راجل اختي مهبلهم

[نيفرتيتي.]

يا اخواني عندي راجل اختي مهبلهم في الصيف على الكليماتيزور يخبي روموت بشعل غير كي يجي هو يشعله وهوما يقعدو للسخانة وفي الشتا يطفي الشوفاج وثان يشعلو غير كي يجي هو والسبب هو خايف على الفاتورة بصح ليه هو يبقى يتبرد
واشي هو الحل
راهو كي يخرج يخبي روموت ولا يديها وكي يدخل هو خاوتو يحلو ويتبرد هو وخاوتو وكي يخرج يطفيه ويحل الطاقة ويخرج الصيف اللي فات صرات مشكلة بينو هو بنته وجات بنتو لدارنا اي دار جدها متعاركة هي وياه حكت لابي وخويا اللي هو جدها وخالها قالو عيب كبير باه نحاسبوه على حاجة كيما هكات ماناش احن منه على ولاده ومرته وماقدروش يهدرو معاه
كيفاه الحل

[أم احمد3]

انانية هذه ليست مرض

[نيفرتيتي.]

كيف يتصرفون معه

[شمس 15]

يشريو تيليكوموند universel تشعل أي آلة كهربائيه ولا يشريو تيليكوموند deuxieme main تاع climatiseur و يخبوها عليه كي يخرج يشعلوه وكي يوقتو عليه يطفوه بصح لازم وحدة تستكلف بيها باش ماشي وحده تتكل على الأخرى و تنسى و يكتشف أمرهم مساكن,
عندي حل آخر هذي أختك تتنازل على حاجه ينفقها راجلها عليها(مثل flexy,حفافه,دراهم حمام) و
تقولو خلينا نتبردو و دراهم هذيك الحاجة تعاونو بيها في الروسو تاع التريسيتي.
عندي راجل خالتي هكذا راكي قاعده تشوفيtv يطفيهولك في وجهك,وكي يجي من الخدمه ديركت يجوز على شنابر كاش واحد خلي الضوء مشعول.

[نيفرتيتي.]

بصح كون يجي من البرا يلقاه يمشي دوزيام كور اللي لبرا ثان كي يلقا الدار باردة يفيق
نحوسو على حل انه يخليه يمشي لانه كون يفيق بتيليكوموند اخرى راح تنوض القيامة لانه بنتو العام اللي فات ضربها

[om_khadija]

والله غير موسوس هدا الحمد راهم في الشمال ليسوا بالجنوب لكان راهم ماتوا بالسخانة ونحن واش نقولوا الليل مع النهار تتمشى غير نطفي الكليماتيزور نشعل الالجي الله يستر هي لو انا ادا هو يتبر د وحده نخرب في ها حتى نفلسها لاانا ولا انت
ربي يعنها على هد المهبول

[جسر الأمل]

الله يحفظ ويستر الحل كيما قالت الاخت شمشومة شوالا انتوما قبل مايجي للدار بساعة طفوه باش مايفيقش هدا هو الحل الوحيد
وزيدو اهدرو معاه غير بالعقل وادا مابغاش يفهم وخشن راسه تحايلو عليه وطفوه بساعة قبل ما يدخل
بصح اسمحيلي مادام والله عيب عليه عيب بالبزاف الله يهديه

[الورود المنسية]

الله يحفظ ويستر الحل كيما قالت الاخت شمشومة شوالا انتوما قبل مايجي للدار بساعة طفوه باش مايفيقش هدا هو الحل الوحيد
وزيدو اهدرو معاه غير بالعقل وادا مابغاش يفهم وخشن راسه تحايلو عليه وطفوه بساعة قبل ما يدخل
بصح اسمحيلي مادام والله عيب عليه عيب بالبزاف الله يهديه

[محمد جديدي التبسي]

نحن ما عندناش مبرد في الدار وعادي
أختك عليها ان تتعايش مع الوضع وتحط روحها كأنو ما عندهاش جهاز
زوجها بخيل واش راح تعمل الله غالب تحاول تفهموا وتنصحو وانتهى الأمر
اذا اقتنع فبها ونعمة والا تصبر وخلاص وما ماتش اللي ما عندوش مبرد

[نيفرتيتي.]

اذا هي صبرت بناتها مايصبروش كي يكون ماكانش الناس كامل تصبر اما اللي يخلع ويغيظ هو الجو تاع الانانية تاع الاب وفي الشتا يحرم عليهم الشوفاج البرد مايتحملش وحتى السخانة رمضان اللي فات في القايلة يدورو من دار لدار من السخانة وهو يتبرد غير وحده ياخويا انا امي وابي راه غايضهم الحال لدرجة كبيرة لانه بنت اختي جات شكت لابي العام اللي فات بصح العام هذا مانضتش كان يسكتو

[محمد جديدي التبسي]

هو أناني فعلا لكن ما الحل إذا يقدر والدك ينصحه ولا أبعثولو اللي ينصحو ويقلو ينحي البخل تاعو و لانانية هاذي

وإلا كاين طريقة أخرى ممكن هو عاملها مكرة من العام اللي فات يعني لما جات بنتو ليكم وشكاتلكم

ممن لو كان تجيه مرتو ولا بناتو بالعقل وتعرف كيفاه تتحنن عليه بالاك ينحي طبايعو هاذو والله المستعان

ربي يهديه

[نيفرتيتي.]

المشاركة الأصلية كتبت بواسطة محمد جديدي التبسي

هو أناني فعلا لكن ما الحل إذا يقدر والدك ينصحه ولا أبعثولو اللي ينصحو ويقلو ينحي البخل تاعو و لانانية هاذي

وإلا كاين طريقة أخرى ممكن هو عاملها مكرة من العام اللي فات يعني لما جات بنتو ليكم وشكاتلكم

ممن لو كان تجيه مرتو ولا بناتو بالعقل وتعرف كيفاه تتحنن عليه بالاك ينحي طبايعو هاذو والله المستعان

ربي يهديه

ياخي شكرا على كل هذا بصح حبيت نقلك انو كي جات بنتو شكات ابي واخي ماقالولوش يعني ماعلىبالوش بالي شكات حتى في المرض هو من طبيب لطبي كل انواع الراديوات دارهخا وهوما كي يمرضو بالعراك والحس والمشاكل خلي برك

[مريم الصابرة]

السلام عليكم اختي والله تشوكيت من القصة نتاعكم هذا الراجل حرام عليه شوفو يحكو على النسا فاسدات وكذا وكذا بينما كاين فئة من الرجال قلبهم قاسي على فلذات اكبادهم ربي يهذيه واش نقولو ندعولو ربي يهديه ويحنن قلبو على ولادو ياخي ما راح يدي معاه والو الطاقة تروح وكل شي يروح يا ربي والله خلعتيني ما عندي ما نقوا ربي يهديه

[نيفرتيتي.]

المشاركة الأصلية كتبت بواسطة مريم الصابرة

السلام عليكم اختي والله تشوكيت من القصة نتاعكم هذا الراجل حرام عليه شوفو يحكو على النسا فاسدات وكذا وكذا بينما كاين فئة من الرجال قلبهم قاسي على فلذات اكبادهم ربي يهذيه واش نقولو ندعولو ربي يهديه ويحنن قلبو على ولادو ياخي ما راح يدي معاه والو الطاقة تروح وكل شي يروح يا ربي والله خلعتيني ما عندي ما نقوا ربي يهديه

إن شاء الله ياختي راه الصيف جا واحنا خايفين من المشاكل ربي يجيب دعواتكم إن شاء الله

[hadjer]

انا نظن انو المشكل في ولادتو...لازم يكسبو الثقة تاعو
لانو هو عارف وشراه يدير و كيفاه راه يتصرف و يقتصد
و يظن انو ولادتو لوكان يخليلهم الريموت كونترول رايحين
يخلوه يووم كامل شاعل ياكل في التريسيتي ..
لازم يحسوه بانهم قد المسؤولية

والله أعلم