المدفون بالطعام او بالكسكس ممممممم اكييييد من مطبخ lyzzabel

[lyzzabel]

المشاركة الأصلية كتبت بواسطة توكل

اللهم بارك
عجبنى بزاف وطريقة التقديم تفتح النفس وريته لاختى حتى هى عجبها رايح نجربه بحول الله
بغيت نسقسيك البارح طبقت طريقتك فى الطعام كى عاودته للمرة الاولى ماكثرتش الماء بزاف خفت الى يجى معجن جانى شوية حرش
بغيته يجينى رطب وخفيف كيفاش نديرله

وفيك بارك الله
الطعام تبانلي راكي ما تخليهش يفور مليح فالكسكاس
شوفي حبيبتي انا الطعام نديرله زيت الزيتون قبل ما نفخه ولا زيت عادي لا ما عندكش زيت الزيتون،، و نحكه بيدي باش يتبسس و من بعد ندير ثلاث أرباع 3/4 لتر ماء في كيلو طعام و نحرك بيدي حتى يتشمخ كامل و نولي مرة على مرة نحله بصباعي كيما مين نفتلوه حتى يشرب قاع هذاك الما تماااامااااا ،، نديره يفور المرة الاولى و ما نعجلش عليه لازم الفوار يدخل مليييييح فالطعام و قبل ما نحيه مالكسكاس نفرغ عليه قد كاس و نص ماء و نقلبه مباشرة فالقصعة ،، نديرله الملح و نزيدله الماء قد نص لتر او اقل حسب نوعية الطعام انا ندير عمر بن عمر روووعة ،، و نحله بالملعقة الخشبية مليح باش ما يتعجنش و نغطيه و نخليه يشرب كامل هذاك الماء وحد عشرين دقيقة ولا اكثر ،، نعاود نحله بيديا راكي تعرفي كيفاش و نبدأ نرش بالماء غيييير بالشوية ما نكثرش و نعاوده و نذوق و نشوف ،، نخليه يزيد يريح عشر دقائق و نفوره المرة الثانية و نغطيه و و نخليه يفور ملييييح من بعد ندهنه و خلااااص ،، نتمنى نكون ساعدتك ،، فقط الماء ما تكثريش في كل المراحل لي ذكرتهملك غير بالشوية و شوفي خاطرش كل ماركة و النوعية تاعها ،، ديري هاكا حتى توالفي و يولي يجيك طري و رطب كيما تبغيه

بصحتكم مسبقااااا ،، و شكرا على ردك الطيب