وصفات السلق

[zahia 28]

السلام عليكم حبيت نسقسي على كاش روسات تاع السلق أنا عندي لانيمي و قالولي سلق مليح كيفاه نديرو أرجو الرد و شكرا

[Best hope]

السلام عليكم ،
أولا ، ربي يشفيك
ثاني، صحيح السلق أو السبانخ من أفضل الخضار الغنية بالحديد إضافة إلى العدس ، و الكبد...
ولكن كلما طبختها نقصت فوائدها .
أحسن شي أنك تاكلها سلطة ، kama يمكنك عمل فطاير
+ ممكن تعملها مع بصل + سبانخ +بيض = أملات أو نفسها تعملها حشوة لفطاير .
ملاحضة: يمكنك تجميد فطاير السبانخ شهر في المجمد .

[الصوامعية]

ربي يشافيك أختي
تقدري ديري بيهم بيتزا بالسلق مع بيض والطن أو بوراك بالسلق أو سلاطة

[حياة نور الدين]

اهلا اختي بالشفاء عليك ان شاء الله انا نمدلك وصفة رائعة وصدقيني لذيذة
اولا اغسلي السلق وفوريه وقطريه مليح بعدها ضيفيلوا حبة بيض (حسب كمية السلق) + كمون+ كاس ارز طايب صغير + ملح+ بصل ومغرف فرينة تقليه خبزات صغار مثل المعقودة
بعدها تحضري الصلصة العادية بالثوم والطماطم والملح والفلفل الاسود وكي يطيب خبزات السلق نفرغوا فوقهم الصلصة صدقيني هايلة

[zahia 28]

المشاركة الأصلية كتبت بواسطة best hope

السلام عليكم ،
أولا ، ربي يشفيك
ثاني، صحيح السلق أو السبانخ من أفضل الخضار الغنية بالحديد إضافة إلى العدس ، و الكبد...
ولكن كلما طبختها نقصت فوائدها .
أحسن شي أنك تاكلها سلطة ، kama يمكنك عمل فطاير
+ ممكن تعملها مع بصل + سبانخ +بيض = أملات أو نفسها تعملها حشوة لفطاير .
ملاحضة: يمكنك تجميد فطاير السبانخ شهر في المجمد .

امين ان شاء الله ربي يشافي كل مريض و الله تقول طليتي على قلبي انا تاني قلت ناكلو سلطة شكرا على المرور

[zahia 28]

المشاركة الأصلية كتبت بواسطة الصوامعية

ربي يشافيك أختي
تقدري ديري بيهم بيتزا بالسلق مع بيض والطن أو بوراك بالسلق أو سلاطة

تسلمي حبيبتي ان شاء الله نجربهم شكرا على المرور

[zahia 28]

المشاركة الأصلية كتبت بواسطة حياة نور الدين

اهلا اختي بالشفاء عليك ان شاء الله انا نمدلك وصفة رائعة وصدقيني لذيذة
اولا اغسلي السلق وفوريه وقطريه مليح بعدها ضيفيلوا حبة بيض (حسب كمية السلق) + كمون+ كاس ارز طايب صغير + ملح+ بصل ومغرف فرينة تقليه خبزات صغار مثل المعقودة
بعدها تحضري الصلصة العادية بالثوم والطماطم والملح والفلفل الاسود وكي يطيب خبزات السلق نفرغوا فوقهم الصلصة صدقيني هايلة

هادي تاني وصفة روعة تسلمي حبيبتي نجربها بربي ان شاء الله

[شمس 15]

recette sahla wa sihia.khodi salk fawrih bechwiya milh .khodi makla diri chwiya thoum skarfjih +milh+tomate puree +falfel akhal+zayte hamsih chwiya manbaad diri assalk dialek lamfaoar wa m3ssour mlih wa hamssih fi makla dialek maa tomate ki yathamesse kassri alih bayd{oeuf} wallah bnine khfif sihi.
assamhili andi clavier francais ci pour ca katabtlek hagda ida ma fhamtiche haja kolili rabi yachfik w yachfi kol el marda amine ya rab.

[بشرى2008]

المشاركة الأصلية كتبت بواسطة zahia 28

السلام عليكم حبيت نسقسي على كاش روسات تاع السلق أنا عندي لانيمي و قالولي سلق مليح كيفاه نديرو أرجو الرد و شكرا

بما انو عندك الانيمي علاش متديريش العدس تحمصيه فى المقلى وترحيه بودرة اومبعد تضيفيلو العسل الحر شرط العسل الحر وفي كل صباح قبل القهوة تاكلي مغرف ولا زوج انا نعرف ناس بزاااااف جربوها وكانت النتيجة راائعة

[janino]

اولا اختى ربى يجيبلك الشفاء هذه الكيفية
درتها عندها 3 ايام و هى لذيذة جدا يقدرو يكلو معاك كامل العائلة
اولا بعد ما تغسليه مليح نحى الاغسان الخشينة افرميه يالسكين غذى مقلة حطى الزيت ضفى البصل لما يتقلى ضفى الثوم و قلى ضفى ملح و فلفل اسود و خليه حتى يذبال الا عندك لحم مفروم تقدرى تضيفيه لم ينشف الخليط من الماء اتركيه خدى البطاطا على حسب افراد العائلة قشريها و رابيها فى لاراب الخشينة ضفى الثوم المفروم كسبر فلفل اسود ملح و كمون و خلطى مليح ضفى البيض وحد 4 بيضات مع المعدنوس و خلطى و فرماج قطع خدى صحن الفور ادهنيه حطى طبقة من ا خليط البطاطا و طبقة من السلق و غطى بطبقة من البطاطا ذرى الفرماج رابى او لاشابلور و حطيه فى الفور حتى طيب البطاطا لما تطيب حمريه شوية و شهية طيبة لذيذ جدا و فيه فوائد خاصة للاطفال الى ما يحبوش السلق و اى سؤال تفضلى اختى

[Basketteuse]

السلام عليكم انا ننصحك ماتفوريش السلق عندي وصفة ساهلة
قصي بصل قليه مع فلفل حار أدا تحبي كي يذبل زيديلو طماطم مرابية ماشي بزاف وثوم كثري وكي تنشف تكوني غسلتي السلق و قصيتيه ماتطيشيش الاعراف نتاعوا شوي استعمليهم وشوي خليهم كي تديري بويون
المهم قصي السلق زيديه مع الخليط وغطي عليه شوي ثم نحي الغطاء وزيدي دبشة ولا معدنوس و بيض والله يهبل بشرط البيض ماتلوحيهش حتى ينشف من الماء

[Basketteuse]

إحنا نديروه تاني مع شربة اللوبية في الاخير اضيفيه مقصوص و زيدي 5دقائق و طفي ممممممم مع زيت زيتون

[Basketteuse]

و تاني كائنة مالكة نقولو لها طبيخة
مرقة حمراء تتكون من الحمص و اللوبيا و العدس و البطاطا و السلق طبعا في الاخير مع الكمون .......صدقيني ما تتشبعش

[Basketteuse]

هدا سلق محشي سخني الماء كي يسخن طفي النار وحطي كسكاس فيه أوراق سلق عريضة و غطيها حولي دقيقتين
سجي لحم مرحي مع ثوم و دبشة و بصل و ملح و فلفل اسود و كسبر احشي كل ورقة كي البوراك وفي جهة ديري بيضة خثريها ب شوي فرينة و ثوم و دبشة و ملح
مرغي فيها السلق و اقليه ثم حطيه في بلا تاع فور و فوقو صوص طوطاط غير شويو طبقة فرماج وكمليلوا طيابوا حوالي 15د و حمريه من فوق