طلعولي المورال

زهور الياسمين · 2012-03-15, 19:17

السلام عليكم اخوتي

سأطرح موضوعي هنا لعل و عسى اجد من سيقف بجانبي في هذه المحنه

مشكلتي اني اعمل و اتعب و اضحي لكن بدون مقابل

لا انال مرادي و لا انال النقطه التي تكافئ تعبي مللت من هذا الوضع

زملائي بالصف تحصلو على نتائج مرضيه مقارنه بنتائجي و تعبهم لا يكافئ تعبي و انا متأكده لذلك

لم اعد استطيع التحمل

فعلا اليوم كان اسوء يوم في حياتي

ذقت فيه مراره الفشل

و طعم اليأس

فقد انهارت احلامي امام عيني

كيف لي ان اطمح لملاقاة رئيسي بهذا المعدل و بهذه الحاله

لم اعد اتحمل بكيت تم بكيت و لم ينفعني البكاء

فضلت ان تبتلعني الارض على ان ارى ضحكات زملائي علي

اخوتي في الله مورالي راه 0

اتوسل اليكم ساعدوني

فعلا انا في حاله يرثى لها

لا تتركوني اعاني

ٵڶقًـ۾ًـږღٵڶڝۼےـړ · 2012-03-15, 19:25

ختيتو ؟ ،، شوفي مليح ،، بدلا ما تقعدي هكدا و المورال حابط ،، و الأصح أن تبحثي عن الخلل و تبدئي مباشرة في تصحيحه

داكوردو ؟

نبداو ؟ طليتي على bultin ديالك ؟ وين صبتي النقص ؟ وش من مادة حبطاتك ؟

بينك و بين روحك ؟ حضرتي لهاد المادة كيما يلزم ؟ كنتي تحضري شكلا و مضمونا مع البروف كي يكون يشرح ؟ و لا غير شكلا ؟

كنت تريفيزي الدروس لي تقراوهم ؟ و لا تخلي ؟

كي تجيك question في بالك ؟ تطرحيها و لا تبقاي حشمانة ؟ و لا تقولي ميهمنيش ؟

راجعلي روحك ختي ،، و ابداي مع روحك ،، و استغلي وقتك ،، ابداي من دوك في تصحيح الخلل

احكي ختيتو و راني هنا ،، pttr راكي تقولي دوكا في بالك كملت عليا هادي ههه

لالا المتل يقولك ،، لا يفل الحديد إلا الحديد

بانتظآركـ

ازهار الربيع18 · 2012-03-15, 19:27

سلام

مادريش في بالك اختي هاذ الامتحانات فصلية
وما تقدريش تقولي علي نقاط تاعها زعما رسمية وحقيقية
بلاك الاستاذ يقيم التلميذ على مجهودو في القيم بلا الورقة

***************
المهم

ثقي بالله وادعيه للنجاح
وعليك ايضا بالدعية والصلاة

وربي ينجحك

وينجحنا كاااااااااااااااااااااامل

ازهار الربيع18 · 2012-03-15, 19:28

خاوتي انا تاني حااابة اللي عوني في القراية

اذا توافقوني اللي يمر من هاذي الصفحة

نتعاونو نديرو توقيت نراجعو بيه للعطلة
واش رايكم؟

bugatti veyron · 2012-03-15, 19:31

السلام عليك الاخت زهور الياسمين انا كذلك مرت عليا هذه المرحلة سوف اساعدك في محنتك بعون الله الاخت يجب عليك ان لا تتعبي نفسك نظمي وقتك واعمل وكانك بدأت الان ايام العطلة قمي بلحفظ المواد الادبية وكذلك المراجعة صباحا هي سر النجاح + الصلاة اولا الاخت لا تياس ابدا مدمت على قيد الحياة فكم من انسان فشل ولكن نجح تذكري قصة المخترع طوماس اديسون 999 محاولة ولكن لم يفقد الامل حتى وجد نجاحه واخترع المصباح هذه هي الحياة فشل ونجاح مع تحياتي لك الاخت

kamela · 2012-03-15, 19:46

اختي زهور
بالعكس في الحق بعدما شفتي مرارة الفشل
يلزم متقوليش مليت و تعبت و ما صرا والو
يلزم تنوضي و تبداي من جديد مزال الحال استغلي هذه العطلة
في مراجعة كل مادة كانت سبب في تراجع معدلك
كيما قال الاخ من قبيل

و نزيدك حاجة
تفشلي و تديري les fautes ضروك خير من في الباك
و نزيد نعاودهالك الباك هو الصح
الاختبارات مجرد اختبار ههه لي فيه تكتشفي اخطائك و تصحيهم

طلعي المورال و متخليهش يهبط بسبب المعدل
و لي تعب ربي ميخيبوش
puis le bac c'est le fruit des efforts

و لبنات لي راكي تقولي يضحكوا انا هاذو منسميهمش صحابات
لانو الصحبة تبان في وقت الشدة
و ما يحس بالجمرة غير لي كواتو
ايا اختي طلعي المورال شوية و ابداي من غدوة ان شاء الله استرجعي كل نقائصك و صحيهم
راني طولت في كلامي تبقاي على خير

lona-99 · 2012-03-15, 19:50

صح هو الباك

زهور الياسمين · 2012-03-15, 19:55

اقتباس:

ختيتو ؟ ،، شوفي مليح ،، بدلا ما تقعدي هكدا و المورال حابط ،، و الأصح أن تبحثي عن الخلل و تبدئي مباشرة في تصحيحه
داكوردو ؟
نبداو ؟ طليتي على bultin ديالك ؟ وين صبتي النقص ؟ وش من مادة حبطاتك ؟
بينك و بين روحك ؟ حضرتي لهاد المادة كيما يلزم ؟ كنتي تحضري شكلا و مضمونا مع البروف كي يكون يشرح ؟ و لا غير شكلا ؟
كنت تريفيزي الدروس لي تقراوهم ؟ و لا تخلي ؟
كي تجيك question في بالك ؟ تطرحيها و لا تبقاي حشمانة ؟ و لا تقولي ميهمنيش ؟
راجعلي روحك ختي ،، و ابداي مع روحك ،، و استغلي وقتك ،، ابداي من دوك في تصحيح الخلل
احكي ختيتو و راني هنا ،، pttr راكي تقولي دوكا في بالك كملت عليا هادي ههه
لالا المتل يقولك ،، لا يفل الحديد إلا الحديد
بانتظآركـ

اهلا اختي
وش نقولك فرحتني كلماتك
ايه شفت الكشف و راه اعمل على تصحيح الاخطاء هذ العطله ان شاء الله
و الله يا اخت سهير حظرت كاما يلزم الحال كل ماده مديتلها حقها و اهتميت بيهم كامل
نحظر الدروس و نفهم و نستوعب عادي
نحل تمارين و نتناقش مع الاستاذ كيما نفهمش
لا اختي بالعكس اسعدني تواجدك بقربي

صدق من قال ان الاصدقاء هم من لم تقابلهم في حياتك

شكرا لك غاليتي

زهور الياسمين · 2012-03-15, 19:57

اقتباس:

مادريش في بالك اختي هاذ الامتحانات فصلية
وما تقدريش تقولي علي نقاط تاعها زعما رسمية وحقيقية
بلاك الاستاذ يقيم التلميذ على مجهودو في القيم بلا الورقة

***************
المهم

ثقي بالله وادعيه للنجاح
وعليك ايضا بالدعية والصلاة

وربي ينجحك

وينجحنا كاااااااااااااااااااااامل

شكرا لك اختي الغاليه
جزاك الله خيرا
ردك رفع معنوياتي

اقتباس:

خاوتي انا تاني حااابة اللي عوني في القراية

اذا توافقوني اللي يمر من هاذي الصفحة

نتعاونو نديرو توقيت نراجعو بيه للعطلة
واش رايكم؟

ايه فكره مليحه ان شاء الله نكون متوا جده

المُـسْتَحِيـلْ · 2012-03-15, 20:00

اللهم وفقنا أجمعين ،

سؤال على الهامش : هل هناك دروس دعم عندكم في الثانويةفي العطلة ؟؟

زهور الياسمين · 2012-03-15, 20:01

اقتباس:

السلام عليك الاخت زهور الياسمين انا كذلك مرت عليا هذه المرحلة سوف اساعدك في محنتك بعون الله الاخت يجب عليك ان لا تتعبي نفسك نظمي وقتك واعمل وكانك بدأت الان ايام العطلة قمي بلحفظ المواد الادبية وكذلك المراجعة صباحا هي سر النجاح + الصلاة اولا الاخت لا تياس ابدا مدمت على قيد الحياة فكم من انسان فشل ولكن نجح تذكري قصة المخترع طوماس اديسون 999 محاولة ولكن لم يفقد الامل حتى وجد نجاحه واخترع المصباح هذه هي الحياة فشل ونجاح مع تحياتي لك الاخت

جزاك الله خيرا اخي الكريم فعلا كنت بحاجه لمتل هده الكلمات
ساعمل بنصائحك
موفق ان شاء الله

زهور الياسمين · 2012-03-15, 20:04

اقتباس:

اختي زهور
بالعكس في الحق بعدما شفتي مرارة الفشل
يلزم متقوليش مليت و تعبت و ما صرا والو
يلزم تنوضي و تبداي من جديد مزال الحال استغلي هذه العطلة
في مراجعة كل مادة كانت سبب في تراجع معدلك
كيما قال الاخ من قبيل
و نزيدك حاجة
تفشلي و تديري les fautes ضروك خير من في الباك
و نزيد نعاودهالك الباك هو الصح
الاختبارات مجرد اختبار ههه لي فيه تكتشفي اخطائك و تصحيهم
طلعي المورال و متخليهش يهبط بسبب المعدل
و لي تعب ربي ميخيبوش
puis le bac c'est le fruit des efforts
و لبنات لي راكي تقولي يضحكوا انا هاذو منسميهمش صحابات
لانو الصحبة تبان في وقت الشدة
و ما يحس بالجمرة غير لي كواتو
ايا اختي طلعي المورال شوية و ابداي من غدوة ان شاء الله استرجعي كل نقائصك و صحيهم
راني طولت في كلامي تبقاي على خير

شكرا اختي كميله ربي يخليك راكي ساعداتيني و الله معنوياتي تحسنت الان

شفتي الصحبه تع هد الزمان
ربي يهديهم ان شاء الله
ستكون انطلاقه نحو النجاح باذن الله

ربي يوفقك و يخليك يا غاليه

زهور الياسمين · 2012-03-15, 20:07

اقتباس:

صح هو الباك

نعم اختي معك حق

اقتباس:

اللهم وفقنا أجمعين ،

سؤال على الهامش : هل هناك دروس دعم عندكم في الثانويةفي العطلة ؟؟

لا اخي ما عندنا لا دروس دعم ولا هم يحزنون
لي يحب يقرا يقرا بالدراهم

الله يهديهم و هذا كمان

zizou93 · 2012-03-15, 20:08

اقتباس:

المشاركة الأصلية كتبت بواسطة المُـسْتَحِيـلْ

اللهم وفقنا أجمعين ،

سؤال على الهامش : هل هناك دروس دعم عندكم في الثانويةفي العطلة ؟؟

واش راح نقولك الاسبوع الاول عدنا حصص اضافية من بعض الاساتذة باش نمشيو شوية فالبرنامج و الاسبوع التاني فيه ليكور مافهمتش كيفاه راح ندير العطلة هاذي راحت خلاص ربي يستر

ٵڶقًـ۾ًـږღٵڶڝۼےـړ · 2012-03-15, 20:15

اقتباس:

المشاركة الأصلية كتبت بواسطة زهور الياسمين

اهلا اختي
وش نقولك فرحتني كلماتك
ايه شفت الكشف و راه اعمل على تصحيح الاخطاء هذ العطله ان شاء الله
و الله يا اخت سهير حظرت كاما يلزم الحال كل ماده مديتلها حقها و اهتميت بيهم كامل
نحظر الدروس و نفهم و نستوعب عادي
نحل تمارين و نتناقش مع الاستاذ كيما نفهمش
لا اختي بالعكس اسعدني تواجدك بقربي

صدق من قال ان الاصدقاء هم من لم تقابلهم في حياتك

شكرا لك غاليتي

و بيك ختيتو ،، الله يخليك

ا
بلامزيتي ،، من واجبي ،، مام انا كنت مش مليحة هاد لعشية و مش على جال القراية و لا النتائج ،، اسباب أخرى

المهم الحمد لله كي ماكاش le defaut فالفهم و لا الاستيعاب ،، ربي و رحمتو كي راكي تريفيزي و ماشية مع البروجرام

المشكل دوك فالاجابة كيفاش ،، ادا كان الخلل فالمنهجية و الاستاد ينقصلك على جالها ،، حاولي تتصلي بالاستاد

هو المعين الوحيد و القادر باش يشرحلك كيفاش تستغلي المعلومات لي قريتيهم و توظفيهم على الورقة ,, متفاهمين ؟

ادا معندكش هنا خلل ،، تاني راجعي مع الاستاد ،، بالاك تكتشفي عفايس خرين ،، ماكي خاسرة والو ؟ ها ؟

و المشكل التاني ،، يمكن فوقت الاختبار ، تتخلعي ؟ تتشوكاي ؟ تنساي كلش يمجرد تتحطلك الورقة ؟

راو جاي bac blanc و هو احسن و انسب اختبار تسيي فيه قدراتك و تاني تتغلبي على مخاوفك و تدوقي طعم اختبار البكالوريا بالتالي تتعودي عليه ؟

قوليلي ادا صبتي الخلل وين راهو ولا مازال ؟

و اسمحيلي خرجت قبيلتا ،، كنت لازم نروح نتعشا فالوقت سينو تدير حالة ماما ههه