راني محتاجتكم بزاااااااااف انصحوني 2

مشكلتي · 2012-02-16, 21:39

مرحبـــــــــــــــا

انا صاحبة موضوع: راني محتاجتكم بزاااااااااف انصحوني

السلام عليكم ورحمة الله وبركاته

اتمنى اخواني واخواتي ان تكونوا في تمام الصحة

انا فتاة جامعية عندي 21 سنة فتاة عادية نحمد ربي على كل شي قبل عام ونص تقريبا تعرفت على شاب عندو 27 سنة ولحد الان ماشفت منو غير الخير وصارحني بكل شي من اول نهار وخممنا باه يجي يهدر مع اهلي لكن هناك شوية معيقات لانو يخدم خدمة عادية يعني موش خدمة تابعة للدولة شهريتو مليون ونص وتبانلي انها موش كافية باه يوجد روحو يعني تعرفو انو لازمو مصروفو اليومي ... وزيد ماهوش من ولايتي يعني بعيد وباه يجي لازمو بزاف والله تحيرت بزاف وهادا موضوعنا في اغلب الاحيان نهدرو فيه بزاف بصح مالقيناش الحل المناسب لانو مايقدرش يخدم 2 خدمات علخاطر خدمتو ضرك يبداها من 6 تاع الصباح ل 5 تاع لعشية وحوس على خدمة اخرى مالقاش وخايفة في لخر مايقبلوش اهلي لانو بعيد مع اني اعطيت فكرة عن الموضوع للوالدة وكان ردها عادي ماعندهاش رفض للموضوع

ربي يخليكم ريحوني وردو عليا راني بحاجتكم وبحاجة لنصايحكم

والصراحة انا نحبو بزاف وهو اول واحد حبيتو ومانقدرش نصور حياتي مع غيروا....الله غالب

دمتم بخير

يعطيكم الصحة خاوتي لي اهتميتوا بموضوعي ووقفتو معايا j'amais ننسالكم هاد الجميل لانو كنت متحيرة بزاف انا الحمد لله قانعة بهاد الانسان وماعنديش مشكل لي نكمل معاه حياتي كيما هاك وهاد العام الاخير ليا في الجامعة بقالي 4 اشهر تقريبا ونكمل و من باعد نخدم ان شاء الله ونتمنى اهلي يقبلو بيه لانو خايف من هاد الحاجة بزاف خايف مايقبلوش لانو بعيد ومن ناحية الخدمة مقلقني موضوع الخطبه لانو بالاك لازمهادراهم بزاف سيرتو كي راه بعيد

شكرا ليكم وربي يحفطكم

hamzagolf6 · 2012-02-16, 21:48

بون شونص
بالتوفيق

fifi180 · 2012-02-16, 22:07

ربي يكملك اختي

nanou12 · 2012-02-17, 14:56

بالتوفيق لكما.

سمراءجيجل18 · 2012-02-17, 14:59

ربي يجيب الخير

MaX32Dz · 2012-02-17, 18:15

الرسول صلى الله عليه و سلم اخبرنا انه من حق الله تعالى على الناس ذكر صنفين و الثالث الشاب الذي يريد الاستعفاف
اي حق على الله اعانته
و في القرآن نجد "ان يكونوا فقراء يغنهم الله من فضله"
فقط توكلوا على الله و الدراسات تؤكد ان المتزوجين يزداد دخلهم

مريم الصابرة · 2012-02-17, 20:19

السلام عليكم اختي ربي يجمعكم وإن شاء الله اهلك يقبلو بيه وكانت بكري هذيك نتاع بعيد الدنيا طورت والمسافة ولات قصيرة الام جنينة ولما يجي يخطبك إتحدثي معاها سعادتك مع هذا الشخص ماتكونش المسافة هي السبب وإلا شهريتو ثم مصارف الخطبة لازم يش يشري الخاتم وشهر يشريلك خاتم هو الاول والباقي امور صغيرة أكيد راحين يعاونوه دارهم ربي يوفقكم ختي إن شاء الله

abdel02 · 2012-02-17, 21:08

فقط ننتظر عنكم اخبار سارة...

wiseman · 2012-02-17, 21:08

عليك بالاستخارة والتوكل على الله وهو ولي التوفيق
ربي يكمل بيناتكم بالخير

بشير مراد · 2012-02-17, 21:18

السلام عليكم.
قال الله تعالى : ( وآتوا البيوت من أبوابها ) يعني لا يجوز لكٍ أن تحدثيه وتكلميه لأنك أجنبية عنه الآن ، فإذا أعجب بك فليطلب يدك
بالوسائل الشرعية التي أقرها الشرع ، فإن قبل أهلك فبها ونعمت ، وإن لم يقبلوا فسييسر الله أمركِ .
إحذري أختاه من خطوات الشيطان ، وأحذري من الخلوة به ، فمن ترك شيئا لله عوضه الله خيرا منه.
في الأخير أدعو الله أن ييسر أمرك لما فيه الخير والسعادة . آمين...

marwa1993 · 2012-02-18, 21:09

ربي يكمللكم نحن ننتظر الخبار السارة انشاء الله وبربي إن شاء الله يوافقو اهلك

imi02i · 2012-02-20, 18:16

السلام عليكم ورحمـة الله وبركـاتـه

ربي يكملكـ أختي ويسر لكـ أموركـ

وإذا كنتي تشوفـي من الجانب المـادي فتذكـري قولـه تعالى

==ومامن دابـة في الأرض إلا على الله رزقها==

كل واحد وواش مكتبلو ربي من رزق ... وماكيش راح تموتي إذا تزوجتي بواحد مصروفو الشهري مليون ونص

تقدري تعاونـيه أنتي إذاقدرتي تخدمـي

صلي صلاة الإستخارة .واستشيري مولاكـ

وربي يقدم اللي فيها الخير إن شاء الله

abdelhai12 · 2012-02-21, 00:36

أختي الزواج حب و احترام ليس بمال أغير ذلك
بلعقل و الله ربي يسهل
مشكورة

maymou · 2012-02-21, 08:10

المال ماشي مهم كداش ان وحدة ادات واحد عندوا واصبحت جيوبوا فارغة استخيري ربي على الهناء يااختي

*أم كوثر* · 2012-02-21, 08:33

السلام عليكم
من رايي الدي ارجو ان تتقبليه
مادام انت مقتنعة بيه و راضية تكملي معاه حياتك حسب امكانياته فبها و نعمة
اذن عاونيه و ماتغليش عليه المهر
و الله يا اختي هدي مجرد عوائق و شكليات
الرسمى كله بعد الزواج
وهو الحب و التفاهم و الاحترام
بارككما الله و جمع بينكما في خير و حبور