرب الطريقة لي حطيتي ان شاء الله

[/CENTER]

chez biba · 2016-10-10, 23:31

لي سقساوني على وصفة العيش (البركوكس) بالحليب

تاخذي الخضر تنقيها وتقطعيها مكعبات متوسطة وتحطيها في كوكوت مع طراف تاع دجاج وبصلة و2 سنات ثوم مرحيين وتمرقي بشوي ماء قيس ما تتغطى الخضرة فقط وتلوحي معاهم حمص وفول يابس ملحي وأغلقي عليهم وخليهم على نار هادية حوالي 40د
غلي العيش (البركوكس) في ماء مع شوي ملح حتى يطرا بلا ما يتعجن صفيه وفوريه مرة وحدة
من جهة اخرى فيضي 1ل حليب وزيديلو لحظة (ممكن تستعملي اكثر حسب الكمية ونوعية العيش)
كي تحلي اذا لقيتي مازال الماء قوي النار وخليها حتى تبقى غير شوي صوص خاثرة فرغي لحليب تاعك وزيدي العيش مع الخلط باش تعرفي القيس ولوحي شوي شحمة مخدومة وخليه يتغالى زوج دقايق وطفي عليه.
وقدميه بالصحة ولهنا يجي بنييييين مرة كلاه عندنا صاحب زوجي من الدزاير لليوم ما قدرش ينساه

@رنيم الأمل في الحياة@ · 2016-10-10, 23:58

السلام عليكم البنات
وشراكم ان شاءالله لباس توحشتكم ياسر وانتوما توحشتوني او لا

chez biba · 2016-10-11, 00:13

غالياتي تطبيق اليوم مميز ونتمنى انو يكون انجح تطبيق

بما انو معضمكم راح يكون صائم ربي يقبل على الجميع

هاذ المرة ما نحطش وصفة معينة لاني حبيت كل وحدة تبين إبداعها في الوصفة وهي حرة في اختيار الشكل والحشو لي يناسبها وعلى مدار يومين راح نخير احسن تقديم 🏆من حيث الشكل والديكور وحبذا لو تكون فكرة جديدة ✨✨✨
الهدف من هاذ التحدي هو اننا نتحصلو على مجموعة من وصفات وديكورات البوراك لأنو كل وحدة عندها لمستها الخاصة والمميزة وعادات كل منطقة تختلف
نتمنى انو تكون المشاركة قوية ونخلقو جو حماسي تسوده المودة طبعا

حياة نور الدين · 2016-10-11, 05:10

صباح الانوار
انا نضت نتسحر ربي يقدرني ونكمل النهار ان شاء الله ادعولي
وربي يتقبل منا جميع

حياة نور الدين · 2016-10-11, 05:13

بيبا شكراااا على كلامك وعلى الدعاء ويعطيك الصحة على وصفة البركوكس
التطبيق مغري بصح بيني وبينك الاشكال حطيتهم كامل زعما كاين حاجة جديدة خخخخخ
نتمنى نشوفوا احلى حاجة

رنيبم اهلاا حبيبتي واش راكي

ام نسرين يؤبرني الشاطر ههههه يعطيك الصحة

البارح نسيت مسلمتش على نانوا وقلتلها صح عشاك

اللي راح يصوموا ربي يتقبل منا ومنكم صالح الاعمال

omelbanin · 2016-10-11, 05:21

صح سحورك، حياة، وكامل لي رايحين يصوموا، ربي يتقبل منا صيامنا، آميييين.

ام أمينة · 2016-10-11, 06:08

السلام عليكم ورحمة الله وبركاته. صح صحوركم ام البنين وحيوت ربي يقدرك وتكملي هذا النهار وراكي عندكي عذر الوحم واعر عزيزتي راكي قريب تتهناي

لبنات كامل يعطيكم الصحة حطيتو خير وخمير مشاء الله

فاتي 05 · 2016-10-11, 07:18

صباح الخير على الجميع و يوم سعيد

البحر الصافي · 2016-10-11, 08:16

ام هدول · 2016-10-11, 08:32

صباح الخير عليكم ....صيامكم في الجنة لي صايمين ...انا غير زوجي وووحدة برك من بناتي صايييمن ..وطلبو مني طاجين الزيتون ..وخبز الدار ..وعشا عاشوراء رايحة ندير تلتلي بربي شالله ....بيبة البوراك ....ماعنديش افكارفيه من غير لي في الصور ...مانعرف نخخم كاش ماتجيني فكرة خخخخخ
غدايا بقاتلي كوكة من البارح .....ليا غير انا بنتي الباقلي لي صا يم ولي يتغدى في الروضة ولا في المدرسة .....متهنية من لغدة
نانوة تنساك الموت حبيتي البارح درت زعمة جرنان ونسايتك فيه كي جيت نرقد قعدت نخمم فيك ..يادرى عندك الدراري ..خدامة ....نقرعج برك مع روحي هههه