الدرس العشرون من دورة تعليم الحلويات

*أم كوثر* · 2012-02-25, 08:42

السلام عليكم و رحمة الله و بركاته
جربت فكرة و خرجت هاااايلة حبيت نفيدكم بيها
كانت عندي عجينة مورقة في التلاجة فاستغليتها و عملت منها
بيتزا حلوة

اليكموها
اولا نقطع حبات الفراز الة قطع صغيرة و حسب الحلاوة و الكمية نضيق السكر و نتركها ساعة في التلاجة حتى تطلق الماء تاعها

على جنب نحضر لاكريم باتسيير
نصف لتر حليب
100غ سكر
2 بيضات كاملين
فانيلا
60 غ نشاء
انا هنا استعملت نصف الكمية هدي
نخلط كلشي يارد في بارد بواسطة مضرب او باتور حتى تتجانس كل المكونات

و نحطها على النار حتى تعقد و نخليها تبرد جيدا

نرقق العجينة المورقة بسمك رقيق جدا و نقطعها مدورة و نثقبها جيدا وكاين فكرة اخرى نحط فوقها مول مدور بحيث كي تطيب تحافظ على شكلها وماتطلعش من الجوانب و نطيبها عادي و نخليها تبرد

ندوب شوكولا اي نوع و ندهن سطح الكيكة باه تبقى مقرمشة و نخليها تجف

لماتحف ندير فوقها كريمة الباتسيير و الباقي موضح بالصور

من لفوق برشت عليها شوكولا بيضاء

ولكم ان تتصورا الدوق الراااااائع
تحيتي ,,,,,لا تنسوني من صالح الدعوات

remadna · 2012-02-25, 08:50

يعطيك الصحة ام كوثر
صح تشبه البيتزا
تشهي
جعلها الله في ميزان حسناتك
قولي الفراز جديد تاع السوق؟ اقصد تاع البلاد؟

*أم كوثر* · 2012-02-25, 08:52

الله يسلمك اختي رماضنة
نعم الفراز تع السوق راه متوفر و هد كمية 3 حبات كبار فققط يعني غير مكلفة
نورتي

حلم جميل · 2012-02-25, 08:55

سبقتني رمضانة بصحتك
يعطيك الصحة ام كوثر تشهي

linat · 2012-02-25, 09:38

الله الله على التميز والابداع قمة الرووووعة ومنتهى السهولة ربي يبارك فيك ويحفظك حبيبتي ام كوثر

islam1aya · 2012-02-25, 09:46

مشاء الله على افكارك حبيبتي ام كوثر

ابداع وتميز الى مالا نهاية

كل مرة تقعدلي عجينة مورقة واكيد انجرب الفكرة الهايلة

جزاك الله خيرا عنا ويحفضلك الاولاد ويسخرلك زوجك يا رب