هل يمكن أن تصل صرختنا لبن بوزيد !!؟؟ هاااام جدااا

[belarbi]

موضوع هام وشائك يتطلب من الجميع الوقوف والتضحية والعطاء

والجهاد إن صح التعبير في وجه الضلم والإحتقار والإستضعاف

وحب النفس والإثبات للعالم إن سياسته نجحت !!

هذا الموضوع لااااطالما راسلت جريدة الشروق اليومي ولكن دون جدوى

ولااااطالما أرته أن يصل عنان السماء وإستفاقة من النوم العميق والخوف الشديد

ألم تسأل نفسك يوما ؟؟ وتقارنها بالنضام الجديد ؟؟ ونسب النجاح سابقا وحاضرا ؟؟

ألم تقل لو كنت نضاما قديما لنجحت ؟ ألم ترى من معارفك الذين نجحوا رغم محدودية عطاهم

ومقارنتها بعطائك ولكن دون جدوى ؟؟

ألم تقل من السبب ؟؟؟ من وراء كل هذاا ؟؟ هل لك قيمة ؟؟

ألم تقل لماذا يحضى الجميع بأكثر من 3 فرص ونحن لااااا ؟

سأشرح لك عزيزي الطالب كل شيء وبإختصار شديد .....

يريد إستئصال النضام القديم من جذوره والله .


أنا الآن أدعوكم بإسمي وبإسم كل من يشاطرني الرأي أن نوصل معاناتنا

وإستيائنا الشديد جدا من هذا الأمر لبن بوزيد الذي نعتبره ممثل الترية الأول في البلاد

كما وصل صوتهم في إضراباتهم التي كانت تحريض منهم طبعاا للنضام الجديد

ونطلب منه التالي :

* الإستفادة من دروس مقدمة من الأساتذة في ضل أقسام خاصة

* عدم تفجيرنا بأسئلة الدمار الشامل

* وضع دورتين لك عام

* الرشا

وأنا مستعد لأن أنضم لكم هيئتا تعبر عنـا جميعا وتوصل معاناتنا

أرجوا منكم التفاعل من الكل والجميع ولاأس بدخول أصحا النضام القديم

والإستعانة هم والإضراب من أجلنا

أنا والله ليا طموحات كيرة أرجوا منكم المساعدة لفائدتكم ..

ويمكن للجميع أن يشارك برأيه في هذا الموضوع

[belarbi]

وإذا تمت الموافة فموضوعي القادم بإذن الله

راح يكون فيه شرح دقيق جدا لكل شيء

[loubnamias]

انا شيء لي علابلي بيه ان بن بوزيد حطملنا حياتنا وخلانا نضيعو عام من حياتنا من اجل انجاح نظامه .انا تخصلت على معدل 13.84 نظام قديم وما قدرتش ندير بيه والو ودق انا راني خنعاود الباك ووالله حايفة من الفشل وكرهة حياتي من التعاويد .وانا نشوف وحايد مستواه ضعيف وصلو ودارو واش حبو وذلك لانهم نظام جديد وحنا طيشونا .والله كرهت وكرهت القرايا ونا نقرى بنفسية محطمة .....ياربي ارحمنا يارب...

[salim241]

السلام عليكم
حسب رأيي الشخصي أظن أن البكالوريا تعتبر من بين أسهل الإمتحانات وأنت جد مخطئ بقولك عدم تفجيرنا بأسئلة الدمار الشامل فبكالوريا النظام القديم تعاد فيها نفس الأسئلة مع تغير طفيف في المعطيات أنا شخصيا حليت الكثير من الحوليات وتفاجأت بتكرار الأسئلة كل عام خاصة في الرياضيات دراسة دالة 12 نقطة تتغير الدالة فقط وفي مواد أخرى أسئلة تطرح في كل دورة.
ما هذا الروتين؟؟؟ يجب على الوزارة التعديل والتغيير

ونقولك حاجة يا بلعربي كي تجيب الباك إن شاء الله ربي يوفقك وتروح تخصص مليح تعرف القراية نتاع الصح كي يولوا يصحولك بالزائد والناقص وتولي تتمنى تدي زيرو خير من ناقص.

على كل حال اهتم بدراستك واطلب التوفيق من الله عز وجل واترك هذه الجوانب السياسية والمقارنة مع البرنامج الجديد أظن أنها أشياء تافهة يوجد أهم منها فالأيام تجري والباكالوريا تقترب.

تقبل مروري و أرجو أن لا تفهمني خطأ
والسلام عليكم

[amina1989]

يا أخي حنا ما نهدروش علي الأسئلة برك حنا نهدرو علي اليد لي تصحح تاني.ما تقوليش بلي يصحولنا كيما النضام الجديد.ويا خوفي العام هاذا يرخفوا اليدين كثر وكثر علي خاطر ما كانش أقسام خاصة كاين غير بكالوريا حرة.ربي يكون في العون.سلام

[لينة71]

والله راني نشوف ونلاحظ .الحصول اصحاب النضاو الجديد اداو بلاستنا وماعادو مهتمين بنا احنا واش نديروا
ماعلينا نتوكلو على ربي ونقراو والي يديرها ربي هديك هي وراه يجي وقت ربي ينصرنا انشاء الله المهم حايدو هذا المشكل جانبا والتاو بقرايتكم والسلام عليكم ورحمة الله وبركاته

[وليد الصوري]

السلام عليكم ياجماعة كونو منطقيين لا شيء صعب مع الارادة بل بالعكس ادعو ان تكون الاسئلة صعبة لكي تكون المعدلات منخفضة وبالتالي يعطونا الشعب اللي نحبوحا

[وليد الصوري]

الرجاء من الجميع ارساء رووووح التفائل و لنبتعد كل البعد عن اليأس والتشاؤم فمفتاح النجاح هو التوكل على الله- -افرض وقوع الأسوأ تهون العاقبة

[وسام وسام]

انا نشوف بانه بكالوريا النظام الجديد اسهل واسهل بكثير من النظام القديم.....ويمكن لاي طالب في النظام الفقديم التاقلم مع النظام الجديد فانا حصلت على بكالوريا نظام قديم وادرس في الجامعة نظام lmd وحقيقة عادي لكن العزيمة اقوى من كل شيء

[NADJIB-90]

السلام عليكم
شوف اخي انا راي الشخصي بكالوريا النظام الجديد اسهل بكثير من القديم لقد قرات وحللت مواضيع 2008 ووالله تبهديلة الي ماجابش الباك غير اللي حابس العلوم اسهل الاسئلة الرياضيات تمارين منفصل واسئلة معضمها نظرية يعني اذا اخطا في حساب او نتيجة ما تروحلوش 12نقطة وانا شخصيا اري ان الفرق الوحيد هو زيادة بعصض المصطلحات وتحديث فقط للمعلوات القديمة اما فرنسة الرموز فهذا يعطيهم افضلية في الجامعة
وصدقني انا دهشت العام الماضي عندما حصل منتسبوا النظام الجديد علي معادلات عالية ومنم اصدقاء لي كانوا يقولون بلي ماهم فاهمين والوا وداو التالي فيهم 13
ولكن كثرة الكلام ا تفيد فلا الوزير ياخذ اي من احتجاجاتنا بعين الاعتبار ولا هو مهتم بمستقبلنا فاعمل اخي بكل جهدك جبتو صح ماجبتوش فوت تكوين وصدقني خريجي المعاهد يخدموا كثر من خريجي الجامعات ولا تضيع وقتا قيما في لو وماذا لو وحقروني لاقيباش ما منها حتا فايدة

[belarbi]

أشكركم كثيرا على التدخل الطيب وبارك الله فيكم وبالتوفيق للجميع وحسبنا الله ونعم الوكيل فيك يا شيخ بن بوزيد

[بقـا ألم يا]

السلام عليكم ورحمة الله تعالى وبركاته:
والله راني نشوف بلي الاشاعات راهي كثرت حتى ولو كان كانت صح لا زم علينا ما نديروهاش في بالنا
وبصراحة راني كرهت حياتي بسبت الباك والتعاويد ....وهذا العام كيما اللي فات ربي يستر ....
ومانيش حابة نكون ضحية كيما باك2008تتخيلو بلي جاني الخبر بالي نجحت وعلقت النتائج وبعد يومين
قالولي راكي مانجحتيش ،ظنيتوا خطأ بصح ماهوشي خطأ لان المحترم الشيخ بن بوزيد أعطى نتيجتي لواح من النظااااااااااااااااااااااااااام الجديييييييييييييييييييييييد
ولكم أن تتخيلو حالي

[صبرينة]

المشاركة الأصلية كتبت بواسطة salim241

السلام عليكم
حسب رأيي الشخصي أظن أن البكالوريا تعتبر من بين أسهل الإمتحانات وأنت جد مخطئ بقولك عدم تفجيرنا بأسئلة الدمار الشامل فبكالوريا النظام القديم تعاد فيها نفس الأسئلة مع تغير طفيف في المعطيات أنا شخصيا حليت الكثير من الحوليات وتفاجأت بتكرار الأسئلة كل عام خاصة في الرياضيات دراسة دالة 12 نقطة تتغير الدالة فقط وفي مواد أخرى أسئلة تطرح في كل دورة.
ما هذا الروتين؟؟؟ يجب على الوزارة التعديل والتغيير

ونقولك حاجة يا بلعربي كي تجيب الباك إن شاء الله ربي يوفقك وتروح تخصص مليح تعرف القراية نتاع الصح كي يولوا يصحولك بالزائد والناقص وتولي تتمنى تدي زيرو خير من ناقص.

على كل حال اهتم بدراستك واطلب التوفيق من الله عز وجل واترك هذه الجوانب السياسية والمقارنة مع البرنامج الجديد أظن أنها أشياء تافهة يوجد أهم منها فالأيام تجري والباكالوريا تقترب.

تقبل مروري و أرجو أن لا تفهمني خطأ
والسلام عليكم

وش نقلك خويا ما يحس بالجمرة غير المكوي بيها لو كان جربت وش معناتها تقعد بلا قراية وعام يروح من عمرك خسارة ما يكونش هذا كلامك
انا نحط صوتي مع صوتك يا صاحب الموضوع نجربو معاه بالسلم مع انو هو واحد من الناس التي لا تفهم الا لغة الحراب ههه

[الاء النور]

انا نضام جديد نقلكم بلي الله غالب زهرنا خير على زهركم للعلم انا جامعية وحابة نعاود الباك على جال الطب

[اسيا2]

حسبنا الله ونعم الوكيل كما حرقت قلوبنا على البكلوريا