طارطة رائعة بمقادير في متناول الجميع والذوق أحلى

yasminemed · 2008-12-30, 19:15

المقادير

4 بيض . 14 مغارف كبيرة سكر عادي. 14 مغارف كبيرة زيت.14مغارف كبيرة حليب.12 مغارف كبيرة فرينة. معجون.2خميرة.2 فاني هذه المقادير بالنسبة لعجينة واحدة والتي تمثل الطبقة الأولى.ونفس المقادير لتتحصلى على العجينة الثانية. (طارطة ذات طبقتين)

كيفية التحضير
نضع في كسرونة البيض ونخدموه بالميكسور ونضيف السكر وخدموه مليح أيضا ونضيف الزيت والحليب ونخدموهم ايضا مليح ونزيدو خميرة وفاني وبعد مانخلطو هذه المقادير نضيف الفرينة نخلطوهم ونتحصل على عجينة جارية
نقوم بوضع ورق الأللمنيوم في قالب دائري .ونضع العجينة السارية في القالب ..ونضعها في الفرن .بعدما ما طيب نخرجها ونقوم بقلبها في صينية بعد نزع الألمنيوم
نحضر الطبقة الثانية بنفس الكيفية السابقة
نضع بين كل طبقتين المعجون

الكريمة
125 غ مارغارين نخدموها مليح بالميكسور وبعدين كل مرة نضيف مغرفة كبيرة سكر قلاصي ومرة مغرفة كبيرة عسل وهكذا دواليك حتى تحصلي على الكريمة
نضع الكريمة فوق الطبقتين
التزيين
ممكن تستعملي كاوكاو أو قوفريط يعني واحد منهم للعلم انا هذه الطارطة تقريب نستعملها بالقوفريط تعجبلي أفضل
اذن نقوم بهرس الكاوكاو او القوفريط وتضعينه فوق الطبقتين على الكريمة وزينيه بالشكولة

انا في بعض الأحيان نديرها هايلة بزاف
ان شاء الله تعجبكم بصحتكم