om rami repond moi

[lamiak1]

اولا وقبل ان اتقدم بطلبي اود ان اقول باني جد معجبة بوصفاتك ففد ابهرتني واتمني ان تواصلي في المساهمة في اضافة مواضعيك الشيقة التياستفدت بها كثيرا و ان تكون في ميزان حسناتك .اريد منك ان امكن طريقتك في صنع لمبرجة ذات ثلاث طبقات التي يعدها اهل البرج في فصل الربيع مع التوضيحوبهذا اشكرك مقدما وارجو منك ان تاخذي طلبي هذا بعين الاعتبار فانا من متتبعينك و انتظر وصفاتك حتي ان لم تكن مرفوقة بالصور واخيرا ربي يعطيلك واش تتمناي ويخليلك رامي

[*ام رامي*]

اهلا وسهلا بك اختي
الله يحفظك ويخليك
شوفي اختي المبرجةةنتاع ثلاث طبقات ما نديرهاش بزاف لان الطبقة الوسطى نتاع العجين تبقى نية ما طيبش مليح
اتفضلي المقادير راهي تجيك روووعة بشهادة كل من اكلها
اذا عندك كيلو غرس استعملي المرغرين نتاع رطل واذا عندك رطل غرس استعملي المرغرين نتاع نص رطل
كيلة مرغرين لابال طرية اخبطيها بيدك مليح ما تذوبيهاش+ شوية زيت حق فنجان قهوة خلطي مليح +3كيلات تشيشة تكون خشينة شوية + كيلة فرينة +ملح وخميرة كيميائية واعجني بالماء البارد خلطي مليح باصابعك مش راح تتعجن ما تخافيش
خلطي شوية تشيشة وحدها بالزيت باه تحرشي بيها من فوق

الغرس يكون منقي مفور اعجنيه بشوية الزيت وعطريه بالقرفة والقرنفل
اقسمي العجينة على ثلاث كويرات والغرس على اثنين
لازم لك قطعة بلاستيك كبيرة
انثري التشيشة ضعي فوقها القرصة الاولى ابسطيها بيدك حتى تصبح دائرية كبيرة
بجانبهاوفوق النايلون قرصي الغرس اقلبي الغرس فوق العجينة بوضع يدك تحت النايلون
وفي مكان الغرس قرصي القرصة الثانية من العجين واقلبيها فوق الغرس ثم الغرس ثم الطبقة الاخيرة من العجين وانثري التشيشة وامسحي ثم ابدئي من الوسط وحللي في جميع الاتجاهات حتى تصبح ارق وبالسمك اللي يعجبك قطعيهااثقبيها واطهيها فوق طاجين فخار فوقه طاجين حديد
وسايسيها في الطياب اقلبيها بحذر لانها تتفتت بسرعة وهي سخونة وكي تبرد تشد روحها
ان شاء الله تكوني فهمت

[lamiak1]

شكرا ام رامي انك جاوبتيني الوصفة تبان واضحة راني نحربها في اقرب وقت ان شاالله ننجح فيها دمتي في رعاية الله