فلان البيض

نيفرتيتي. · 2012-04-11, 22:51

المقادير
4بيض
1لتر حليب
1فلان نوارة فاني
سكر
للكرميل
سكر

طريقة التحضير
نحط الحليب يفيض وبعد نخليه يبرد شويةونسكروه حسب الحاجة على جهة نخلط البض في صحن ونضيفو للحليب مع التحريك السريع با يطيبش البيض نزيد نحطو الفلان تاع الفاني تقدري تستغناي على الفلان وتعوضيه بالفاني من جهة اخرى نحضرو الكراميل نذوبو السكرونحطوه في مول تا الزجاج اذا عندك او مول عادي ونخلوه يبرد شوية باه يبتماسك وبعد نحط الخليط تاع الحليب ونحطوه يطيب في حمام مائي كيفاه تعرفيه طاب كي دخلي الفرشيطة وتخرج ناشفة معناه راه طاب نخرجوه من الفرن ونخلو ه يبرد وبعد نقلبوه
وشهية طيبة

جيجلية · 2012-04-12, 07:04

هايل اختي

يعطيك الصحة

نعطيك وصفتي ساهلة على تاعك

لتر وربع حليب +"صفار بيض+ "مغارف كبار نشا نخلطوه + 2 فلان نوارة اللي تحبي من الاحسن فاني او كرامال ونخلطهوم مليح ونحطهوم فوق النار حتى يغلي ويثقال الخليط نكونو حضرنا الكاراميل نحط الكاراميل في المول ونصب عليه الخليط

وبياض البيض نخفقو مليح كالثلج ونضيفله حوالي كاس سكر قلاص ونحطه فوق الفلان اللي يكون شد روحو شويه ثم نعشل الفرن من فوق ونحط المول 5د يولي البياض ذهبي فقط ونخليه يبرد ونحطه في الثلاجة

جربيه ورديلي الخبر

نيفرتيتي. · 2012-04-12, 10:06

اختي هذا نوع اخر لازم نجربو

natacabell · 2012-04-12, 17:54

Jabli rabi fi zouj mlah ki njarabhoum nradelkoum lakhbar nchalah yatikoum esaha

الأمنيات · 2012-04-12, 18:36

Marisssa · 2012-04-12, 19:03

merciiiiiiiiiiiiiiiiiiiiiiiii

نيفرتيتي. · 2012-04-12, 19:19

ياختي الفلان تاعي لازم يتقلب وتاع الجيجلية مايتقلبش لانه فيه الميرانغ وكي يعود فيه فلان شكولا ولافلان فراز راح يختلف تماما في الطعم اكيد الفلان تاع الجيجلية لازم نجربوه باه نعرفو الفرق

linat · 2012-04-13, 08:56

باين عليه بنين يعطيك الصحة

wissem zem · 2012-04-15, 17:34

Merci beaucoup une louange à Allah

Jasmine Flower · 2012-04-17, 09:52

بارك الله فيك