الجزء ال37من واش طيبتي اليوم '' لا تَحزنْ وابْتسِمْ ''

[sirina_angel]

صباح الخيييييييييييييييييييييييييييييييييييير عليكم
واش راكم لاباس
حنايا هنا في فرجيوة .....ولاية ميلة ...راها النو ....الشتاء يعني ....النو ما حبستش من البارح و البرد
راني في الداااااااااااااااااااااااااار وواااااااااااااااااااااااااااااااااااااي هربت من القرايا زرطيت
و حتى نهار الاثنين باه نرجع
راني معاكم هاد الايام

[ام ندى 87]

سيرينا مرحبا بيك يا هرابه واش معوله تلبزي
امنيات حتى انا راني نيتنى رابط قسم المتزوجات بصح لازم تكون عندك 1000 مشاركه

[sirina_angel]

المشاركة الأصلية كتبت بواسطة الأمنيات

الهام انا العدس الاحمر نطيبه ونفس طريقة ام راضية فقط انا ندير عوض الفرميسال فريك ولا تشيشة الشعير
يجي بنين ....................جربيه وشوفي بصح ما تمسكيهش
ام ماجد يعطيك الصحة
ام اناس ام ابراهيم ام لقمان هدهود ام الاء توكيو والبقية يعطيكم الصحة
تقريب كل رانا صايمين في الدار غير لبنات صغار لا ندير لهم حاجة خفيفة وخلاص
حساء الكابويا تاع البارح درت وصفه سيرين عجبني وجابنين

ممممممممممممممم اول وحدة بالاك طبق هاداك الحساء ....بصحتكمممممممممممممممممممم
كنت نراجع كيما شفت حساء الكابويا فرحت واااااااااااااااي عادو يطبقولي و يعجبهم تاني
يعطيك الصحة

[~اسيل ريحانتي~]

معليش اختي الامنيات صح فطورك وسلميلي على الاولاد

[أم ياسين الزهراء]

اهلا ام انس على سلامتك واش راكي حنونة

الهام انا جربت بوراك الفور مليح مايتفتت ماوالو نضن الفكرة ديتها من المنيات

البنات اللي زوجهم حبيبهم يديرولهم محاضرة حطو القطن في ودنيكم راهم مايعجبهمش العجب وزيد يغيرو ههههههههههههههههه

ام ماجد اركحي شوي من الكوزينا للماتش واش راهو حفيظ الجايح انتاعك بالبيبرو بنتي الصغيرة وماتحكموش هههههههههههههههه

بصحتكم الغداء انا درت بربوشة تاع الخليع ومنبعد نحط طريقتي

قريب يدخلو الاولاد

حقى ام ماجد انا شفت الكتف منبعد نقلك بصح ماعجبتنيش واش دارت الناس يتبلو اللحم على الول منبعد يديرو السلق هي عكستها معلابلهمش راني فور في الكوزينا بنات الجلفة هههههههههههههههههههه

صح بنات

[sirina_angel]

حقا راني جبتلكم شويا من ابداعاتي في لا سيتي ههههههههههههه في العشة تاعي
البنات عجبتهم ماكلتي مالغري رانا في السيتي الامكانيات محدودة لكن يقولولي بنينة كيما تاع الدار
ايا ما كالااه نفوح بزاف من بعد نعتلكم الصور

[أم ماجد]

سيرينا كي نشوفك نتفكر ماجد اهلا بيك حبيبتي وبنتي
ام ياسين اذن ماكان لاه نزيد نسقسي عليه ه رانا 44444444444444444
خلي حفيظ مسكين راهو الدلوع واش كاين ؟ههههههههههههههههه
جا الشيخ يتغدى الى اللقاء حبيباتي لازم نفابلو على الطابلة باه نقرز عليه شوية
علابالي ام محمد ؤاهي تضحك ونعطيلو لاليست تاعي وتاع لهومة هههههههههه

[إلهام07]

طوكيو هاتي الوصفة نشوف هاتي هاتي هاتي راني نغنيلك فيها ههههههههههه



رياحين التحلية بنينة تهبل والله ماتتشبع تهبل تهبل بصح وحدها ماتشبه لحتى حاجة مابين طعم البيسكوي والنيسكافي والجبن ممممممم روعة في مدة قصيرة بلاك درناها 4 مرات تهبل
اسمحليلي ماكنتش في المكتب هذا وين جيت لقيتكم درتو أرشييييييييييييف هههههههه

ام آلاء الصغيرة يعطيك الصحة هكذا نحب المطلوع يجي رقيق وخفيف مانحبش اللباب هههههههه الواحد راهو هكذا وياربي ههههههه
بصحتكم الدوارة خليلي شوية كرشة ممممممممممم


المبتدئة حبيبتي وانت ثاني ماتتشبعيش مواح
حقة انا نخدم في كل شيء بالفرينة نتاع الميزان نشري بالكغ هايلة وعمري لا طحت في فرينة ماشي مليحة بصح نتاع الأكياس نشري غير لابال هي المخيرة ومانبدلهاش ندير بيها غير بقلاوة ولا حاجة اللي لازم تكون العجين من فرين مليحة مطاطية بصح الباقي كامل بفرينة الميزان كامل مليحة


أناغيس هذيك الخميرة الطبيعية قريت عليها وبحثت بصح تبانلي ماتعيشش بزاف تفسد لازم واحد اللي يخبز ديما وزيد والله توسوست منها بانتلي ماطلعش مليح تعرفي لازم كيل معين منها يعني لازم منها بزاف ماشي كيما خميرة الحبيبات مانعرف
اما التخمير راهي ابحاث ماشي خرج هكذاك برك هههههههههه
الفكرة نتاعك مليحة انا راني ندير فيها وحدي بصح اكيد كون نتعاونو خير
مثلا بديت بالبيتزا حتان فهمتها مليح ووصلت للنتيجة اللي ترضيني ، الكرواسون ثاني الحمد لله خرج ، الكيك والباتيسري ، أنواع الحساء ، المعجنات ، خبز الدار نتاع ماما مانبدلوش ، البريوش ،خبز فريال هو اللي كنت نحوس عليه ، الخبز العربي ، زلابية البنان كيما الللي تتباع نتاع ام رامي ، طاجين الشفلور نتاعها ثاني ،....... الحمد لله وصلت للنتيجة المثالية في قداش من حاجة
من بعد حابة نبدى في خبز الباقيت حابة نجرب عليه مليح ممكن غذا كفاني الوقت نبدى التجارب الاسبوع المقبل


أهلين بأم زكرياء يااختي مانطلقوكش تروحي لقسم المتزوجات لازم حتى تربي علينا الكبدة باش ترجعي هههههههههه


أهلين سيرينا كاش تلباز هههههههه؟

[soumaasma]

ما شاء الله لكل وحدة فيكم من شاف الى مبتدئات
المزيد من الاحتراااااااااف والتالق

[ladymillion]

صباح الخير عليكم كامل

ام انس على سلامتك حنونة

سيرينا شعنونة واش راكي رتحي في الدار مممممممم القعدة في الدار هايلة مع الشتاء والنو والرقاد ممممممممم ياللروعة هههههههههه
ويعطيك الصحة على الطياب لي كنتي ديريه الله يعاونك

ماشفتش مليح الارشيف راح نوجد شوي الغداء شخشوخة نتاع البارح ونجي نحط موضوع البسبوسة اذا عجبتكم نحطها واش رايكم ؟؟؟؟؟؟

[أم محمد تاج]

حبيباتي يعطيكم الربح قاعدة من وراء القضبان وندير في الغدا ونتبع فيكم حتان لقيت الحبيبة أم زاكووووو وام ياسوووووو دخلت
أم زاكوو حنونة شكرا للثقة والحمد لله كي عجبت مول الدار ياربي نرضيوهم ومانعرف
أم ياسووو يعطيك الربح ضحكت بالصوت هههههه
أم ماجد وحدك خلي المخلوق يتغدى ومبعد كرازيه بلاليست ههههههه
أم زاكووو أطلبي كلمة المرور ضرك يبعثوهالك على الخاص وعودي أدخلي بيها ياخي كي يجيك الميساج تاع أدخل كلمة المرور هبطي عينك شوي لتحت ضرك تلقاي طلب كلمة المرور أضغطي عليه وكملي الاجراءات ضرك يومين يبعثولك كلمة السر

[أم محمد تاج]

أم زاكو ماشفتش تطبيقك للبيتزا؟؟؟ حطيتيه؟؟؟؟ ميتة حابة نقرعج هههههههه

[~اسيل ريحانتي~]

هههههههههههه والله ضحكتيني انا ربيت عليكم الكبدة وفات الحال وشكرا على شرح لهلوبة مليوم راح نعيطلك غير بيه لهلوبة الامنيات عطاتني الرابط باش يعطوني كلمة المرور بصح لقيته موضوع مغلق

[ام ندى 87]

ليدي تهبل طيحي بالوصفه سريعا

[~اسيل ريحانتي~]

المشاركة الأصلية كتبت بواسطة أم محمد تاج

أم زاكو ماشفتش تطبيقك للبيتزا؟؟؟ حطيتيه؟؟؟؟ ميتة حابة نقرعج هههههههه

حبيبتي حنونتي لكان تعرفي شحال نبغيك ربي عالم بالقلوب تعرفي كنت رايحة نصورها لقيتهم بداو ياكلو فيها هذاك النهار كليتهم بالتنقريش بصح دوك نعاودها ونحطها على خاطرك حنونتي العزيزة سلميلي بزاف على الاولاد