ااه

[مشكلتي]

السلام عليكم

عندي جارتي 27 سنة عندها شهر منين دارت الفاتحة و كانت ديما تحكيلي عليه و انا نعرفو مليح كان صديق و جبد روحو عندي 3 سنين ما شفتوش لقاني خاطيني كلش و كلش مدايرتلو حساب و هي عاجبها بزاف هو صيدلي مرفه شاف الدنيا كامل هاداك واش هفها حطاتو ملاك و هو ادنى خلق الله مكانش علابالي مع اللول و ندمت على معريفو خطراش ما تشرفنيش مليح مع الناس مي مع روحو لالا راجل تاع بنات ديما مركب وحدة معاه ووصلت معاه حتى يدي البنات لدار صاحبو فارغة و يدير حوايج ربي يسترنا مي يبان نعمة الناس يعرف يهدر مثقف و كي قالتي راهو خطبني فلان تشوكيت ماهيش من النوع اللي يحب هو و كيفاش خطبها حرت هي واحدة عاقلة ما يستاهلهاش بعد ما شبع في اللي ما يسواوش خطبها هي و درك راني حايرة كيفاش ندير معاها وزاد خطبها ما نقدر نقوللها والو عليه نخاف تقولو و ما هيش راح تصدقني كي نشوفها تغيدني بزاف في رايكم الراجل اللي يحب النسا راح يتبدل كاين بزاف نعرفهم ما تبدلوش قولولي كيفاش ندير ولا نفوت الموضوع حاجة ما تخصنيش

[aissam .3820]

ممكن يكون هداه ربي يا اختي وتاب....
..

وخير وحدة عاقلة كيما قلت انت..


يكمل معاها نص دينه..


..

[رزان.]

من الأحسن تسأليها بطريقة غير مباشرة إن سألت عنه و عن أخلاقه و بهذا ترتاحين من تأنيب الضمير

و ممكن تكون هذه البنت سببا في هدايته و نتمنى ذلك ، و كاين الكثير من تغيروا بعد الزواج

الله يهديه

[فتاة الدعوة]

يا اختي من فضلك فوتيها هدي الحكاية كاين بزاف من هدا النوع وراهم دايرين ديار ماشاء الله ويحبو نساهم هدا من نوع ليلعب على بنات لكن من يحب يتزوج يجيب وحدة تاع دار ومتربية ربي يهنيها ومن رايي ماتقوليلها والو تخسريلها قلبها

[فتاة الدعوة]

يا اختي من فضلك فوتيها هدي الحكاية كاين بزاف من هدا النوع وراهم دايرين ديار ماشاء الله ويحبو نساهم هدا من نوع ليلعب على بنات لكن من يحب يتزوج يجيب وحدة تاع دار ومتربية ربي يهنيها ومن رايي ماتقوليلها والو تخسريلها قلبها قوليلها تصلي صلاة الاستخارة وتشوف

[الورود المنسية]

ممكن يكون هداه ربي يا اختي وتاب....
..

وخير وحدة عاقلة كيما قلت انت..


يكمل معاها نص دينه..

[الاميرة وسيلة]

ننصحك اجبدي روحك باسكو ايلا هدرتي ركي رايحة تحطي راسك في المشاكل

[samir 1990]

الطفلة وش ذنبها مسكينة
صحيح معظم الرجال يغلطو يمشيو مع بنات لكن أن يأخذهن لبيت حاجة كبيرة مسكينة جارتك و الله تقطع القلب

[*بن عيسى*]

المشاركة الأصلية كتبت بواسطة samir 1990

الطفلة وش ذنبها مسكينة
صحيح أغلب الرجال يغلطو يمشيو مع بنات لكن أن يأخذهن لبيت حاجة كبيرة مسكينة جارتك و الله تقطع القلب

ربي يهديك ، و علاش قلتي أغلب الرجال ؟؟؟؟ شهادة سوف تحاسبين بها عند الله عز و جل

[faty05]

سلام
ما تجبديلها ما تحكيلها
هي اهلها هوما لي يسقسو عليه و قبلو و خلاص
نتي ذركا انساي

[z.abdo]

المشاركة الأصلية كتبت بواسطة samir 1990

الطفلة وش ذنبها مسكينة
صحيح أغلب الرجال يغلطو يمشيو مع بنات لكن أن يأخذهن لبيت حاجة كبيرة مسكينة جارتك و الله تقطع القلب

لا اختي ما تغلطيش لا تقولي اغلب الرجال الحمد لله النساء عاريات في الشوارع ونحن جابدين رواحنا
ربي يهديك اختي

[z.abdo]

ننصحك تعاملي هذه الصديقة مثل اختك إذا كانت أختك مكانها ماذا تتصرفين

[ريمة89]

ممكن ربي حاب يهديه اعطالوا مراة صالحة تهديه ممكن هو انسان مليح مانقدروش نحكموا ممكن زهو برك وتاب ممكن.......ممكن
انا نقول والله عندوا الزهر ادا مراة راح تكون سبة باه يدير الدار ويستقر ولا ماشي من حقوا
شحال من واحد كان خارج الطريق والمراة هداتوا لطريق الحق اختي خلي مكتوب ربي يهدر ادا كان كاتب مبروك عليها وادا ماشي كاتب ربي يهنيها منوا مدامت ناس ملاح بزاف
وزيد انت راكي تقولي
(عندي 3 سنين ما شفتوش) بالاك فهدوا السنين كن فيكن بالاك ربي هداه انا نقول رايي انوا ربي حبوا وحب ينورلوا طريقوا وهي بنت فاميليا راح تردوا لطريق المستقيم وشحال من واحد داه زهو الدنيا وتاب وحب يستقر ماتحكميش على الناس من الماضي احكمي من الحاضر كاين بزاف منا غلطوا والصح ادا تابوا ولا لالا
وانا الدنيا علمتني مانحاسبش الناس من ماضي ديالهم اللي راح يولي تجارب فقط فحياتهم بل من حياتهم بعد التجربة هديك وتغيراتهم شحال من واحد كانت مراهقتوا واعرة وكي كبر وفاق تاب لربي ودوك راهوا ماشاء الله .

[samir 1990]

المشاركة الأصلية كتبت بواسطة z.abdo

لا اختي ما تغلطيش لا تقولي اغلب الرجال الحمد لله النساء عاريات في الشوارع ونحن جابدين رواحنا
ربي يهديك اختي

قلت أغلب يعني ليس الكل لكن أنت فهمتي خطأ لابأس سأعدل و أكتب معظم
أنا على الأقل قلت أغلب أما أنت قلت النساء عاريات قل بعض لا تلوم شخصا على فعل أنت فعلته

[حلاوة_87]

ربي عالم وش فالقلوب...ممكن هدايته رح تكون على هذ البنت وممكن هو من النوع اللي يعيش كيما يحب لكن في زواجه يختار بنت ما شاء الله...
انتي حاولي تساليها اذا كانو سالو عليه وعلى اخلاقه...لانو اذا كان يخلط بزاف فالنسا فاكيد الكثير يكون يسمع عليه..