ما رايكم في إستهزاء المصلين بإمام قال للشباب لا تمتنعوا عن الزواج بسبب الفقر -الخوف من الزواج بسبب الفقر موضوع للنقاش--

[ل..ب..ن..ى]

المشاركة الأصلية كتبت بواسطة *الفتى الصغير*

اختي لبنى متاكد انكي مازلتي صغيرة
لا اعتقد دلك ولكن منكم نتعلم
شكرا لك على كلمة اختي
و خبرتك قليلة في الحياة
ايه وانا هنا لتوسيع خبرتي
راني نفوت سطاج
والديبلوم نديه منين نموت ان شاء الله
انتي اليوم تحت مسؤولية والدك
صح
تحتاجين شيء تطلبين والدك يعطيك
واه
سياتي ذلك اليوم الذي تتعلمين و تعلمين فيه

ان الامور ليست كما ترينها
متى سياتي دلك اليوم ؟؟؟
امازلت صغيرة عليه ؟؟
متى ساعلى واتعلم دلك !!!!

================
نزيدلك حاجة تقولي للشباب

اخدموا الارض
اتعلمو حرفة
اخدموا كذا

نسقسيك

و نسقسيكم قاع
ايه
منين راكم تاكلو

القمح من وين؟؟؟؟

الجزائر تستورد ما يقارب ملياري دولار امريكي من مادة القمح

مساحة الجزائر .......... 2381741 كم مربع
80 بالمية صحراء
و20 بالمية الباقي
و3.7 بالمية من الاراضي الصالحة للزراعة
مانحكيش على القابلة باش تتصلح !!
3.7 بالمية تكافئ : ...............

88124.417 كم مربع
.................................................. ...............
مساحة الجمهورية التونسية 162.155 كم مربع
مساحة اليابان 377708 كم مربع ومنها الصالحة للزراعة : 11بالمية من المساحة الكلية
تعادل: ......41547.88 كم مربع

مساحة الجزائر الصالحة للزراعة تعادل 2.12 * مساحة اليابان الصالحة للزراعة

مانزيدش نقارن تخاف نبقى نبكي
المهم

ماشي حق علينا نستوردو القمح هدا واش نعرف !!!!

الخضار و الفواكه من منين؟؟؟؟


البنان من كوستاريكا شحال يتباع؟؟؟ ديميل للكيلو ....100 دج
الهندي منتوج جزائري 180 دج للكيلو
السفيزف ماعلاباليش كيفاه تقولولو !!! 300 دج للكيلو
ومنتوجات اخرى

يعني القليل ماياكلش بخير عليه
علاه !!!
خاطر الارض الزراعية مافيهاش بزاف عمال
شكون يخدمو فيها ناس قلااااال واغلبهم كهول او شيوخ !!!
وين راهم les jeunes ؟؟؟؟
la jeunesse هيهااااااي

كانت الجزائر منتجة 90% من القمح المحتاج عام 1962، صار الأمر ل25% فقط من الإنتاج المطلوب.
1962 يعني كانت عاد اليد الفرنسية هنا
اعلم ان الجزائريين وقتها هما اللي كانو يخدمو
مي كانو يخدمو تحت الضغط الفرنسي
يخدمو نيشان ............ خدمة تاع بنادم خايف من حاجة ...!!
تاع بنادم مراقب !!!
والله يرى ويعرف ما بالنفوس وسيحاسب

ضركا 25بالمية !!!!!!!! وشحاال كاين شباب؟؟؟ 75بالمية من الشعب شباب
بالاك تقولي اغلب الشباب انات
نقولو 60بالمية انات و40 دكور
40بالمية من 75بالمية تعادل :
30بالمية من الشعب الجزائري دكور من فئة الشباب .........
شحال من نسمة في الجزائر؟
36مليون؟؟ نديرو بالتقريب برك
وانا متاكدة اننا اكثر من 36مليون
يعني ........... 10800000 شباب جزائري دكور فقط

ماقدروش على : 88124.417 كم مربع؟؟؟؟؟؟؟؟؟

122 شخص على كم مربع واحد ههههههه
صحا علابالي ماشي كامل يروحو للزراعة sinon نديرو انتاج عظيم
ونرجعو في مشكل وحداخر هههههههه

في ال2007 نسبة البطالة في الجزائر قدرت ب: 13بالمية
واكيد اغلبهم شباب .......
نقولو 60بالمية من البطالين شباب دكور
خاطر تقولولي بلي البنات داوو كامل les postes تاع الخدمة
ماعليه يا سيدي ........
60بالمية من 13بالمية تاع البطالة كاملة ! تكافئ
7.8 من الشباب دكور بطالين في الجزائر مي هدي من نسبة كامل الشعب

من 36 مليون كاين 7.8 بطال شاب دكر
تكافئ : 2808000 شاب جزائري بطال !!!!! واااااااااااع
ماكنتش نستنى هدا الرقم

عدد الشباب الجزائري دكر في الجزائر = 10800000

يعني شحال من واحد خدام ؟؟؟

7992000 شاب خدام

والباقي !!!!!!!!!
la jeunesse يا وليدي !!

نحيوو الاطفال يعني اللي يقراوو والشبيبة الاخرى


ملاحظة دايما في النسب كنت ندير بالتقريب وندعم فئة الشباب باش الاحصائيات ماتكونش مخجلة
بزاف .......... عدد البطالين يتجاوز اكيد ال2 مليون و800 الف بطال

راهم يخدمو الزراعة يا خويا !!!!

مقبيل كتبت بعض اسعار الفواكه ........... علاه اختاريت البنان والهندي والسفيزف ؟؟

البنان ماشي منتوجنا ..........ماعليه ماعدنا مانديرو .......... 100دج جاينا من كوستاريكا
الفواياج ووووو لحقنا ب100 دج
هاداماكان !!

الهندي 180 دج غير هنا في البلاد
راني نخمم لوكان الهندي يروح لكوستاريكا !!!
يتباع بشحال !!! ههههههههههه

السفيزف يعني ماشي حاجة كبيرة اللي يحتاجها جسم اانسان
مي راه منتوج البلاد ب300دج

علاه الاسعار تاع بلادنا غالية؟؟
خاطر ماكاش انتاج كبير
وكوستاريكا علاه رخيسة كامل هكدا !! هههههههه باينا



الاواني المنزلية من وين؟؟؟؟؟
من la chine
والملابس من la chine
هادو الصوالح اللي رخاس
les vêtements de marque من la france
ماريكان ........ وووووووو

شكون يبني العمارات
و الجامعات و المدارس
الشناوى .......... بناوو طريق شرق غرب
وقلال هم ولاد البلاد
الطاليان بناوو التيليفيريك وبعض الفنادق
وقلال هما وليدات البلاد

اكبرا جامعة في تلمسان ............ واش كاتبين في دخلتها؟؟؟
تغيضني عمري كي نشوف الكتبة على حيطها !!
علاه ؟؟
خاطر مانفهمش واش راهم كاتبين!!
كاتبين بالشينوية

سينورمال بناوها شناوة يكتبو واش يحبو عليها
روعة هي تلك الجامعة .......... مي ماشي جزايريين بناوها
الجامعة التي ادرس انا فيها شكون بناها؟؟ ...........الاستعمار الفرنسي
مازالت شادة روحها
سبجان الله على الخدمة المتقنة
ادا مازالهم حيين اللي بناوها نقوللهم يعطيهم الصحة

نحكي على اغلب العمارات في وهران في تلمسان وفي مدن وحدخرا ربما مازرتهاش انا
شكون بناها؟؟؟
بقايا الاستعمار
ولا جدودنا ربي يرحمهم ويوسع عليهم منين كانو يخدمو من نيتهم ويخافو ربي

قلائل هم ابناء جيلي الدين يبنون بنايات تقعد تابتة
يعني تطول ماشي الزلزة كي تجي كلش يطيح ولو كانت خفيفة
ولك ان تتدكر سنة 2003 في بومرداس


شكون يخدم الطريق و الجسور
ايه قلتها من قبل شناوة
شكون يحفر للانابيب تاع الغاز و الما
راهم قدامنا يحفرو باش يقربو المياه للسكان
المياه منين؟؟ من مياه البحر
يعني مشروع مليح تحلية مياه البحر

البلاصة وين راهم يخدمو السطاسيون تاعهم
لاصق من الفوق علام الجزاير الله الله
مي قريب مايبانش خاطر علم تاع الشناوة مخبيه
اكبر منو
لافتات كثيرة هناك
في بلادي انا ايه بلادي
مي مانعرفش نقرا واش فيها
مكتوبة بالصينية

صح يخدمو تما وليدات البلاد مي قلاااااال ولاد بلادي
شكون يخدم عامل تنظيف
؟؟؟؟؟؟
جزايري .............. ايه جزايري ماشي شينوي هنا
وبدون تعليق ... !!1
شحال من عامل تنظيف في مدينتك؟؟؟
هل هي نظيفة حقا !!!
صح الشعب ماشي مربي مي العمال مايخدموش سيريوزمون

نهار تشوف مدينتك صح نظيفة
ترقب دخول رئيس الجمهورية عليكم او احد القاداة اللي رؤوس مدينتك
يتحتولهم .............
خدموها الجزايريين

ما تقولوش الشباب الجزايري يتكبر على الخدمة


الشباب الجزايري ما لقاش الخدمة
مالقاش الخدمة
غريبة
=============

كامل يقولو لوكان الدولة تتعدل انا نتعدل ........!
هل سيصدر السيد بوتفليقة قرار ................. يقول " الوزراء ماكاش 30 مليون الخلصة تاعهم لازم الاستاد مربي الاجيال نزيدولو في الخلصة .......... ولا يقول " الشباب اللي ماعندوش خدمة راح نعطولو سلفية يدير بيها مشروع
كل واحد على حساب واش قرا
منين الدراهم؟؟؟ من خلصة الوزراء ...............!!!
الوزراء راح يديرولهم اختبار هم ومتفوقي الجاعات في المجال السياسي والاقتصادي وووو
يعني يديرو concours نزيه
ماكاش الغش فيه
يديرو اسئللتو اساتدة مختصين كل واحد مجالو ...........
الحراسة مشددة
واللي يربح يفوز بمقعد الوزارة
يقعد فيه 5 سنين ويعطي الريح لرجليه

هل تعتقد ان الرئيس غادي يصدر قرار كهدا؟؟؟
لوكان يجي ينوم هده القرارات يجو الوزراء يفيقوه

لازم الشعب يتكلم
والحكومة تلبي مطالب الشعب ادا صرخ
علاه؟؟
خاطر ماعندها مادير!!

ادا اجتمع الشباب البطال والمحقور ووو في العاصمة والمدن الكبرى
وصرخو خارجا حاملين لافتات .........

نحن بطالون نود العمل
اخرجو الشناوة من بلادنا فنحن من سيخدم البلد

ويطرحون كامل الشي اللي يشتكو بيه عبر الانترنت
وفي كل بلاصة

هل تعتقد ان الدولة سنسكت كل الششعب؟؟

يقعدو تما مسمار جحا ............. نهار سمانة ..............شهر
حتى تتحقق مطالبهم

ياك ماعندهم مايديرو غير يشدو الحيطان
ماعندهم ماخسرو ادا قعدو في الشارع وحملو اللافتات

علاه مايديروش هاد الشي؟؟؟
تقولي كيفاه يتفاهمو عليه؟؟

اعتقد ان اغلب العائلات الجزائرية عندها انترنت !!!!!!!
انت تعرف بالفكرة ....... تخبر جيرانك كامل الشبيبة اللي بلا خدمة
فهمهم الفكرة لانك فهمتها
وكل واحد يخبر صاحبو
حتى يجي اليوم اللي يتفاهمو فيه الشعب


فكرة ربما تقول مازالك صغيرة وماعلابالكش بلي كاين العسكر و صوالح وحدخرا ربما صح مانعرفهاش
مي نعرف بلي العسكر جزء من الشعب
من هم العسكريون ؟؟
خاوتك وخاوتي وجوارينا وعائلاتهم عايشين كيفنا

ربما راني صغيرة على امور كهده
ولكنني واعية ونعرف بلي كاين الامكانات
وننجمو بتفكير خفيف نحلو مشاكلنا

ببساطة نحب بلادي
نحب الجزاير


ربما خرجت على الموضوع شوية !!!
مي ماشي بزاف
علاه ماشي بزاف

خاطر la base تاع الزواج ............... هي الخدمة


سلااااااااام