**البراج بطريقتنا**

بسمة محبة · 2012-03-05, 12:30

السلام عليكم و رحمة الله و بركاته

جبتلكم اليوم البراج على الطريقة الأصلية

*3كيلات تشيشة رقيقة +
*1 كيلة مخلطة زبدة + القليل من الزيت كي تحافظ على شكلها+
نخلطهم جيداااااا مع بعض و نتركها ترتاح مدة يوم كامل . نغطيها و نخليها بجيه أو في الثلاجة في الغد نكمل العملية.
* نضع الماء + قشور البرتقال + الملح في كاسرونة و نسخنهم حتى يرجع لون الماء برتقالي ننزعو من فوق الانر و نزيدلو ما الزهر و منقوم بتبليل العجينة و ماتدلكيهاش فقط مثل المقروط غير لميها برك حتى تتماسك.

*قبل ماتبليها انزعي قيس حفنة تشيشة وخليها بجيه

* من جهة أخرى حضري الغرس زيديلو القليل من الزيت و القرفة و أعمليه دائرة صغيرة
* قسمي عجينتك أيضا الى اثنين و رشي فوقها التشيشة لي خليتيها من قبل و مري بيدك حتى تمتصها كل العجينة حطي طبقة عجين ثم طبقة غرس ثم طيقة العجين و قرصيها حتى تصبح بالسمك لي تحبيه.
* قطعيها الى مقروطات .
* بالنسبة للطاجين لي رح طيبي فيه خذي طاجين المطلوع أو أي طاجين خشين يكون عندك ثم حطي فوقه طاجين لي طيبي فيه الكسرة يعني لازم يكون 2 طبقات باش مايحرقهالكش و طيب حمرة كامل
سخنيه ثم هفتي النار و حطي الحبات و رح يحمارولك روعة لكن يطولو قليلا لكن نتيجتهم رائعة

ان شاء الله نكون أفتكم و عجبتكم طريقتنا

سلام.

mokky12 · 2012-03-05, 12:36

اختي هده طريقتنا هكدا نديروها
بصح باين عليهم هايلين ممكن ناكل حبة ركي سخفتني
يعطيك الصحة
تحياتي

الصوامعية · 2012-03-05, 12:39

يعطيك الصحة يشهو

بسمة محبة · 2012-03-05, 12:48

اقتباس:

المشاركة الأصلية كتبت بواسطة mokky12

اختي هده طريقتنا هكدا نديروها
بصح باين عليهم هايلين ممكن ناكل حبة ركي سخفتني
يعطيك الصحة
تحياتي

ههههههه رانا من جيهة وحدة هههه على جال هديك لي راهي طريقة وحدة

اهلا بيك الصحن كلو تحت أمرك مش خسارة في أختي

الله يسلمك

شكراا على المرور الطيب.

سلام.