موضوع مميز واش طيبتي اليوم الجزء السابع

souma.f · 2013-05-07, 13:44

مرحبا أحبابي في الجزء السابع من واش طيبتي اليوم
أنا اليوم أفتتح الكوزينة الجديدة لحسن حظي أنني دشنت الصفحة 100 من الجزء السادس
الف شكر حبيبتي بروقة على الهدية و على هذا الجود و الكرم منك حبيبتي
لكم مني ألف تحية

تفضلوا للكوزينة باه تشربوا القهوة و تاكلوا القاطو بصح جيبوا واش طيبتوا اليوم معاكم

و هذا القاطو اللي عملتهولكم باه تجي قعدتنا حلوة

ان شاء الله ربي يدوم لمتنا و محبتنا و نشوفوا على وجه هذا الجزء الخير و يرزقنا كل ما نتمنى
الذرية الصالحة للمحرومة و الزوج الصالح لغير المتزوجة و الصحة و العافية لكل أحبابنا
سمو الله و أدخلوا بالرجل اليميييييييييييين.................مرحبا بيكم الدار داركم

بروقة حبيبتي لك الخط

*بيتي مملكتي* · 2013-05-07, 13:45

ألف مبرووووووووووووووووووووووووووك الكوزينة الجديدة

كوزينتك هايلة سومة و القاطو هذاك نتاعي بعدي يا إلهام روحي ألعبي بعيد ما تقوليليش نتقاسمو هههههههههههههههههههه

أم محمد تاج · 2013-05-07, 13:48

ألف- ألف مبروك الكوزينة الجديدة سومة وربي يعمر دارك نشالله وكوزينتك تهبل وعلى فكرة الكويزينيار تاعك كيما تاعي ماكسويل ياخي؟؟؟

*بيتي مملكتي* · 2013-05-07, 13:54

سومةهاكي شوية مطلوع كي عاد سخفك جربيه حنونتي يجيك روعة
سقسي إلهام و أم محمد تاج موالفين يديروه

[IMG][/IMG]

أم ياسين الزهراء · 2013-05-07, 13:55

مبروك الملف الجديد واللهم امين على الدعوات الجميلة وكوزينتك هايلة ربي يوسع عليا وندير كوزينا قد الستاد باش نعوم فيها هههههههههههههه

إلهام07 · 2013-05-07, 13:56

وععععععععععععععععع من الصباح وأنا نستنى باش نفتتحها وفي الأخير كلحتوني
أم إياد بعدي ماكيش قد الأسلحة الي عندي
إيه نسيت بسم الله
سومة كوزينتك ماشاء الله مشرحة وتفتح النفس للخدمة والإبداع هههههه

souma.f · 2013-05-07, 13:56

الله يبارك فيكم حبيباتي الكوزينة راهي منورة بيكم
حبيبتي أم تاج الكويزينيار تمحالي اسمها من الغسيل ممكن ماكسويل مكتوبة بالاحمر

أم ياسين الزهراء · 2013-05-07, 13:56

هدا باش تشربو القهوة درتو البارح ونحبها بايتة وجات هايلة والوصفة اخدتها من ياراسمين منبعد نحط التطبيق

ساندي 28 · 2013-05-07, 13:56

مبروك الكوزينه الجديده مبروك عليك اختي سومه الهديه وكوزينتك هايله تتهناي فيها فهميني واش راكي معلقه في الفريجيدار مبنليش مليح

ام احمد وصال · 2013-05-07, 13:57

مبروك الكوزينة الجديدة عتبة مبروكة ان شاء الله لي عودة ان شاء الله

أم ياسين الزهراء · 2013-05-07, 13:57

ام اياد المطلوع هايل بصحتكم

souma.f · 2013-05-07, 13:58

ياسو ان شاء الله ربي يوسع عليك الكوزينة قد الستاد و تعومي و نعوموا معاك حبيبتي

مرام 1987 · 2013-05-07, 13:59

الله يبارك يا سومة كوزينتك تهبل ونظيفة ومرتبة ولي زادها جمال هذيك الطنجرة لي فوق الكويزينيار كيما تاعنا قلت لخويا اشرينا وحدة شراهالنا البارح برك تهبل تهبل بصح واش ديرولها في الاول باه ما تتكسرش هو قالو غلي فيها الحليب صح؟

souma.f · 2013-05-07, 13:59

أم إياد المطلوع صح يسخف هكذا نحبوا يجي كي القطن و ما يتعبش في العجين ان شاء الله نجربوا و نردلك

*بيتي مملكتي* · 2013-05-07, 14:04

اقتباس:

المشاركة الأصلية كتبت بواسطة إلهام07

وععععععععععععععععع من الصباح وأنا نستنى باش نفتتحها وفي الأخير كلحتوني
أم إياد بعدي ماكيش قد الأسلحة الي عندي

إيه نسيت بسم الله
سومة كوزينتك ماشاء الله مشرحة وتفتح النفس للخدمة والإبداع هههههه

راكي روطار عزيزتي الصحن فرغ و ما بقالك والو قولي لسومة تحطلك واحد أوخر هههههههههههههههههههههه

اقتباس:

المشاركة الأصلية كتبت بواسطة أم ياسين الزهراء

هدا باش تشربو القهوة درتو البارح ونحبها بايتة وجات هايلة والوصفة اخدتها من ياراسمين منبعد نحط التطبيق

يميم أم ياسين يشهي امممممممممممممم شوفي راني كليت لإلهام صحن القاطو كامل كون نزيد نمد يدي على هذا تقتلني
معليش تخبيلي شوية ههههههههههههههه

اقتباس:

المشاركة الأصلية كتبت بواسطة أم ياسين الزهراء

ام اياد المطلوع هايل بصحتكم

ربي يخليك أم ياسين حوايج الخبز كامل كي يجيو بالفرينة يجيو خفاف روعة كيما البغرير و المطلوع و حتى الرقاق نتاع الشخشوخة نتاع لبساكرة و الشاوية