واش طيبتي اليوم الجزء السابع

[أم ياسين الزهراء]

المشاركة الأصلية كتبت بواسطة rofia.sarah

من فضلك أم ماجد البريك راح يخرج فيا بصح ما يصلحليش شحال ورقة ديول ديري أنا ندير وحدة و يسيحلي البيض خلاص و ساعات تتحلي في المقلاة أرجوك جاوبيني راني طرحت السؤال عل نينافرات و ماجاوبتنيش

شوفي انا كيفاش نديرو كيما قالت الهام ندير الخطفات المشرين وادا درتي تاع الدار لازم يكونو جدد شوفي ندير شوي بطاطا مرحية مع شوي ملح وفلفل اكحل من الفوق اللحم المرحي طايب ومتبل منبعد البصل المقطع قطع صغيرة الزيتون والمعدنوس ومن الاطراف الفرماج وندير بصباعي حفرة صغيرة ونكسر حبة بيض كاملة ونقفل ونخدم هدي الخدمة في طبسي شوي غامق ونقفل ونلوح في الزيت السخون وبلعقل نقلب وان شاء الله تصلحلكي وولادي يقولولي ماطيبيش البيض مليح بنتها كيسيح هههههههههه ومتنسايش ديري شوش شوي من كل حاجة انا الله يبارك ندير 10 حبات

[أم ياسين الزهراء]

ام محمد انا مانكلش الجناحتين بصح زوجي يموت عليه راح نجرب طلرقتك وتقصدي كيطيب الجناحتين تقطعي الصاصي وتخليه في الفور يكمل هكى

[إلهام07]

أم نجم ، والله والو ، راني مقهومة من المقرونة ، مانيش قادرة نشوف العجين وزيد اللامونة راني حطيت رد من قبيل عليها في قسم التطبيقات .
راني نستنى في التحلية نبرد قلبي ، هكذاك قلشوني راني مديقوتيى خلاص
أم محمد تاج شكرا على الوصفة ، اما البوراك حنا نحطو صفار + شوية برك بياض لاخاطر مانطيبوهش بزاف البنات يحبو الصفار سايح ، يسمى كون نحط البياض كامل يبقى نيء يعافوه فهمتي ؟ طبعا البريك مالازمش يستنى كي نعملوه مباشرة إلى المقلاة ونديو بالحبة واحد يطوي وواحد يقلي

[أم ماجد]

المشاركة الأصلية كتبت بواسطة rofia.sarah

من فضلك أم ماجد البريك راح يخرج فيا بصح ما يصلحليش شحال ورقة ديول ديري أنا ندير وحدة و يسيحلي البيض خلاص و ساعات تتحلي في المقلاة أرجوك جاوبيني راني طرحت السؤال عل نينافرات و ماجاوبتنيش

اسمحيلي اختي الان فقط دخلت كنت نقلش في الهام درتلها 3 حلوى في ظرف قياسي جدا
من بعد نحطهم
انا ندير بيضة كاملة ماتخافيش ماتسيحش ديري الديول واحدو فقط في صحن حطي البيضة واغلقي ومباشرة الي المقلة وتطهى على نارهادئة
الهام شكرا لردك يا جميل
الحلوى راهي تبرد فقط كنت رايحة نديرهم غدا بصح كي قلت ماتغديتش غضتيني ودرتهم الان بعد قليل مفاجأة

[ام لقمان02]

مساءالانوار لبنات ان شاء الله طيبين

[أم محمد تاج]

أم ياسو حنونة هيه كي يطلقو لا صوص تاعهم ويبداو يطيبو نقطع الكيس ونخليهم يحمارو ونقلب من الجهة الأخرى يكملو يحمارو ضرك تشوفي لاصوص ولات كاراميل يعني خلاص وندير بيها مثلا لابيري ولا مع روز .....

[إلهام07]

مساء الانوار أم لقمان


أم ماجد ربي يعيشك والله تحسيت بالذنب أنت مريضة وأنا نتعب فيك ، وزيد أنا طبقت عدة وصفات وجاو يهبلو وماحبيتش نحطهم ، خليتهم مفاجئة بصح انت قلب طيب ماتحمليش كي ديري حاجة مباشرة تحطيها ممممممممممممواح " تسلملي ياجميل "

[ام لقمان02]

لبنا حبيت نشوف كل مواضيع ام اماني كيفاش نددير

[أم ماجد]

عرقي راهو يسيل من حرارة المطبخ بصح معليهش في خاطر لحباب كل شئ يهون بعد قليل نحط القهوة والقاطو اليوم راكم معروضين عندي دون استثناء

[الأمنيات]

السلام عليكم
درت غدايا طاجين الزيتون مع فلفلة شكشوكه وخبز ام اماني
اللهم ادمها نعمه واحفظها من الزوال

[أم ماجد]

المشاركة الأصلية كتبت بواسطة ام لقمان02

لبنا حبيت نشوف كل مواضيع ام اماني كيفاش نددير

روحي لصفحتها واضغطي تخرج جميع المواضيع خيري واش تحبي

[أم ياسين الزهراء]

ام ماجد يزيد فضلك حنونة دايما مكرمة راح نستنى واش درتي انا عندي قلب اللوز بصح راح نشرب قهوتي بالحلاوة انتعك باش ربي يحلي ايامك

[hanane220]

مساء الانوار و الورود الطيبة يا بنات بلادي شابات و حلوات و شاطرات خمس و خموس عليكم نهاركم مبروك و خير ان شاء الله

[إلهام07]

المشاركة الأصلية كتبت بواسطة ام لقمان02

لبنا حبيت نشوف كل مواضيع ام اماني كيفاش نددير

شوفي اضغطي على اسمها في كاش مشاركة بالزر الأيسر وادخلي للملف الخاص نتاعها ومن ثمة أدخلي لاحصائيات واستعرضي كل مواضيعها ، إذا مافهمتيش نزيد نشرح

حنونة ، مساء الأنوار

الأمنيات نموت على الفلفل ، ديما خليولي حقي منو راني نقول ونوصي وقانون العقوبات راكم كامل تعرفوه

[sissou nrdn]

واش راكم لبنات .....................اليوم راني درت غدايا قناوية كنت مخبيتها في الكونجيلاتور