مشكلتي الحياء الزائد

[مشكلتي]

السلام عليكم و رحمة الله و بعد أنا متخرج جديد من الجامعة قسم الترجمة و قد تلقيت عدة فرص للعمل كأستاذ التعليم المتوسط في اللغة الفرنسية أو الإنجليزية و لكني لم اوافق على العمل لأني أجد صعوبة في الوقوف أمام التلاميذ في القسم فهل من نصيحة يا إخواني للتخلص من هذه الحشمة و بارك الله فيكم.

[تهاليل]

شوف خويا أكيد في الأول راح تحشم وتلقى صعوبات هذا أمر طبيعي لكن ماتتركش خوفك وحشمتك تؤثر عليك لأنني نعرف واحدة حشاااااااااااااااااامة لدرجة ماتتصورش وبشوية بشوية راحتلها حشمة واسأل التوفيق من الله وعندي واحدة نعرفها واش كانت تدير تحضر درس أمام المرآة ومن بعد تلقيه أمام إخوانها ولا أحد زملاء وبشوية ومع الوقت راح تروحلك الحشمة ومرات اتخيل أنك أمام تلاميذ وتلقي الدرس وربي يسهلك ويكون في العون ولازم تصدم ياخويا متقعدش غير هاك راح طفرها في روحك وزيد مناصب راهم يطيرو في رمشة عين خير ماتندم من بعد والله يوفقك ونتمنى نكون افدتك ولو بالقليل

[ac.chourouk]

لقد جربت التعليم هذه السنة فقط وقد كنت خائفا في البداية ولكن صدقني ماهي إلا لحظات وينتهي كل شيء المهم أن تحضر الدرس جيدا وتتوكل على الله وربي يوفقك.

[رزان.]

و عليكم السلام و رحمة الله تعالى و بركاته

توكل على الله يا أخي و لا تخف بمجرد أن تدخل القسم راح تنسى كل شيء فقط لازم تكون عندك شخصية قوية و عليك أن تثبت وجودك و لا تظهر لهم ذلك لأنهم

سيعرفون نقطة ضعفك و ستجد صعوبة في القيام بمهامك

فقط عليك بالعزم و الإرادة القوية ، فرصة لا تضيعها


أتمنى لك التوفيق و النجاح

[ايمان نور الجزائر]

توكل على الله...اخي الكريم
وكي تدخل القسم اقرأ اية الكرسي وقابلهم بابتسامة معاها نظرة حزم
تعرف عليهم واحكي معاهم شوية
وبالنهارات توالف بالشوية وتتعود برك حضر دروسك بيان واسالهم كل مرة شكون ما فهمش عاود اشرحلو
وربي يسهلك ان شاء الله

[معجزة الاكوان]

اقرا كتب ابراهيم الفقي هايلة تفيدك وتغير حياتك
وعادي استاذنا تاع الفرنسي
استاذ هايل ومعروف بطريقتو الفعالة فالتعليم مع انو متخرج جديد
وفي نهاية السنة قالنا
بلي كان عندو مشكل يحشم وكان يخاف يوقف قدامنا واحنا مفقناش
بصح راحلو في اول اسبوع قرا فيه
تكون عندك نظرة حازمة مع ابتسامة تبين شخصية قويةو
توكل على ربي وقدم حتى التلاميذ ناس ملاح

[*(بحر ثاااائر)*]

السلام عليكم،
كلنا مررنا بهذه المرحلة التي تنتصر فيها على خوفك وخجلك،
وسرعان ما تسير الأمور على ما يرام،
ويبقى هذا الخجل مجرّد ذكرى تبتسم بمجرّد تذكرها، وتود أن تحكيها كلما وجدت لذلك فرصة.

( أنت من تلاميذ المتوسطة حاشم، أرواح شوف حالتي أنا مع تلاميذ الليسي النهار الأول ) مزحة

[الشاوية الحرة]

هذه اجابة أخي أستاذ في مادة الرياضيات
أخي قالي أخي أنو لم يصدق نفسه في اليوم الأول أنه يقف في القسم أمام تلاميذ لكن بعد مضي ساعة الحصة الأولى أصبح الأمر جد بسيط وعادي بشرط أن تكون متمكن من المادة العلميـة
سلآلآمي وتحيــــااتي

[أَحمــد]

كما قال الاخوة من قبلي, فمجرد وقوفك امام تلامذتك في اليوم الاول يذهب الخجل

وبمرور أيام أقول أيام فقط تحس نفسك أنك أستاذ منذ زمن بعيد

أو قل تحس نفسك أنك ولدت أستاذا

وأبشر فاني ألتمس فيك انك ستكون مميزا وتلقى حب تلاميذك لك ان شاء الله

بالتوفيق لك

[هاجر**]

ربي يوفقك وإن شاء الله تتخلص من هذا الحياء الزائد
أرى أن صاحبي التجارب الذين مرواا بهذا الموقف قدموا نصائح قيّمة أما أنا فأعتذر منكـ لأنني تلميذة عمري 13 سنة فقط و لا أعلم كيف تستطيع مواجهة مثل هذا الموقف

أتمنى لكـ التوفيق و مسيرة موفقة في الحياة

[الدكتور سام]

يا اخي هادو غير تلاميد المتوسط.يعني مازالهم صغار ما كان لاه تحشم.تصور روحك في الليسي او في الجامعة.قضية وقت برك.انا مثلا كنت مثلك و ما تتصورش قدماه كنت نحشم و خاصة من البنات و المشكلة ان وظيفتي لا تتوافق تماما مع هده الحشمة و لكن بلعقل بلعقل حتى بدات تروح و الحمد لله

[منهاج]

السلام عليكم

اخي توكل على الله الحشمة ما راح توكلك في المستقبل ادا فرطت في هاد الفرص والله ما يتعوضو الصراحة انا اول ما تخرجت

خفت من التعليم وخفت نظلم التلاميذ معايا لاني عصيبة شوية وما نستحملش الحس والمشاكل تاع الدراري والان راني ندور على خدمة

في التعليم وما تلاقيتش المهم جرب ومع التجربة الحشمة راح تروح وربي يوفقك ويوفقنا

تخفاف

[اميرة باحتشامي]

جربت التعليم هذا العام وكان اروع ما يكون

دخلت للقسم طبيعية جدا وما حسستهمش بلي راني حشمانة والاهم اول حصة ما حضرتش الدرس لان الادارة لم تعلمني سابقا عيطولي ارواحي لعشية تقري والسلام دخلت متوكلة على ربي لقيت الدرس بسلاسة وطلاقة والحمد لله وبلا ما ننسى لغة الجسد ما تقعدش في بالاصة واحدة اتحرك ومتشبكش يديك وشوف في التلاميذ كامل كي تكون تشرح وحول تكتم الغضب انتاعك واذا تحب تانب تلميذ بلباقة وبلا تهز ثيقتو في نفسه لانك انت الاسوة ومنك يقتدي التلاميذ شوية شوية تتعلق بيهم ويتعلقو بك ويحبو المادة هذا الشي اللس صرالي عادو يجيوني في اوقات الفراغ يحاولوني باش نشدهم ونديرلهم ساعة تعويضية

وربي يعاونك

[hanna25]

أخي أنا مجرد تلميذة
بصح نظن بلي هدي الحشمة عادية
يعني علابالي بلي رانا نخوفوا هههههههههههههه
المهم نتا كي تروح حط روحك راك مع خوتك وشبه العقلية شوي حضر وش تقول بصح متخفظوش لانو رح يقولوا وشبيه هدا حافظ الهدرة
اتعامل على طبيعتك لان التلميذ يحب الاستاذ البسيط
كيما حنا جانا استاذ تع رياضيات يحشم بزاآآف علابالك هو معندوش شعر يدل يعرق ويحمار
بصح حنا كنا نشوفوه عادي بلعكس كان ممتاز يشرح روعة انا عام كل مفهمتش عند استاذنا لكبير وقديم وهو فحمت عندوا
مع اللول محلناش الخيط كان غير مع الدروس والشرح ومنبعد ولا عادي
تتصور مرا وحد طفلة مدتلوا بابي مشواغ وقالتلوا امسح لعرق رك رح تموت هههههههه
هو حشم كثر وكثر بصح هنا حترمناه لهادي النقطة
قلنا ماداموا يحشم هك هو سور مربي
وعندنا أستاذة عربية دخلت سنا برك مع الاول كانت خايفة بصح منبعد ولات روعة نموت عليها
درك هي الوحيدة لتوحشتها ماكانش شكون لميحبهاش
علابالك في آخر السنة قالتنا جامي تصورة اني نتعلق بيكم هك وقالت بلي كانت خايفة بصح حارت كيفاه عدى العام ولات تموت علينا تقل خوتها
هه فكرتني تاني العام لفات جاتنا استاذة انجليزية رغم انها قراتنا شهر برك بصح ولينا نموتوا عليها
بصح أكثر حجا ننصحك بيها لازم تفكر في حاجة تقربك للتلاميذ حاجة تبقا في بالهم كل ما يشوفوك
هذا هو السبيل الوحيد بح يحبوك
واقبل الخدمة لانو الغاشي ملقاوش وش يخدموا ونتا تلقا وطيش
والتلاميذ مش غوال هذوا التلاميذ هو اخوتك وعائلتك ابنائك
لازم تحبهم وتحترمهم
وربي يكون معاك

[أويس DZ]

اخي قم بعمل رياضة وليكن رياضة كمال الاجسام سوف تلاحظ تغير في شخصيتك

موفق ان شاء الله