والله غير نديك نديك يا الباك

oussama.w · 2012-03-16, 10:56

السلام عليكم

بعد غياب نتع شهرين ونص يعني 1 جانفي -->15 مارس راني رجعت اليوم خلصت الانترنت وصدقوني ككنت رايح نخلصها حكمتني الرعشة قلت نخاف نخلصها ونفلس معاها في هاد العطلة بصح لازملها كوراج وخلاص

فات عليا الفصل الثاني وما فقتش بيه .الضغط بديت نحسوو يزيد عليا surtou ليسسي نتاعنا راه روطار على الليسات لوحرين مالقري رانا نقراو نورمال وما راطيناش الايام عير نتع الاضراب
العلوم رانا في النشاط 4 في النقل المشبكي
الفزياء لبارح كملنا الوحدة 4 نع ph
الرياضيات ليا 3 ايام ملي دخلنا للاعداد المركبة
الاجتماعيات رانا في رد فعل فرنسا على العمل المسلح
الفلسفة رانا في العلوم البيولوجية

واله تعبنا من ليكووور بصح الله غالب ماتقدرش تخليه لخطراكش لازمين ودرووس المدرسة وحدهم ميكفوووش نقرا كل يوم في ليكور غير الجمعة والسبت لعشية

ونقاطي في هاد الفصل
الرياضيات 10
العلوم 15.5
الفزياء مازال
الاسلامية 12
الفرنسية 11.5
الانجلزية 10.5
الاجتماعيات 17
الادب مازال

والمعدلات نشالله بعد العطلة

والله حب نقتل روووحي في هاد العطلة وندرك بعد الصلاة ندير جدول المراجعة وتبانلي ندير في اليوم مادة علمية وفي الليل مادة ادبية سورتوو ع القرايا نتع المدرسة في السمانة الاولى

ونتوماا كيف خباركم ؟ الورال نتاعكم ؟

المُـسْتَحِيـلْ · 2012-03-16, 11:03

المورال ديما ديما لاباس ، المعدل خلي لربي تحسن في مواد وسقوط حر في مواد أخرى ، الاجتماعيات مازال درس أخير في الجغرافيا ، التاريخ كملنا رد فعل الاستعمار ، الإنجليزية و الفرنسية دخلنا في المجال الثالث ، العلوم قريب نخلصوها هي الرياضيات و الفيزياء ..

بهاء الدين 93 · 2012-03-16, 11:06

عنوان موضوعك ملفت للنظر حقا ، قد شد انتباهي فجئت مسرعا ، أحيي فيك أخي عزيمتك و إرادتك الفولاذية ، تأكد أن الله لن يضيع أجر من أحسن عملا ،، كل التوفيق ان شاء الله ، سلام

oussama.w · 2012-03-16, 11:13

مرحبا بيك خويا بها ..اش خبار لقرايا ؟ المراجعة ؟ تقدر تعطيني لفيسبوك ولا ال***** نتاعك

zizou93 · 2012-03-16, 11:17

السلام عليكم
المورال مازال فالزيرو مي راني نحاول نطلع فيه
والله اليوم راني في حالة مريضة (زدرت) مع السخانة و الغلبة زعما هاذا اول نهار عطلة باش نبدا نقرا فيه هاكم تشوفو واش صالي المهم مكتوب ليامات الجايين انشاء لله
تنوما راكم متاخرين بزاف حنا العلوم كملنا المرحلة الكيمو ضوئية بقاتلنا غير المرحلة الكيموحيوية و ندخلو فالتنفس مي الاستاذة تاعنا قالت بالاك مايدخلوهش العام هادا باسكو كاين اللي راهم متاخرين
الفيزياء كملنا الميكانيك
الرياضيات هاذا وين دخلنا للمتتاليات
المواد الادبية الله اعلم غير الفلسفة تبالي رانا راح ندخلو فالحرية و المسؤولية
ربي يوفقكم و يوفقنا ادعيولي اخاوتي بالشفاء باش نبدا نقرا

عش حلمك · 2012-03-16, 11:26

والله غير عجبني العنوان عليها دخلت هههه

ثقة كيما هاذي ولالخللي

بربي ان شاء الله تديه وكيما حابوا انت

ربي يوفقك

حنا تاني بزاف روتار

oussama.w · 2012-03-16, 11:26

ايه ختي زيزو متأخرين بصح خير ليا كامل لخطراكش الليسي نتع من اعشر الاوائل في الجزائر واقدم ثانوية في الجنوب يعني يشووف ليا خنا في العتبة وبزيادة كاين لمتأخرين كثر منا

ختي زيزو حبيت نسقسيك اما ليسي تقراي في باتنة

oussama.w · 2012-03-16, 11:33

[quote=عش حلمك;9221252]والله غير عجبني العنوان عليها دخلت هههه

ثقة كيما هاذي ولالخللي

بربي ان شاء الله تديه وكيما حابوا انت

ربي يوفقك

حنا تاني بزاف روتار[/quot

نشالله ختي لينا كل

من اما ولاية نتي
واش هي الدروس لحبستوو فيها

zizou93 · 2012-03-16, 11:50

اقتباس:

المشاركة الأصلية كتبت بواسطة oussama.w

ايه ختي زيزو متأخرين بصح خير ليا كامل لخطراكش الليسي نتع من اعشر الاوائل في الجزائر واقدم ثانوية في الجنوب يعني يشووف ليا خنا في العتبة وبزيادة كاين لمتأخرين كثر منا

ختي زيزو حبيت نسقسيك اما ليسي تقراي في باتنة

مانيش من الولاية بالضبط انا من ضواحيها المعذر(الله يحفظها)