حصريا طريقة عمل الشخشوخة بالتفصيل

[fadoula fcb]

]¤[ مدخــ,،ـل ]¤[

لا اله الا الله........ محمدا رسول الله

هــــلآآآ و مليووون غ ــلآآآ

صبــآح ــكم / مســآؤكم ورد ج ـــوري

كيف آلح ـــآل ؟ آن شــآء آلله بخ ـــير وكل شي تمام

اليومـ ج ــــاآيبتلكمـ كيفة من مطبخ ــي لع ــــــــيونكم طريقة عمل شخشوخة الظفر يلاآ تــاآبع ــــــــوواآ .. المقادير: للعج ـــين سميد ملح و ماء للمـــرق شخشوخة يابسة لحم الدجاج أو غنمي حسب الافراد ( او الاثنين معا تجي احلى) بصل مقطع رقيق فلفل حار طماطم مصبرة حمص مرنخ بليلة من قبل ملح و فلفل أسود زيت التح ـــــضير : في قصعة نحط السميد، شوية ملح و نبل بالماء يلزم لعجينة تكون يابسة شوية من بعد نعجنها مليح راح تتطرا من بعد نكورها كور صغيرة من بعد نقرصها تكون رقيقة السمك حوالي 3-4 مم نسخن الطاجين و نحط الخبزة لثواني معدودة و نقلبها هكذا يلزم تبقى بيضاء و هذي من جهة الثانية نحطها في فوطة و نلفها مليح و نغلق عليها في كيس بلاستيكي باه تبقى طرية و تجي ساهلة لتفتات الطريقة القديمة تاخذي قطعة صغيرة و نفتتها باستعمال السبابة و الابهام، مملة لانه تلقائيا هذه القطعة راح تصير دائرة و تدخلي في دوامة معها هكذا تكون فتيتات صغيرة و هذي طريقة اخرى تجي ساهلة لتفتات بصح تغلب في القصان هنا نستعمل السكين و نعمل شرائح طويلة و رقيقة كي نفتت نحصل على هذي هنا نقطعها بعرض اكبر شوية حوالي 5 سم و هذا شكلها و انا استعملت هذي الطريقة في تفتات ما تغلبني في القص و لا كي نفتت هنا بعد ما كملت التفتات خليتها حتى تيبس نعرضها للشمس و في الشتاء نحطا فوق المدفئة ومرة على مرة نحركها اليابسة تجي اطيب لانها تتشرب الكثير من المرق عكس الطرية و هذي صورة اقرب و الان نرجع للمرق نحط اللحم، بصل، الزيت، الملح و الفلفل الاسود نقلي مليح من بعد نضيف الطماطم معجون نقلي شوية و نزيد الحمص و الفلفل الحار من بعد نمرق و نخلي اللحم يطيب هنا عندي الشخشوخة يبست نحطلها مغرف زيت و نفركها مليح بين يدينا نحطها تفور بعد ذلك نسومها ( نشطفها) على السريع نصفيها و نخليها تسقطر شوية و نفرغها في قصعة اللوح (خشب) ناخذ شوية من زيت تاع المرق نصبه على الشخشوخة و نفرك بيدينا حتى تتغلف كل الحبيبات هكذا نردها تفور للمرة الثانية و الاخيرة و بعد ما تفور نغليها في المرق حتى طيب و هنا في صحن التقديم شهية طيبة للجميع

إلى اللقاء أحبائي و إن شاء الله

يـكون ع ـجبكمـ الموضوووع ,,,

انتظرونـــــــــ ,،ــــــي هناك المزيد

تـح ـيـاتـي للج ـــــميع ,,,,

]¤[ مـ خ ـرج ]¤[

,, سبحان الله وبحمده ........ سبحان الله العظيم]

[ضحضوحة]

صحيتي اختي باين تخرج تشهي نجربها

[boulanouar amira]

بارك الله فيك الطبق يشهي ماشاء الله عليك

[نيفرتيتي.]

بارك الله فيك اختي حنا بعد ماتفور نجمروها في الاصوص حتى تاعك هايلة وبنينة وتشهي شكرا على المجهود الكبير اللي بذلتيه

[عبير3]

ماشاء الله طبق يشهي بارك الله فيك

[بنت غليزان]

أنا جامي في حياتي كليتها مي ان شاء الله نجربها

[أنا أمهم]

اممممممم عجبتني برشة
ان شاء الله نجربها

[natacabell]

mmmmm chahitina yatik esaha khadmatha waara wech nkoulek baraka lahou fik ana khti hiya li dirhali almathalha aajouzetha rabi yarhamha mais jabli rabi andha siyar dyalha special wela lala el mouhim yatik esaha

[zamilio]

يعطيك الصحة شهيتينى تبان هايلة

[omanis]

يعطيك الصحة درتيها بالطبع بارك الله فيك نجربها ان شاء الله

[جسر الأمل]

رووووووووووووعة والله كنت باغية نحط موضوع على كيفية اعدادها انا تعجبني ماكلة الشرق بصح حبوبة شحال تقعد باه تيبس وربي ينووووووووووووورك ويفررررررررررحك ويرزقك بولد الحلال عااااااااااااااااااااااجلا غير اجل يااااااااااااااااااااااااااااارب

[جسر الأمل]

نسيت نسقسيك انت قلت كي تفور نشطفها معناها نشلوها بالماء هكدا؟؟؟؟؟؟؟يعني وهي في الكسكاس نفرغوا عليها الماء ونشلوها كيما الفاكهة ونخلوها تقطر؟؟؟؟؟ هكدا حمبوك جاوبيني راني باغية نطيبها

[aphrodite]

شكرا أختي...

[samia76]

صحيتي اختي

[ام طه14]

المشاركة الأصلية كتبت بواسطة جسر الأمل

نسيت نسقسيك انت قلت كي تفور نشطفها معناها نشلوها بالماء هكدا؟؟؟؟؟؟؟يعني وهي في الكسكاس نفرغوا عليها الماء ونشلوها كيما الفاكهة ونخلوها تقطر؟؟؟؟؟ هكدا حمبوك جاوبيني راني باغية نطيبها

حبوبة راهي قالت نسومها يعني تحطيها في cuvette تشرب شويييييييية ماء وتنحيها يعني يصفيها من هاداك الماء ونورمالمون يكون سخون ومانعرف.