موضوع جذيذ - الصفحة 13

سوسو الطموحة · 2012-05-20, 17:32

انا ثاني لما يقرب يلحق رمضان نشريو واش نستحقو ....خبيت الجلبانة خبيت القرنون.....خبيت قرون فلفل حار باه نلقاه لشربة....لفريك شريناه جديد مازال مانقيتوش باه نرحيه...نشري الجاج زوج اوثلاثة على حساب الميزان نخبيهم مانظلش نطلبو في رمضان ...خبيت الفلفل وقطعتو ودرتو في باطات ياوورت باه نجبد بالباطة....مازال ماخبيتش الطماطم نرحيها ونعمر بيه باطات ياوورت ونكونجليهم من بعد نجبد للشربة .....خبيت شوي فراز .....ندير بيه سلاطة الفواكه .....علبالكم لفراز راه يقعد بنتو كيما خبتيه ....عندي المسفوف نزيد نشري الزبيب والزبدة ...اما الللحم المرحي يشريل قبل رمضان بيومين تقريب كيلو نديرحساب اللحم تاع البوراك وحدو و....تاع المحشي نديرو على جهة وحدو .....وكيما قالت الاخت الزيتون الاخضر نخبي في الكونجيلاتور....علبالكم هكذا لما يدخل علينا سيدنا رمضان يلقانا مترتبين ماشي مقلقين الكثرة الراجل اللي يكره...من كلمة هات هات.....نشريو لحليب والخبز واللي يسخف عليها راهي تجيه على قوسطوه....يجيبها بلا مانطلبو....

نيفرتيتي. · 2012-05-20, 17:49

اقتباس:

المشاركة الأصلية كتبت بواسطة سوسو الطموحة

انا ثاني لما يقرب يلحق رمضان نشريو واش نستحقو ....خبيت الجلبانة خبيت القرنون.....خبيت قرون فلفل حار باه نلقاه لشربة....لفريك شريناه جديد مازال مانقيتوش باه نرحيه...نشري الجاج زوج اوثلاثة على حساب الميزان نخبيهم مانظلش نطلبو في رمضان ...خبيت الفلفل وقطعتو ودرتو في باطات ياوورت باه نجبد بالباطة....مازال ماخبيتش الطماطم نرحيها ونعمر بيه باطات ياوورت ونكونجليهم من بعد نجبد للشربة .....خبيت شوي فراز .....ندير بيه سلاطة الفواكه .....علبالكم لفراز راه يقعد بنتو كيما خبتيه ....عندي المسفوف نزيد نشري الزبيب والزبدة ...اما الللحم المرحي يشريل قبل رمضان بيومين تقريب كيلو نديرحساب اللحم تاع البوراك وحدو و....تاع المحشي نديرو على جهة وحدو .....وكيما قالت الاخت الزيتون الاخضر نخبي في الكونجيلاتور....علبالكم هكذا لما يدخل علينا سيدنا رمضان يلقانا مترتبين ماشي مقلقين الكثرة الراجل اللي يكره...من كلمة هات هات.....نشريو لحليب والخبز واللي يسخف عليها راهي تجيه على قوسطوه....يجيبها بلا مانطلبو....

ممكن تفسريلنا كيفاه ديري للقرنون في الكونجيلاتير والفلفل الحار وعلب الياوورت

houdehoud · 2012-05-21, 11:22

سلام عليكم توحشتكم بزاف ام دودةزعفت عليك هكا غبت و ماصقصيتيش علي هههههههه واقيلا مازلتي مع الرحيل ،انا ثاني سوفريت مع الرحيل في دار بابا كان militaire واش نقولك لحوايج كامل فزدو بصح كان يعدلهم و يقولناكي نروحو لدارنا اللي نقعدو فيهاطول العمر نبيع كلش ونشري الجديد و صح كي داla retraiteا لحوايج كان اللي باعهم وكان اللي صدقهم وشرا الجديد ودرك الحمد لله انا ننصحك ماتكثريش الحوايج و كي تجي ترحلي الحوايج القدم و اللي يجيبولك سومه ناقصة صدقيهم خير بصح electro meneger غير اديهم معاك على خاطر لازمين و تخسري في بيعتهم

عايدة عربية · 2012-05-21, 11:31

شوفي نقي القرنون لاسكين ماشي باليد و عضريلوا القارس ثم غلي 1 لتر من الماء مع 2 مغارف فرينة خليه يطثب شوية ماشي بزاف قطريه حاى يبرد ثم حطيه في الكونجيلاتر.

ام مرية · 2012-05-21, 12:10

السلام عليكم كي راكم توحشتكم بزاف عندي مدة غائبة علبالي فاتني الكثير عارفتكم شاطرات
الى ام امجد وام مصطفى اسفة على التاخير وهاو ليكم الجدول نتاعي وانتم غيرو فيه على حسابكم ومين داك غيرو فيه باش ما يملوش لوليدات هههه
الجدول الاسبوعي للطبخ
السبت شربة عدس اواي بقوليات
الاحد يخنة خضر باللحم او الي موجود
الاثنين طبق ارز في الفرن
الثلاثاء شربة فريك باللحم او الموجود
الاربعاء يخنة فول وجلبان وقرنون نموت عليها ههههه
الخميس اختياري كل مرة نخترع حاجة ههههه
الجمعة طبعا كسكس بالفول او الزبيب او الجلبانة
الاسبوع الثاني
السبت سلطة اورداف +فريت
الاحد سبقيتي باللحم المرحي + سلطة طماطم وفلفل حلو وبصل وخيار هايلة نحبها
الاثنين غراتا ن الخضر بالجبن
الثلاثاء فول بالصلصة وسلطة خفيفة
الاربعاء طاجين الزيتون وسلطة
الخميس اكل خفيف بيتزا او فطائر
الجمعة كسكس
حباباتي لاتلتزمو بالجدول مين داك غيرو فيه واعملو اطباق جديدة وجربو وصفات هاكا الدراري ما يحسوش بلي راهم مقيدين ويكونو عارفين مسبقا واش عندهم فطور ههههه

سوسو الطموحة · 2012-05-21, 13:45

انا القرنون نقيه ونمسحو بالقارس....من بعد نحط حاجة نسخن فيها الماء مع عصير الليمون....هويهز الماء الغلية وانت...لوحي القرنو كي يبدا يغلياحسبي 2دقايق او 3وصفيه من الماء الحامي وفرغي عليه ماء بارد هكذا رايح يشد روحو ....بعد ذلك فرشي طرف قماش نظيف على الطاولة وحطيه ينشف من الماء تاعو .....وف الاخير حاولي تجمدي كل حبة وحدها يعني مثلا اذاكان بلاطو مقدر تقدري تلوحيه في الكونجيلاتور حطي فيه كل حبة وحدها ومن بعد مايجمد عادي لايميه في ساشي وخبيه رايح يجيك ساهل تجبدي بالحبة بلا مايلصقو....اما الفلفل نشوي ونقطعو وداير ة عبار تاع اليوورت يكفيني نعمرهم ونخبيهم كي يجمدو نزيد نخبيهم في ساشي .وهكذا ثاني الطماطم نديرها في ماء سخون باه تتنحى القشرة بكل سهولة ونرحيها ونعمر بيها باطات الياوورت ونجمدها يوم 15 علبة ويوم 15علبة هكذا تضمني طماطم الشربة..واذا قدرتي تزيدي الله يبارك

pomaria_aindefla · 2012-05-21, 15:28

عندما تشروا إيزيزس ليكيد سائل ديرو شوي منو في قرعة فارغة تع إيزيس و عمورها بالماء هكدا تقتاصدو في الإيزيس و في صحة ألأيدي

سَلْسَبِيّلْ · 2012-05-22, 11:18

عندي ساعةان نقرا في الصفحات والله ماهي خسارة راكم حراير نتاع الصح
شوفو وانقذوني انا راجلي يمدلي مليون مصروف الشهر واكلش فيه وعندي 4 ولاد هيا اعربولي كفاه نصرف والله كرهت قدما فحلت معاه ملقيتش روحي وكنتناقش معاه لا حياة لمن تنادي

ام مرية · 2012-05-22, 11:25

اقتباس:

المشاركة الأصلية كتبت بواسطة pomaria_aindefla

عندما تشروا إيزيزس ليكيد سائل ديرو شوي منو في قرعة فارغة تع إيزيس و عمورها بالماء هكدا تقتاصدو في الإيزيس و في صحة ألأيدي

امي تاني تستعمل هاد الطريقة وهي فعالة انا تاني ننصحكم بيها بوركتي غاليتي ننتضر منك المزيد من النصائح الاقتصادية

اقتباس:

المشاركة الأصلية كتبت بواسطة hanadi193

عندي ساعةان نقرا في الصفحات والله ماهي خسارة راكم حراير نتاع الصح
شوفو وانقذوني انا راجلي يمدلي مليون مصروف الشهر واكلش فيه وعندي 4 ولاد هيا اعربولي كفاه نصرف والله كرهت قدما فحلت معاه ملقيتش روحي وكنتناقش معاه لا حياة لمن تنادي

حبيبتي مليون ما يكفيش 2من الناس فما بالك ب6
رجعيلو الدراهم وخليه هو يصرف ما تكصريش راسك
احكيلي على مصاريفك بالاك نقدر نساعدك ربي يكون في العون

سَلْسَبِيّلْ · 2012-05-22, 13:27

شكرا ليك حبيبتي لكن كنرجعهملو والله معلابالو ميخممش يقضيلنا غي الرافيتايما والخضرة نقعدو بلاه

سوسو الطموحة · 2012-05-22, 18:11

اقتباس:

المشاركة الأصلية كتبت بواسطة pomaria_aindefla

عندما تشروا إيزيزس ليكيد سائل ديرو شوي منو في قرعة فارغة تع إيزيس و عمورها بالماء هكدا تقتاصدو في الإيزيس و في صحة ألأيدي

وثاني زيدي معاه الجافيل ....هكذا فرد مرة ...قرعة للمطبخ وقرقة la salle de bain.....تكوني وفرت الوقت والصوارد.

hamid70 · 2012-05-23, 08:39

لا لا اعلاه تحطي الماء حبيبتي ولا الجافيل انا عندي فكرة راني نطبق فيها هدا سنين حطي الخل منها يقضي على الدهون منها يحافظ على اليدين و يخلي الماعن يبرق بالنسبة للاخت لي يعطيلها راجلها مليون انا تاني شهرية راجلي قليلة كما قلتي يقضي الرافيثايمة انتاع شهر و الباقي انا نقتصد فيه الجاجة نديرها طراف في الكونجيلاتار و ماشي كل شيء نطيب باللحم في وقت الحاجة رخيسة نشري ونخبي في المجمد حتى كي يجوك الضياف تلقاي روحك الديسير ماشي دايما و الاولاد ماتعلميلهمش المصروف والله ساعات نفضل راجلي يحير في والمرة لي ما تخرجش خير ما تسخفش

Lili Rose · 2012-05-23, 09:30

اقتباس:

المشاركة الأصلية كتبت بواسطة مريم سلسبيل

سلام لكن انا عندي اقتراح ياريت يلقى التجاوب
1 نتكلمو على عولة رمضان كيفاش نوجدولو ماتقلوش بعيد راهو في الطريق
2 نتكلمو على تجهيز البنات وهم صغار ياك كل شي غلا للي عنده بنت واحدة تحير فمابالك اكثر
3 كيفاش تعملو للالبسة نتاع العيد ونتا ع القراية
4 للي عندها دار تبني فيها كيفاش تحضرلها قش جديد وهي مازالهاتبني
5 نتكلموعلى الشيفون
اسمحولي طولت عليكم ان استفدت من منتدى الجلفة بزاف ياريت نحكي على المواضيع راهم يهموا النساء بزاف مع الوقت للي غلا فيه كلشي

السلام عليكم و رحمة الله و بركاته يعطيك الصحة أختي على الموضوع والله عجبتني ياسر الفكرة و حبيت نشارك معاكم أستفيد منكم و تستفيدو مني ان شاء الله

بالنسبة للجهاز تاع البنات أنا نظن بلي مازال لحال كلش يديمودا غيرالحوايج التقليدية على قد ماتكوت قديمة تكون أحسن كما الدهب و الفراش (كروشية ،مسلول، نابل...)

من رأي أيضا نخليو البنات يعيشو حياتهم طبيعية مانهدرولهمش خلاه عن الجهاز حتان يجي مكتوبهم باه مايتلهاوش عن دراستهم و يبداو يحلمو

شفت قداه من بنت في الثانوية تحبس دراستها بالرغم من أن مستوى دراستهم مقبول بصح حابين غير يتزوجو

الخلاصة: الحرص على تربيتهم تربية صحيحة ليكن في المستقبل زوجات صالحات و الجهاز هو الأخير ادا ماكانش دراهم جهاز بسيط و عرس بسيط المهم الأخلاق

Lili Rose · 2012-05-23, 09:36

(للي عندها دار تبني فيها كيفاش تحضرلها قش جديد وهي مازالهاتبني)
مفهمش وش تقصدي بالقش الجديد ( الملابس تاع البرا) لكان تهدري على الملابس تاع البرا درك نعطيك رأيي عن تجربةكما تكملي البني و تحولي لدارك الجديدة لتم اشري حوايج جدد و أرمي القدم ادا حبيتي(كاين حوايج ياسر لازم ترميهم مش غير الملابس باه مايفسدوس جو الدار الجديدة) بصح لازم تخبي من قبل دراهم على قد ما تقدري

Lili Rose · 2012-05-23, 10:15

بالنسبة لرمضان نشريو اللحم و الدجاج قبل رمضان بشوية نقسموهم تاع النعمة وحدو تاع الشربة وحدو تاع المرقة وحدو و ليتقلا ولا يتشوا وحدو و نخبيوهم في الكونجلاتور

نفتلو المحمصة و الكسكسي و نخدمو الشخشوخة( نشخشخوها نشمسوها و نخبيوها)

النعناع ايضا نغسلوه و نشمسوه مبعد نرحيوه

سلاطة مشوية كما يقرب رمضان نخدمو كمية كبيرة و نخبيوها في الثلاجة هي و لهريسة حارة نديرو نورمال و الثانية مخلطا مع الزيتون

نخدمو الورق تاع البوراك و تخبيوهم في الثلاجة نقيو لفريك و نغسلوه نشمسوه و بعد نرحيوه

اللوز نغليوه نقشروه نشمسوه و نقليوه ( فالفور) و نرحيوه باه نطيبو بيه شباح الصفرة ولا مرقة حلوة

هادو لحوايج ليتخدمو في الدار لكان نسيت حاجة كما نتفكرها نكتبهالكم

لحوايج لنشريوهم تاع رمضان كامل و أيضا تاع لعيد الزبدة السكر القهوة الحليب بودر السمن الفرينة التوابل العظام البطاطا لبصل طماطم(العلب و كعب) التليتلي الروز اللوز و الجوز سميد تاع لهريسةو البسبوسة و سميد تاع الكسرة ...