ما رايكم في إستهزاء المصلين بإمام قال للشباب لا تمتنعوا عن الزواج بسبب الفقر -الخوف من الزواج بسبب الفقر موضوع للنقاش--

[عُضو مُحترم]

المشاركة الأصلية كتبت بواسطة ل..ب..ن..ى

السلام عليكم


الزواج يجيب رزقو والطفل يجيب رزقو معاه ..........

دائما أسمع هذه الجملة الأخيرة ولا أعرف مصدرها وتمنيت لو أعرف من قالها ؟؟؟؟؟؟؟؟

ماعلاباليش وشكون قالها بالضبط !!
ولكنني اعتقده حكيما
خاطر اللي يتزوج يتعلم المسؤولية ويروح بسيف عليه يحوس على خدمة ووو
ايمالا يجيب رزقو
يعني الزواج يجيب المسؤولية
والمسؤولية تجيب الرزق
الطفل باباه راح يرجع مسؤول اكثر مما كان عليه
يعني تزيد عزيمة الوالدين
وصح يجيب رزقو معاه
والله اعلم

كل ما قلته نظري فقط ولو تعرفين الواقع لقلت شيء آخر : أتعرفين أختي تريدين ان تعملي مشروع لا بد لك من قرض
والقرض لابد له من معرفة ولابد من تأمين المشروع ، ولابد من سجل تجاري ودفع للضرائب وتسجيل لدى الصندوق الوطني لغير الأجراء اقول لك هذا لأني أعرف الكثير من الشباب الذين قرروا أن يتخلوا نهائيا عن فكرة العمل بشهاداتهم
وصادفتهم عراقيل شتى ، لا تحلمي أختي .

مانيش نقول لكل شاب دير مشروع ...!!!
وانما للماكثين بالشارع ...... نقوللهم تعلمو حرفة
تلقى شباب عندهم ديبلوم وقاعدين بلا خدمة
يستنو الدولة تعيطلهم
عارفين راوحهم في عالم 3
ايمالا مادابيهم يجرو على رواحهم
كيفاه يجرو على رواحهم؟؟؟
يتعلمو حدادة ... نجارة .... وبزاف صوالح وحدخرين
كيفاه يتعلمو؟
روح عند نجار ولا حداد ولا بارشوكيست ولا حاجة اخرى ......... قولو نخدم معاك وماتخلصنيش شهر
ومبعد كي نحكم يدي خلصني
راح تنفع روحك وتنفعو هو تاني
كاين شركات اجنبة في الجزائر تحتاج الى حدادين .........تحوس على حداد
ماكاش بزاف !!!! علاه ؟؟ ماشي كامل قراوو للزمان عقوبة وراحو يتعلمو كاش صنعة
ماشي المشروع هو كلش

المشروع يديرو اللي باباه بخير عليه
باباه يعاونو في البدية وهو يكمل مسيرتو وحدو
ويكون راجل ويتحمل مسؤوليتو

وادا كانت عنده معرفة كيما قلت هاداك قافز على روحو ............



هذه نقطة والغريب أنك وضعت اللوم كله على الطرف الاخر ، وأريد سؤالك هنا لماذا لم يفكر الكثير من شبابنا والميسوري الحال في الزواج مع توفرهم على عمل ، سكن كل شيء لماذا لايفكرون في الزواج ...........................
ومن قال انهم لم يفكرو في دلك ؟؟؟؟
هههههههه انا مازال ماشفتش واحد خدام
عندو الدار وقادر على شقاه مازال ماخممش في الزواج !!!
والله اعلم

أكيد أن هناك مشكلة ، أين الفتاة التي ستسير بيته ، لاتعرف الطبخ ، ولا القيام بادنى أشغال البيت بل تفضل المكياج
والمسلسلات وتفضل أن تتجول في الشارع ------
تلك نسبة من الفتيات اخي
لربما لتجد زوجا آخر هههههههههه
هل رايت هدا في احدى قريباتك ؟

------- هل هذه تصلح أن تكون
زوجة لا يا اختي ؟؟؟؟؟؟
هناك من تصلح تصلح لكل شيء إلا الزواج ومكانها المفضل معروف.............................
لم اتهجم عليك ولا على غيرك في ردي اخي
راني قد اختك الصغيرة ولا قد جداتك
مانعرفش سنك
المهم تعلم انك تكرر موضوعا ديجا قلتو ونسيناه او تناسيناه .......المهم
هناك دوما استثناءات هدا مااعرفه

ملاحظة : انا لست الجزائر كلها
فلتعلم اخي انني اتحدث بما ينطق به المجتمع الدي اعيش فيه لا غير
.


فعلا الأغبياء الذين تتكلمين عنهم الآن تدفع لهم الفتيات المال ليتزوجوا بهن ولم يجدوا وأنا أعرف فتاة جامعية عرضت والله على صديق لي مبلغ 80 مليون ليتزوجها ولكنه أجابها لالالالالالا ؟؟؟؟؟؟؟ شوفي الشياب أنتاع لورو........
ههههههههه لم اقل ان الكل اغبياء
حددت من هم الاغبياء
وادا دفعت فتاة لرجل مبلغا من المال ليتزوجها وكان هو غبيا
فلتعلم انها اغبى منه
ادا دفعت لواحد راجل وفحل هاداك الشي شغلها
ولا الومها انا

سؤال فقط وأنا لا أعرف حالتك إذا كنت تدرسين هل ستتخلين عن دراستك من أجل الزواج ؟؟؟ أريد الصراحة فقط ؟
هههههه قول والله ماعلابالك ادا نقرا ولا لا؟؟؟
!!!!!!!!!!
ماعليه راح نفوتها هاديك تاع لا اعرف ان كنت تدرسين ام لا ....

جوابي ..................... لا لن اتخلى عن الدراسة لاجل الزواج
ممكن نتزوج وانا نقرا
يعني راني عارفة انو السنوات اللي راح يبقاولي لما نقرر الزواج
راح تكون خفيفة
وننجم نوفق بين الدراسة والدار
كيما النسا اللي راهم يوفقو بين الخدمة والدار

ادا ماحبش الراجل اللي راح نتزوجو ان شاء الله يخليني نخدم ولا نقرا
لازم يقنعني بصوالح
والله العظيم ادا قنعني نحبس القراية والخدمة تاني معاها
وادا انا قنعتو علاه راني نقرا ومع من راني نقرا وكيفاه نمشي في الجامعة
راح يخليني نكمل
الراجل اللي مادايرش فيا تقة مانتزوجش بيه
وهنا نعرف الثقة ادا دايرها فيا ولا لا
اكيد بعد مايقنعني ولا نقنعو .......

أما بالنسبة لقضية المهر والشروط فمن سيخسر يا ترى الرجل أو المرأة؟؟؟؟؟ الرجل مهما بلغ من السن وحين يريد
الزواج سيتزوج ولو عمره 70 سنة يمكن أن يجد ذات 20 سنة ، أما المراة فما مصيرها بعد ان تتجاوز 30 سنة أو 35
سنة ، انا اعرف جيدا ما يجري وراء الكواليس أفضل منك ويوم لا قدر الله تصلين لتلك المرحلة ستعرفين جيدا السخرية
التي تسخرينها من شباب هدفهم قطع الآلآف من الكيلومترات من أجل أن يحصنوا أنفسهم وتأتين أنت وتسخرين منهم
ولكن أنا متأكد جدا أنك لا تعرفين الواقع جيدا أو أنك صغيرة السن ..................يوم تصلين لسن 30 سنة و لاتجدين
زوجا وتجدين كل عائلتك رحلوا عنك كل في طريقك ستتندمين على ما تقولين.

هههه هل تعتقد حقا ان رجلا فقيرا في عمرو 70 سنة راح تقبل بيه بنت ال20 ؟؟؟
والله مابصح !!
غير ادا كانت مشتاقة حنانة اب
وهي تكون بخير عليها
ولا سحروها
ولا مهبولة
!!!!!!!!!

اخي نقولك حاجة: ابن ال40 سنة لوكان مايكونش بخير عليه
ولا خدمتو مليحة
يعني ادا كان فقير .......... وراح يخطب بنت ال20
اؤكد لك انها لن تقبل
تعرف علاه ؟؟؟
خاطر من غريزة الانسان الطمع
وبنت ال20 تشوف روحها صغيرة على باش تضيع حياتها مع واحد كبير في السن
وزيد راح تعيش معاه وهو فقير !!!

علاه بيها !!!

ايوا ادا كان هاك تتزوج واحد صغير ويعيشو فقراء
على الاقل يعيشو شبابهم مع بعض
ماشي هو عاش شبابو وطمع في عمرها !!!
ولا راني غالطة ؟؟


شاف الغاشي ماتزوجش
راح شرى سروال قومي هابط
وتيشورت غوز بون بون
قلب الكاسكيطا ادروات ولا اقوش
ضرب كونفارس في رجليه
وراه يتبع في لامود

نعم يوجد هذا الصنف ولو تكلمت عن الفتيات وماذا يلبسن في الشوارع والجامعات والإكماليات ..................؟؟؟؟؟؟؟
ألبسة شبه عارية ، لماذا لا يا ترى ؟؟؟؟؟؟؟؟ إما من أجل الزواج ؟؟؟؟؟؟؟ أو.....................
كل واحدة واخلاقها
انا حكيت على الغبي ماشي على الكل
وارجو انك تكون تحكي على الغبيات ماشي على الكل


كوني متأكدة الرجال الحقيقيون : إما هم خارج التراب الوطني أما الصنف الثاني : فهم غير متزوجون وينتظرون دورهم
في الخروج من البلاد ، أما المتزوجون منهم فأغلبهم لم يرضوا بحياة الذل وقاموا بتطليق من سولت لها نفسها العبث.
اوووووووو !!!!
ايمالا كلامك حب يقول الرجال اللي راهم في البلاد ومازالهم في البلاد ماشي رجال !!!!
بابا راجل انا راهو عايش في البلاد
راجل اختي راجل كيف كيف وعايش في البلاد
واش في فاميلتك الرجال كامل راحو للخارج؟؟؟
رجال فاميلتي قاعدين في البلاد
معلومة فقط اخي

لا لا حوسي عليه خير الرجال راهم خلاصوا في الجزائر إذا لم تكن تعلمين

لا اعتقد بما تعتقد اخي
كي نتزوج ان شاء الله
ادا كنا مازالنا حيين
نجي للموضوع ادا تفكرتو نقولك ادا تزوجت راجل ولا لا
وان شاء الله اتمناه يكون منا من البلاد ماشي من خارج الوطن


كوني متأكدة أختي وحسب ما أستنتجت من كتابتك سترجعين لدار ابيك هذا ليس فيه شك ...........
رايي

واش نقولك ؟؟؟
لم اتهمك ابدا !!!!!!!!!
وماشي حق عليك تقول الجملة هادي
المهم ماراحش ندخل في صراع معاك
خاطر مانستفاد والو
........
حاجة حبيت نقولها
انا بنت فاميليا .............. ولا اعتقد انني راح نرجع لدار بابا
مانرجعش لدار بابا ....تكافئ انا لست ............ مانيش حابة نقولها
خاطر وكان نقولها نتفكرها ونتفكر بلي انت قلتهالي ليا
ونتنارفا وانا مانيش حابة نتنارفا

سلاااااااااااام



هناك من يشرفه الزواج بهن
ولاتشرفه النصرانية لا من بعيد ولا من قريب

شكرا على الرد
اتمنى انني لم اقل شيئا مسيئا وانت قلت
انا اطلب السماح ان فعلت
وراني مسامحاتك حتى ولو لم تطلب السماح للتجريح



سلاااااااااااام

اختي لبنى متاكد انكي مازلتي صغيرة

و خبرتك قليلة في الحيساة

انتي اليوم تحت مسؤولية والدك

تحتاجين شيء تطلبين والدك يعطيك

سياتي ذلك اليوم الذي تتعلمين و تعلمين فيه

ان الامور ليست كما ترينها


================
نزيدلك حاجة تقولي للشباب

اخدموا الارض
اتعلمو حرفة
اخدموا كذا

نسقسيك

و نسقسيكم قاع

منين راكم تاكلو

القمح من وين؟؟؟؟
الخضار و الفواكه من منين؟؟؟؟
الاواني المنزلية من وين؟؟؟؟؟
شكون يبني العمارات
و الجامعات و المدارس
شكون يخدم الطريق و الجسور
شكون يحفر للانابيب تاع الغاز و الما
شكون يخدم عامل تنظيف
؟؟؟؟؟؟
خدموها الجزايريين

ما تقولوش الشباب الجزايري يتكبر على الخدمة


الشباب الجزايري ما لقاش الخدمة

=============