كارثة

meriem 14 · 2012-03-14, 17:24

كيف حالكم اتمنى ان تكونو في احسن حال علابالكم قسمنا فيه 42 تلميذ في الثلاثي الاول نجحو 26 ومانجحوشي 16 وفي الثلاثي الثاني تعكست الحالة وعدنا في سقوط حر عدد الناجحين 16 والي ماش ناجحين 26
ومعدل القسم 10.00
والاساتذة راهم يشكو منه دايما وقالولنا راهو الي مانجحش في اخر العام باش يطردوه من المدرسة ومايخلوش يعاود السنة
واستاذة التربية الاسلامية تاعنا كاين مرة طردت طفل من الحصة قاللها مانخرجش خرجت هي لحقها الطفل وجات وماشرحتناش درسين كاملين كتبناهم برك
قسمنا راهو كارثة وفيه غير 5 يخدمو برك اصبح التلاميذ النجباء يدفعون ثمن اخطاء المشاغبين ما رأيكم في هذا ؟؟؟؟؟؟؟

lamismissa · 2012-03-14, 17:31

raby y3awenkoum isbri dok yeji nhar we tata3del l7alla

عَتْمَـہとか · 2012-03-14, 17:33

كآآآآآرثة صـــ ح!!!!

ربي يستركم

old young miss · 2012-03-14, 17:56

واش نقولك ختي
ربي يعاونكم
la verité أحنا افضل الاقسام
رانا خير من الاقسام الاخرى لي حالتها مثل حاللتكم بالضبط
واش راح ديري ؟
لوكان شفتي في الديبو باه تتحولي
مي معليش
كملي هاذ الفصل و العام الجاي ان شاء الله ربي يعمل التاويل
ايا تهلاي في روحك و ماتتقلقيش

meriem 14 · 2012-03-15, 16:22

شكرا على الردود المشجعة
واش راح نديرو رانا صابرين

✿❀سًجّْـدًةْ خٌشٌـوُعٍـ ❀✿ · 2012-03-15, 16:38

هذه لسوء الحظ حالة الكثير من اقسام المؤسسات الجزائرية ربي و انا في رايي هذا ظلم علاش الناس اللي حابة تقرا تخلص و تدفع ثمن اللي ما يحبوش يقراو ربي يكون معاكم و يهدي الجميع

ارض الكرام · 2012-03-15, 18:38

ااااااااااااااااااااااااه راهم يدوخوا راني معاك وعارفة كلش يا مريم
هاو مكتوبنا من اول العام قلتلك بدلي وما خاضيتيش رايي وشراح نديروا

تشاااااااااااااو

مع تحيات الحزينة

biba_g · 2012-03-15, 18:42

الله يبارك راكم هايليين حنا حتى المعدل ماعندناش على حساب الشوفة
الثلاثي الثاني دائما ما تكون فيه نسبة التلاميذ الذين ينزلون من مستواهم كبيرة

chems dhia · 2012-03-15, 18:45

لاااااااااااااااااااا ليس هكذا اصبروا وانتم عندكم الحق بش تهدروا مع احد المسؤولين في مؤسستكم عندكم حلووول حاولو

مصطفى متميز · 2012-03-15, 19:02

حنا فاني ندفعوا أخطاء المشاغبين

الوردة الحسناء · 2012-03-15, 21:21

و الله اختي يقولو الجمرة ميحس بيها غير لي عافسها و انا عفستها انا في نفس المشكل الي انتيا واقعا فيه و حتى في المجالس خبرتنا استاذة الفرنسية انو المدير اول مابدا بقمسنا حي التلاميذ انجباءا لاوال الثلاثة الي قدرو ياخذو كل من الرتبة 2 و 4و 6 على مستوى لولات احنا في هدا لفصل كسرانا كراسي القسم مرتين و في المرة الثانية قبل الاختبار خلونا السمانة الي قبل لاختبار قسم متنقل و كي منلقوش منقروش و طيحو السبورة و قسمنا بحدا الرقابة و ديما الغاشي بحداه يقلقونا و العناصر المشاغبة الي فيه على العموم صاير فيا شي عظيم

maissouma · 2012-03-15, 21:53

bén hnaya rana ktér manekoum tjjr probléms m3a lé profs w ila machi m3a lé profs m3a lé surveillant hatta dirécteur w dkhel fi l'affaire rahi mkhalta w nchallah tessleek 3la khiir

*(بحر ثاااائر)* · 2012-03-15, 22:00

السلام عليكم
هذه حالة الكثير من الأقسام
وكأنك تتكلمين على قسم 2 آف الذي يدرس عندي...!

{ توبة } · 2012-03-16, 09:58

السلام عليكم
و الله كأنـــــك واحدة من كلاستـــنا
رانا نفس الشيء
الاقسام كامل معدلاتهم رائعة
وز حنا الاساتذة تاعنا ينتاقموا
و معدل القسم 9
ربي يفرج علينا

meriem 14 · 2012-03-16, 10:00

شكرا على ردودكم المميزة ربي يجيب الصبر وخلاص
هادي الحالة الكارثية تاع المدارس الجزائرية