الجزء ال37من واش طيبتي اليوم '' لا تَحزنْ وابْتسِمْ ''

[ام ندى 87]

المشاركة الأصلية كتبت بواسطة ام زكريا2

هههههههههههه والله ضحكتيني انا ربيت عليكم الكبدة وفات الحال وشكرا على شرح لهلوبة مليوم راح نعيطلك غير بيه لهلوبة الامنيات عطاتني الرابط باش يعطوني كلمة المرور بصح لقيته موضوع مغلق

انا تاني طلبت منها الرابط وين حطاتولك مالقيتوش

[~اسيل ريحانتي~]

المشاركة الأصلية كتبت بواسطة المبتدئة

انا تاني طلبت منها الرابط وين حطاتولك مالقيتوش

رسلاتهلي على الخاص درك نحطهلك استناي حنونة

[إلهام07]

هههههههههه ام ماجد قوليلو يشريلك طاجين ههههههههههههههههههه
حقة الطاجين نتاعنا فيه من تحت في الوسط بلاطة نتاع حديد باش مايحرقش ديريلو وحدة عند السودور وهني راسك


حقة أم ابراهيم مليحة الغيرة كي تعلم هاكي من الغيرة صلحتي الميلفاي والله كما اللي يتباع
انا رخصة السياقة جبتها خشانة راس جات بنت عمتي قدامي بالمفتاح تفوخ وتتكسل الهدرة اللي نقولوها دورها على الطوموبيل اللي مقارية تحت قلتلها في قلبي جبتي السبع من ذيلو والله ننديرو ونحطو في جيبي ماتفوخي عليا ماولو
هههههههههه بصح هي عندها طوموبيل وععععععععع انا عندي TURBO ( رجليا مساكن )
المطلوع مثلا تعلمتو غيرة والكسرة الرخسيس ثاني والقاطو ضرك راني نتعلم فيه ثاني غيرة تعرفي بنت عمتي في عرس اختي اللي في سبتمبر عيطتلي في التليفون قاتلي رايحة ندير لاختك كادو نوع نتاع قاطو قلتلها قوليلي واش هو بلاك ديري نفس النوع اللي درنا قاتلي هي تخدم حاجة 444 ماشي كيما القاطوات اللي تخدموهم انتوما اوووووووو انا ثمة طلعلي الدخان قاتلي من بعد عيطيلي وقوليلي قداه من حبة كوبيت والله ماعيطتلها خليتها كرزت
تعلمت القاطو البارح برك ولات تتكسل راحت قراتو بالدراهم وهي كانت بيضة ماتقليهاش تعلماتو باش تخدمو للناس برك
المهم مليحة الغيرة اللي تخلي الانسان يتحسن ماشي يحسد وخلاص



ياو قلتلكم فحلوني لازم نولي انا هي الفحلة فيهم كامل لاخاطر حنا عندنا يتكسلو بزاف ويحقروا بزاف

[ام ساجد]

السلام عليكم واش راكم انا اليوم صايمة ربي يتقبل منا جميعا

ام ابراهيم يعطيك الصحة الميلفاي روعة قوليلي شحال درتي العجين يعني الزبدة والفرينة باش جاك ياسر

[أم محمد تاج]

أم زاكووو حنونتي لقلوب عند بعضاها والله ربي لي عالم مالا بصحتكم البيتزا حبيبتي كاشمة خصك تلقايني هنا موااااااااااااااااااح ليك وللأولاد ولا واقيلا عندك زاكو برك وفولتلك؟؟؟؟؟؟ هههههههه
لهوووومة كلش يجي بالغيرة حنونتي أنا امي ربي يرحمها كانت تقولي لوكان جيتي تغيري على قرايتك كيما تغيري على حوايج الطبيخ راكي خدمتي صاروووووخ هههههههههه الله غالب الواحد مخو مبوشي غير بالطبيخ ههههههه

[~اسيل ريحانتي~]

https://www.djelfa.info/vb/showthread.php?t=1115733
اختي المبتدئة هذا هو الرابط بصح الموضوع مغلق

[~اسيل ريحانتي~]

المشاركة الأصلية كتبت بواسطة أم محمد تاج

أم زاكووو حنونتي لقلوب عند بعضاها والله ربي لي عالم مالا بصحتكم البيتزا حبيبتي كاشمة خصك تلقايني هنا موااااااااااااااااااح ليك وللأولاد ولا واقيلا عندك زاكو برك وفولتلك؟؟؟؟؟؟ هههههههه
لهوووومة كلش يجي بالغيرة حنونتي أنا امي ربي يرحمها كانت تقولي لوكان جيتي تغيري على قرايتك كيما تغيري على حوايج الطبيخ راكي خدمتي صاروووووخ هههههههههه الله غالب الواحد مخو مبوشي غير بالطبيخ ههههههه

ام تاجو عندي 2بنات ووحيدي زكريا عندو 4سنوات والبنات وحدة7سنوات والاخرى عامين

[~اسيل ريحانتي~]

المشاركة الأصلية كتبت بواسطة ام ساجد

السلام عليكم واش راكم انا اليوم صايمة ربي يتقبل منا جميعا

ام ابراهيم يعطيك الصحة الميلفاي روعة قوليلي شحال درتي العجين يعني الزبدة والفرينة باش جاك ياسر

ربي يتقبل منا ومنكم ومتشرفة بيك اختي ام ساجد

[إلهام07]

هههههههههه ام محمد تاج أنا كنت نغير في كلش يء كي كنت نقرى لازم واحد ماجيب خير عليا نقتلو هههههههههههههه لازم غير انا الاولى كي كنت نقرى قتلت روحي هههههههههههههه
ضرك مع الطياب ثاني مانرضاش بسهولة يعني نحب نوصل للوصفة المثلية ماشي نعرف ندير الحاجة وخلاص

تعرفي البيتزا نتاعك راهو خيالها بين عينا وعععععععععع البروقرام نتاع التطبيقات والمواضيع عندي شارجي مانقدر ناود حتى وصفة مرتين

[tokio hotel]

المشاركة الأصلية كتبت بواسطة إلهام07

طوكيو هاتي الوصفة نشوف هاتي هاتي هاتي راني نغنيلك فيها ههههههههههه:d:d:d:d:d



رياحين التحلية بنينة تهبل والله ماتتشبع تهبل تهبل بصح وحدها ماتشبه لحتى حاجة مابين طعم البيسكوي والنيسكافي والجبن ممممممم روعة في مدة قصيرة بلاك درناها 4 مرات تهبل
اسمحليلي ماكنتش في المكتب هذا وين جيت لقيتكم درتو أرشييييييييييييف هههههههه

ام آلاء الصغيرة يعطيك الصحة هكذا نحب المطلوع يجي رقيق وخفيف مانحبش اللباب هههههههه الواحد راهو هكذا وياربي ههههههه
بصحتكم الدوارة خليلي شوية كرشة ممممممممممم


المبتدئة حبيبتي وانت ثاني ماتتشبعيش مواح
حقة انا نخدم في كل شيء بالفرينة نتاع الميزان نشري بالكغ هايلة وعمري لا طحت في فرينة ماشي مليحة بصح نتاع الأكياس نشري غير لابال هي المخيرة ومانبدلهاش ندير بيها غير بقلاوة ولا حاجة اللي لازم تكون العجين من فرين مليحة مطاطية بصح الباقي كامل بفرينة الميزان كامل مليحة


أناغيس هذيك الخميرة الطبيعية قريت عليها وبحثت بصح تبانلي ماتعيشش بزاف تفسد لازم واحد اللي يخبز ديما وزيد والله توسوست منها بانتلي ماطلعش مليح تعرفي لازم كيل معين منها يعني لازم منها بزاف ماشي كيما خميرة الحبيبات مانعرف
اما التخمير راهي ابحاث ماشي خرج هكذاك برك هههههههههه
الفكرة نتاعك مليحة انا راني ندير فيها وحدي بصح اكيد كون نتعاونو خير
مثلا بديت بالبيتزا حتان فهمتها مليح ووصلت للنتيجة اللي ترضيني ، الكرواسون ثاني الحمد لله خرج ، الكيك والباتيسري ، أنواع الحساء ، المعجنات ، خبز الدار نتاع ماما مانبدلوش ، البريوش ،خبز فريال هو اللي كنت نحوس عليه ، الخبز العربي ، زلابية البنان كيما الللي تتباع نتاع ام رامي ، طاجين الشفلور نتاعها ثاني ،....... الحمد لله وصلت للنتيجة المثالية في قداش من حاجة
من بعد حابة نبدى في خبز الباقيت حابة نجرب عليه مليح ممكن غذا كفاني الوقت نبدى التجارب الاسبوع المقبل


أهلين بأم زكرياء يااختي مانطلقوكش تروحي لقسم المتزوجات لازم حتى تربي علينا الكبدة باش ترجعي هههههههههه:d:d:d


أهلين سيرينا كاش تلباز هههههههه؟

رانى جبتهالك و بلاكى ما كتجربيهاش كما الفوكاشيا تحسابلك انسيتها انت الخسرانة هاد الشربة انتاع منال لعالم 3 مك زيت 2 حبات بصل مقطعين ثوم وتقليهم ضفى الكبويا مقطعة تتقلى معاهم 2مك فرينة 2حبات طماطم نصف كاس عدس اصفر قليهم شوية و نمرق بمرق الدجاج ملح كمون فلفل طيبيها ها ومن بعد ارحيها ممكن نعوض الطماطم حب بالمصبرة انا ما نحطش الحين نككككككككككككككثر القرعة و نخترها بيها لكمون ضرورى عصير القارص حسب الرغبة انا ما نطوش ادامكانش عندى المرق الى نحضرو و بعضام الدجاج و نخبيه فى المجمد نقلى معاها هادوك العضومة انا ضد جمبوممكن الكريمة فى الاخير و ممكن بلاش انا ما نحطهاش انشاء الله تعجك

[oum ibrahim]

المشاركة الأصلية كتبت بواسطة ام ساجد

السلام عليكم واش راكم انا اليوم صايمة ربي يتقبل منا جميعا

ام ابراهيم يعطيك الصحة الميلفاي روعة قوليلي شحال درتي العجين يعني الزبدة والفرينة باش جاك ياسر

و عليكم السلام ام ساجد ربي يتقبل منا و منكم يا رب
العجينة المورقة درت رطل فرينة و 250 غ زبدة توريق و القاعدة في العجين المورق انك بعد ما تكمليه كامل وديريلو الدورات نتاعو يخرجلك الضعف يعني كما انا درت رطل فرينة يخرجلي كيلو عجين مورق واذا درتي كيلو فرينة يخرجلك 2 كيلو عجين مورق و هكذا
انا كيلو عجين مورق خرجلي 12 حبة ميلفاي كبار و تاني جاني شوية خشين و عالي يعني لوكان رققتو بلاك يخرجلي اكثر
الهام و الله ضحكت بالصوت ههههههه على التوربو هههههه ربي يعطيك صحيحتك ما تنفعك غير هي و اذا على الحقرة كامل عانينا منها انا عندي وحدة لافامي قرات في باب الواد القاتو ولات محترفة فيه و انواع الخبز و البتيسري بصح كي تسقسيها تقلك من بعد نعطيهولك و هي و الله والو تتهرب منك برك بصح و الله العظيم الدنيا ماتدوم على حال هاذيك النهار كي خدمت قاتو السيقار نتاع ام اماني و ديتو عند عجوزتي و جاتنا هاذي المخلوقة ضيفة كلاتو حارت فيه ولات هي الي تسقسي فيا كيفاه مخدوم بصح انا عطيتولها نورمال ماشي كما هي ربي يخليلنا المنتدى الي راهو يغنينا عن تسول الوصفات هههههه

[lamia zina]

ام لقمان البيني يبان هايلين قوليلي ومن الداخل كيفاش جاوك و ذوق البطاطا يبان و لا لالا

[touta2010]

اهلا بالجميع وبصحتكم واش طيبتو
ام ابراهيم قتلتيني بالميلفاي
الهام مقلتلبش صد قتلك حاجة لبارح ولا لا يارب لا عععععععععع
ام ما جد ليك وحشة

[أم محمد تاج]

أم زاكو حنونتي ربي يخليهملك وتشوفيهم في أعلى المراتب يارب
لهووومة هههههههههههههههههههههههههههه وحدك يامصيبة
أم ماجد مابانتش واقيلا كرز عليها الشيخ خخخخخخخخخخ

[روضة 88]

اين انت يا ام ماجد؟