يومياتك مع سيارتك ................. شاركونا وافيدونا .....

[fadi02]

مع اني لست سائقة محترفة و لا اعرف شيئ في الميكانيك كي ديت رخصة السياقة سنة 2009 كنت مرة على مرة اعلملي راجلي انسوق من بعد شرالي طنوبيل صغيرة كنت اندور بها شوية نروح نقضي ندي اولادي للمدرسة من بعد حبست السياقة و باع لي راجلي السيارة قالي خسارة تخليها في القراج عندها واحد 3 اشهر حبيت نخرج ما حبش قالي راني عيان و مريض زعفت و رفدت مفتاح السيارة ديالو و حبيت نخرج ما خلانيش و قالي عندك شحال ما سقتيش و السيارة جديدة عمرك ما سقتيها ما سمعتش له و خرجت روحت للسوق و قضيت و شريت لحوايج الي خصوني و جيت مولية هنا المشكلة نسيت وين ستصيونيت و ككان معيا القضيان بزاف و الشتاء تصب دخلت لواحد الحانوت قعدت و قباقية نخمم وين الطنوبيل كي تفكرت قريب بكيت بعيدة ب 1 كلم طحيت القضيان عند الحانوت و رحت انجيبها كي وليت للدار رقيت راجلي جاي احوس علي و مقلق بزاف لان الهاتف نسيت في الطنوبيل كي طلعت للدار و حكيت لهم ولاو يضحكو علي هو و اولادي و من داك غدوة اديت مرصة هي هههههههههههه