مشكلة لـم أجـد لها حلاً !

RIQUELMISTA+1 · 2012-03-02, 20:26

سلام الله عليكم ..
و أرجوا أن لآ يكون موضوعي كـ سآبقه من حيث المشآركة

أنا رجل و يــُقال أني أعزب :d .. خـدام و الحمد الله .. و قآصد لحـلآل "زوآج"

مي والله أني في مشكـل و قـد ما فكرت مالقيـتلو حـــــل

أنا نسكن في ولآبة "أ" و قآصد نخطب وحـدة و تسكن في ولآبة خلآف

بعيدة علي شوية ..

أنا نعرفها و سقسيت عليها .. حـآب نخطبهـا "عن قريـب"

نجعلوها هي قبلت ؟

مي الأهــــل تاعها كيفآه يقـبلوا .. و هوما مايعرفونيـش كآمل

لـ أنو لآ قرآبة و لآ معرفة بيني و بينهم .. و حتى هي "مايروح عقلكم لـ بعيد:d"

كيفـآه يسقسوا علي + كآين أمـل فـ مثل هاذ الحآلة و لآ لآ ؟

الله يرضى عليكم لي عندوا افآدة مايبخلني

و أجركم على الله

ام ظافر · 2012-03-02, 20:41

ما تخاف ماوالو
الان راهم يمدو بناتهم للخارج ماشي غير في الوطن المهم الراجل يكون خدام وولد فاميلا ويسعد بنتهم
ناس بزاف عاد يهمها الهناء وين ما كان واكيد راح يسالو عليك حتى ولو اضطرو يسافرو لولايتك ويبحثو على واحد يكون يعرفك ويسولو عليك وما تدريش المكتوب ممكن واحد من معارفهم يطلع يعرف ناس من ولايتك ويعطيهم معلومات عليك الدنيا الان راهي صغيييرة
انت انوي وقول بسم الله وتفائل خيرا تجده وربي يكملك بالخير

RIQUELMISTA+1 · 2012-03-02, 20:50

اقتباس:

المشاركة الأصلية كتبت بواسطة ام ظافر

ما تخاف ماوالو
الان راهم يمدو بناتهم للخارج ماشي غير في الوطن المهم الراجل يكون خدام وولد فاميلا ويسعد بنتهم
ناس بزاف عاد يهمها الهناء وين ما كان واكيد راح يسالو عليك حتى ولو اضطرو يسافرو لولايتك ويبحثو على واحد يكون يعرفك ويسولو عليك وما تدريش المكتوب ممكن واحد من معارفهم يطلع يعرف ناس من ولايتك ويعطيهم معلومات عليك الدنيا الان راهي صغيييرة
انت انوي وقول بسم الله وتفائل خيرا تجده وربي يكملك بالخير

طلعتيلي المورآل .. ربي يحفظك أختي ..

قليل وين يجيني تخمام كيما هذا فـ رآسي .. و دايمن المورآل في الحضيض

كي نتفكر العكس

يعني .. ممكن تكون عايلة ما تحب تمد بنتها لـ وآحد برآني " غريب " عليها

على هآذي لي قلقآان ..مي كلآمك يريح لبآل

+

مي كيفآه يسقسو عليك .. لمازالت محيرتني

رغم أنو بين الولآيتين ..

سآعتين في طريق "نورمرمو ماشي بعيدة بزآف و لآ ؟"

ربي يهنيك ختي ..

محمد جديدي التبسي · 2012-03-02, 21:16

أخي الفاضل ... لا عليك أبدا

انت المهم عندما تذهب لتخطب فخذ معك أحد من كبار عائلتك ومن له هيبة بين الناس وما يكون غير الخير بإذن الله

وبما أنك تعرف الفتاة وهي راضية بك فعليها أن تخبر والدتها وتحضّر كل الأمور وتخبر والدها أيضا

وربما لو تتصل أمك أو أختك بالفتاة وأمها لتحضير كل الأمور وجس نبض أولياء الفتاة

ربي يوفقك أخي والمهم أن تكون نيتك صادقة ما يكون إلا ما يُسعدك

hydraulique51 · 2012-03-02, 21:23

عادي انت دير الواجب وروح وريهم روحك وتناقش معاهم ومن بعد جيب اهلك
وان شاء الله يكون غير الخير
وهوما يحوسوا عليك
كاين بزاف حالات بحال هدي وحكمت نورمال واعطاهم الاهل البنت نورمال
كيما يقولوا " وجه الخروف معروف "
ربي يسهل يا خويا

RIQUELMISTA+1 · 2012-03-02, 21:24

اقتباس:

المشاركة الأصلية كتبت بواسطة محمد جديدي التبسي

أخي الفاضل ... لا عليك أبدا

انت المهم عندما تذهب لتخطب فخذ معك أحد من كبار عائلتك ومن له هيبة بين الناس وما يكون غير الخير بإذن الله

وبما أنك تعرف الفتاة وهي راضية بك فعليها أن تخبر والدتها وتحضّر كل الأمور وتخبر والدها أيضا

وربما لو تتصل أمك أو أختك بالفتاة وأمها لتحضير كل الأمور وجس نبض أولياء الفتاة

ربي يوفقك أخي والمهم أن تكون نيتك صادقة ما يكون إلا ما يُسعدك

يعطيك الصحة على رد خـُو

ممكن تزيد تشرحلي هآذ النقطة الله يرضى عليك

~~nilly~~ · 2012-03-02, 21:37

صح دركا الاهل يمدوا بناتهم للماهجرين في الخارج بصح الاهل يعرفوهم يعرفوا اصلهم وفصلهم . وليد بلادها يعني بصح مهاجر في الخارج.
اما عن حالك يااخي على مااظن صعيب شوي على الاهل اخطر مايعرفوكش . انت روح تخطبها ورب يعمل تاويل.

nouna-12 · 2012-03-02, 21:41

عادي راهم من الشمال يجووا يخطبوهم من الجنوب و يمدوهم
ممكن اهلها يجوا لمنطقتك و يسقسوا عليييك
يلا راهي مكتوبتلك ياو لوكان عشريين بحر و تديها غير هي
ربي يسهلك و يوفقك
و دير فييها النية لانها يلا كانت مكتوبك غادي تكون بعييدة و غريبة علي اهلها
بالتوفيق

RIQUELMISTA+1 · 2012-03-02, 21:52

اقتباس:

المشاركة الأصلية كتبت بواسطة nilly

اما عن حالك يااخي على مااظن صعيب شوي على الاهل اخطر مايعرفوكش.

صعيبة ؟؟؟؟

ربي يسهلها ان شاء الله .. ممكن انتي تحكي على لوآقع ..

و انا قاعد غير نتمنى ..

chahrazed-m · 2012-03-02, 22:00

السلام عليكم
يا اخي ماهي صعيبة ما والو
رانا نشوفو فيهم يزوجو بناتهم لولايات بعيدة ب 12 ساعة ماشي غير ساعتين و3
انت دير خطوتك ودير لي عليك
وما يكون غير الخير
واذا راهي من مكتوبك راح تكون ليك
ربي يكملك ويهنيك

z.abdo · 2012-03-02, 22:03

والله غير عادي خلاص المهم انت تكون واجد وهي تكون قابلة وانت تكون مسؤول وصريح معاهم في كل شيء

النجمة القطبية · 2012-03-02, 23:12

انت قلت الفرق بين الولايتين مش بزاف يعنى ساعتين سير برك
ربى يوفقك

myliss · 2012-03-02, 23:22

عليك بالدعاء واتكل على الله والله يعينك و سترى ربي يسهلهالك متخاف ما والوا بادن الله

achwak.1993 · 2012-03-03, 02:48

خويا العزيز روح وما تخافش
اللي مكتبها ربي هاذيك هي

ام رحوقة · 2012-03-03, 08:28

ان شاء الله ربي يسهلك الزواج هذا ويباركلك فيه
هل المراة قابلة؟
اذا كانت هي موافقة فقد ضمنت نصف الجواب
وعليك باخذ احد رجال اعائلة الموقرين والاب وتروحو تخطبوها وتفهمهم قوللهم نعطيكم عنواني وعنوان العمل تاعي وروحو اسالو عليا كما تحبو
كل الناس راهم يديرو هاك
وربي يوفقك