مشاكلي لي ما تفضش مع خطيبي

2012-02-05, 20:50

مساء الخير
حبي نطرح عليكم مشكلتي او بالاحرى مجموعة مشاكلي مع خطيبي اللي مش رايحة تخلاص
اولا انا تخطبت لانسان عشت معاه قصة حب اكثر من سنة و الحمد لله سهلت الامور و جاب دارهم
قبل فترة ما يجو يخطبو بدا يزير في معاملاتو معايا ولا ما يخلينيش نخرج وحدي و يقلي لازم تدي وحدة معاك و كي يلقاني نحكي في تلفون يتقلق و ما يحبش يفهم حتى ان كنت نحكي مع اختي ولا صحبتي
و اللي تزيد تقتلني انو خواتاتو مش حاكم فيهم و دايرين رايهم و انا دير فيا الراي
سوايع نجي نقلو شوف خواتاتك واش راهم يديرو و مبعد نولي نتعوذ من الشيطان الرجيم و نقول كل شات ملقة من عرقوبها لكن تصرفاتو تقتلني
يعني اذا من ظرك هكا مالا مور الزواج واش يصرا؟؟؟
و الادهى وا لامر انو عصبي بزااااااااااااااااااااااااااااااااااااااااااف لكن بالمقابل قلب ابيض بزاااااااااااااااااااااف
شورو عليا ربي يخليكم

janino · 2012-02-05, 22:17

اختى اسعيذى بالله من الشيطان الرجيم هذا خطيبك يعنى زوج المستقبل من حقوا يخاف عليك لانه ليس بالرجل الديوث

هدايات26 · 2012-02-05, 22:57

يا بنيتي راكي قلتيها بنفسك عصبي وقلب ابيض بزاف.......ماهيش مشكلة. المشكلة الحقيقية انك كنت حابة تقوليلو .كذا وكذا على خواتاتوا.برايي انت لم تفهمي خطيبك رغم معرفتك به.اذا كان صحيح ماقلته لربماهو يخاف ويغار عليك ولا يريد ان يقول عنك احد ما تقولينه الان عن اخواته.ولربما تصرفات اخواته هي السبب في عصبيته خصوصا اذا كان لايملك حق التدخل وهذا موجود في العديد من الاسر ا لوالدين يمنعون الاخوة الذكور من التدخل في البنات........وممكن اخواته ايضا يقولولو احكم في خطيبتك..خذيها نصيحة مني واعتبريها نصيحة ام لابنتها اتبعي خطيبك. حاولي الابتعاد عن ما يكره وافعلي ما يرضيه مادام لم يطلب منك المستحيل..ابدئي. اول خطوة بعدم الخروج لوحدك بما انه يكره ذلك وسيقدر لك ذلك....ا..حافظي على القلب الذي كان صادقا معك.واستغلي بياضه لترسمي اجمل واسعد لحظات وجودك بحياته ...لا تتركي الشيطان منفذا بينكما ..اسال الله ان يجمع بينكما بالخير ويرزقكما حياة هادئة ليس فيها صخب الا صخب وصراخ الاطفال هههههههه.

السيدة كرمين · 2012-02-06, 05:43

تصرفاتوا نقدروا نقولوا عليها طبيعية وانتي من خلالها رح تعرفي حدود تصرفاتك وتعاملاتك بحيث بطريقة غير مباشرة راه يعرفك الخطوط الحمراء و الخضراء للمستقبل
بالنسبة لخواتاتوا باباهم لي حاكم فيهم مشي هو وغدوة ازواجهم أما انتي هو للي يحكم فيك هكذا راح يكون ردوا اذا طرحتي الفكرة واياك وطرحها لأنوا راح يفهم انك متعبة وراح تعيشيه في مقارنات غير منتهية

الله الموفق

2012-02-06, 20:29

اقتباس:

المشاركة الأصلية كتبت بواسطة هدايات26

يا بنيتي راكي قلتيها بنفسك عصبي وقلب ابيض بزاف.......ماهيش مشكلة. المشكلة الحقيقية انك كنت حابة تقوليلو .كذا وكذا على خواتاتوا.برايي انت لم تفهمي خطيبك رغم معرفتك به.اذا كان صحيح ماقلته لربماهو يخاف ويغار عليك ولا يريد ان يقول عنك احد ما تقولينه الان عن اخواته.ولربما تصرفات اخواته هي السبب في عصبيته خصوصا اذا كان لايملك حق التدخل وهذا موجود في العديد من الاسر ا لوالدين يمنعون الاخوة الذكور من التدخل في البنات........وممكن اخواته ايضا يقولولو احكم في خطيبتك..خذيها نصيحة مني واعتبريها نصيحة ام لابنتها اتبعي خطيبك. حاولي الابتعاد عن ما يكره وافعلي ما يرضيه مادام لم يطلب منك المستحيل..ابدئي. اول خطوة بعدم الخروج لوحدك بما انه يكره ذلك وسيقدر لك ذلك....ا..حافظي على القلب الذي كان صادقا معك.واستغلي بياضه لترسمي اجمل واسعد لحظات وجودك بحياته ...لا تتركي الشيطان منفذا بينكما ..اسال الله ان يجمع بينكما بالخير ويرزقكما حياة هادئة ليس فيها صخب الا صخب وصراخ الاطفال هههههههه.

شكرا لكي على الرد و ربي يخليك
بالنسبة لصخب الاطفال ان شاء الله ربي يلحقنا و يقدرنا

2012-02-06, 20:32

اقتباس:

المشاركة الأصلية كتبت بواسطة karmine30

تصرفاتوا نقدروا نقولوا عليها طبيعية وانتي من خلالها رح تعرفي حدود تصرفاتك وتعاملاتك بحيث بطريقة غير مباشرة راه يعرفك الخطوط الحمراء و الخضراء للمستقبل
بالنسبة لخواتاتوا باباهم لي حاكم فيهم مشي هو وغدوة ازواجهم أما انتي هو للي يحكم فيك هكذا راح يكون ردوا اذا طرحتي الفكرة واياك وطرحها لأنوا راح يفهم انك متعبة وراح تعيشيه في مقارنات غير منتهية

الله الموفق

ربي يخليك اختي و يهنيكم
شكرا على مورك و متابعة الموضوع

*ملاك الليل* · 2012-02-06, 23:10

هدي البداية مازال ماشي والو
مانيش نخوف فيك لكن نت لازم تعرفي تتصرفي معاه ومتخليش الامور البسيطة تولي مشاكل وتكرهلك حياتك
وخطيبك لوكان ماجاش يحبك ويعزك ويغير عليك مايدلكش هكا
كي قلك ماتخرجيش وحدك عندو الحق اختي الوقت راه مايرحمش
اما الهاتف انا نظن تنقصي الهدر في الهاتف لان الهاتف راه يسبب كثير مشاكل واقولها عن تجربة
اختي ماتوليش خطيبي راه متعبني لاني نظن ان تصرفاته جد جد جد طبيعية
انت حاولي تسيطري على الامور وماتخليهاش تكبر بالكلام الزايد
وبالنسبة لخياتو انت واش يهمك فيهم هوما تان دوك يتزوجو ويجي لي يحكم فيهم
استغفري و ربي يهنيك اختي

Amira Marame 09 · 2012-02-07, 16:11

اختي انا من رايي ما كلاه تهدريلو على خياتو لأنو مهما كان يقعدوا خياتو و راه تديري مشكل انت في غنى عنو
و قاع الرجال هكذا يبداو يحكمو باه يبينو روحهم و يقاك باه ما تسييش تسيطر عليا هي واليبب الاول هو الغيييييييييييرة و لوكان ما جاش يحبك ما يغيرش عليك و كي تولي عندو ان شاء الله راح يتبدل فهذا الجانب راني متأكدة لأن غيرتو راح تتبدل ماتبقاش هكذا "غيرة مجنونة و غير مفهومة" راح يدخل فيها العقل
و الصح كي قلبو ابيض
ربي يهنيكم

"فتحي02" · 2012-02-07, 17:15

اختي هو مسؤول عليك بصفتك زوجتو...اما خياتو فالمسؤول عنهن هو والدهن

المتوكل محمد · 2012-02-08, 03:12

زوجك يحبك ويغار عليك ويخاف عليك ...
و الافضل ماتخرجين وحدك ..
ولماذا لاتكونين أفضل من خواته ؟
حتى يحبكِ أكثر ..
وفقكم الله تعالى وهدانا وإياكم لكل خير ..

عبد العزيز البدري · 2012-02-13, 23:28

قالك الحاكم يخكم مرتو والعاطي يعطي بنتو