![]() |
|
قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
آخر المواضيع |
|
منقوووول..من حياة ملخبطة ووقت ضايع >> الى >> حياة مرتبة وراحة نفسية
![]() |
|
أدوات الموضوع | انواع عرض الموضوع |
![]() |
رقم المشاركة : 1 | ||||
|
![]() ![]() لحبيباااات واش راكم... إن شاء الله كلكم بخييير.. اليوم جبتلكم قصة رائعة لسيدة حياتها تغيرت من 180° من كثر ما اعجبت بهذه السيدة حبيت ننقلكم تجربتها و قصتها تحكيها هي على لسانها السلام عليكم ورحمة الله وبركاته كيفكم يا بنات انا ابتكلم لكم عن تجربتي وكيف حولت حياتي من قمة الحوسه الى الترتيب وبالتالي الراحه النفسيه . اول شي اعطيكم نبذه عني وعن شخصيتي انا متزوجه وعندي ولدين صغار واحد يدرس وواحد ما يدرس وانا موظفه ودوامي نوعا ما طويل عندي بيت خاص فيني متوسط الحجم لا كبير ولا صغير وعندي شغاله وسواق شخصيتي متسرعه وعجوله وابي كل شي تماااااااااام وما ارضى الا بالافضل واذا ما حصل لي الافضل خلاص ما ابي شي وارفض كل شي وهذا اللي دمرني يعني الدنيا عندي يا ابيض يا اسود وزياده على كذا عصبيه من بداية زواجي كانت حياتي كلها حووووووسه ووقتي كله ضايع وما انفذ اعمالي في وقتها مستحيل وحياتي مع زوجي كلها مشاكل وبعد ما جبت العيال زادت الحوسه والمشاكل ولما نقلنا للبيت صارت الحوسه حوستين ![]() وفي يوم وقفت مع نفسي وقفه صراحه وزي اللي جاني الهام من رب العالمين سبحان الله جلست افكر في نفسي : ليش انتي كذا يا ام فايز؟؟؟؟؟؟؟؟ 1- اذا جيت اروح مناسبات انا آخر من يوصل دائما متاخره وعلى كذا ليتني مرتبه بالعكس الشعر اي كلام واللبس ما تصلح الا قبل الحفله بدقيقتين ومشبك هنا ومشبك هناك ههههه وما اكتشفت انه ما عندي شنطه تناسب الفستان الا آخر لحظه واحيانا اطلع السوق بنفس يوم الحفله ادور جزمه وانواع الحوسه والميك اب حوسه وزيادة على كذا الوجه اسود من التاخير وهواش زوجي في السياره هههههه -2-مصروفي يخلص اول 6 ايام من الشهر والباقي اجلس اهش الذباب ههههههه -3- صلاتي دايما متاخره وزياده على كذا انقرها نقر الغراب والعياذ بلله وما اقرأ الا قليل - 4- عيالي مو مرتبين وملابسهم حوسه اشتري ملابس كثيره واتنحاس ما ادري وين بنطلون هذا ووين شراريب هذا ووقت الطلعه يكرم المرء او يهان ههههههه ما جلس معهم وقت كافي الا اذا كنت أأكلهم او ادرس الكبير وكل الوقت هواااش عليهم -5- زوجي ما ا جلس معه واذا جلست معه طلباتي ما تخلص ما عمري جلست معه الا عندي طلبات ما اتزين له والسبب انه ما يهتم فيني يطلع للدوام وانا نايمه حتى الفطور ما اصلح له -6- اذا رحت السوق احس اني ضاااااااايعه ما ادري وش ابي اروح ابشتري شي معين وارجع بمئة غرض ما احتاجه -7- بيتي انواااااااااااااع الحوسه مع ان عندي شغاله بس ما اتابعها واراقبها اثاثي مهمل والسبب ان البيت ما اعجبني وابي اطلع منه ابي بيت افضل -8- دايم بيتي ناقض اغراض ومقاضي مو لقلة المصروف انما لعدم ترتيب الوقت وتعيين يوم لشراء اغراض البقاله يعني باختصار وقتي وفلوسي ضايعين وحياتي مو مرتبه ودائما اناظر للمستقبل ما اناظر وش اللي عندي الحين وهذا مسبب لي مشاكل مع زوجي فقررت !!!!!!! اني لازم اغير كل شي واول شي قررت اني اغيره هو راسي اي نعم راسي !! ( ان الله لا يغير ما بقوم حتى يغيروا ما بانفسهم ) لازم اغير اللي اقدر عليه من شخصيتي لازم اغير تفكيري لانه هو السبب الرئيسي للمشاكل وجلست مع نفسي وقلت انتي الحين يا ام فايز عندك كل شي ولله الحمد والمنه بس ما تشوفينه !! تركضين ورى الافضل لا انتي حصلتي الافضل ولا انتي استمتعتي باللي ربي عطالك عندي بيت بس مهملته عشان بيت في المستقبل ما ادري يحصل لي او لا عندي اطفال بس مهملتهم بكرى بيكبرون واتحسر على عمري عندي زوج بس مهملته الله يستر عاد من الرجال ![]() عندي شغاله بس اللي ما عندهم شغالات مرتبين اكثر مني واهم شي اهم شي قاعده اركض ورى دنيا فانيه ونسيت الدار الحقيقه اللي فيها الخلود الحقيقي ما اركض وراها .. يعني اول شي غيرته بنفسي هو اني اطمح بشكل معقول مع الرضى والقناعه بالموجود التخفيف من العصبيه وان الدنيا ما تستاهل واذا في موقف حصل لي عصبني اتعوذ من الشيطان واقول في داخلي الحمد لله اللي جت على كذا ثانيا يعني لو ولدي مثلا كسر حاجه اقاوم الفكره السلبيه على طول بفكره اسوأ منها واقول الحمد لله اللي ما انسكرت على رجله او في يده وانجرح وصارت له عاهه او شي .. هالطريقه مره فادتني كثيييير لو زوجي تركني وطلع وما طلعني ذاك اليوم نتمشى اذا رجع اكون معصصصصصصبه ![]() واذكر الله (( الا بذكر الله تطمئن القلوب )) يعني ثاني شي غيرته البعد عن العصبيه علمت نفسي اخذ وقتي وافكر واقارن واتمهل في الشراء وفي اتخاذ كل قراراتي اول شي سويت لي ميزانيه يعني زوجي يعطيني مصروف معين 25 % للمقاضي 25% لي ولعيالي 25% للبيت 25% للطواريء وما اتخلى عن هالخطه مهما حصللللل واذا ما قدرت اشتري شي الشهر هذا اشتريه الشهر الجاي واخلي فيه اولويات لكل شهر واذا مر الشهر بدون طواريء اطلع امشي عيالي او اعشيهم برى بنص القيمه يعني اكافيء نفسي نهاية الشهر ههههههه والنص الثاني اوفره ومن بعدها بدات بكل جوانب حياتي وللموضوع بقيه ![]()
|
||||
![]() |
![]() |
رقم المشاركة : 2 | |||
|
![]() وفي تنظيم المصروف استخدمت مظاريف مظروف مفتوح فيه فلوس البقاله فقط ومظروف مفتوح فيه فلوسي انا وعيالي يعني ما يطلع منه الا لي ولعيالي والباقي ارجعه فيه ومظروف مفتوح للبيت ومظروف للطواريء ملزق ما ينفتح الا للطواريء وكل اسبوع اصرف مبلغ معين في البقاله ما اتعداه ----------------- وقبل ما انظم وقتي قلت لازم اتخلص من كل الفوضى اللي كانت بحياتي واولها حوسة البيت وساعدني ان زوجي كان مسافر وكانت عندي اجازه وقلت فرصه ! وحددت يوم وبدات بالشغل العملي صحيت الصباح بدري وتحممت وصليت ودعيت ربي انه يقويني ويبارك لي بذاليوم ولبست بنطلون وتي شيرت مريح عشان سهولة الحركه وصحيت الشغاله الحلوه كانت تنام حتى الساعه عشره الصباح وقلت خلاص يا حبيبتي من اليوم ورايح تصحين الساعه 6 الصباح ونامي بدري ويوم الجمعه خذي راحتك ونامي للساعه 9 واعطيتها شبشب جديد وبلوفر للبرد عشان تتحمس معاي وتتقبل التغيير ووعدتها بهديه كحافز لو اجتهدت بالعمل واخذت جوله على البيت وحددت لكل غرفه يوم اشتغل فيها وفي كل غرفه ادخلها يكون معاي قلم وورقه عشان اكتب الاشياء الخربانه واللي تحتاج تصليح وورقه ثانيه اكتب فيها الاشياء اللي لازم اشتريها يعني للشوبينج كرتونه للاشياء اللي رح تنرمى بالزباله اكرمكم الله وكرتونه للاشياء اللي تروح للصدقه وكرتونه للاشياء اللي حتروح للمخزن للتخزين وادوات التنظيف مكنسه كهرباء مع سطل به مويه وداك بالورد مع شوية لينور مع الممسحه فوط التنظيف وفوط قطن بيضاء لتمسيح الزجاج اول غرفه بدات فيها كانت المطبخ : كانت الهوايه خربانه واللمبات بعضها محروق والستاره متكسره تقول ارحموني ههههه سجلت كل الاشياء هاذي بالورقه بعدها طلعنا كل الاغراض من الدواليب وشفت الاواني القديمه المهتريه ووضعتها بكرتونه الزباله والاواني الكويسه رفعتها على جنب والاواني الكويسه بس موديلها قديم ولي سنين راكنتها وما استخدمها ووضعتها بكرتونة الصدقه ونظفنا كل الدواليب بقطعة قماش معها قليل من المطهر وتركنا الدواليب مفتوحه عشان تتهوى لحد ما نشفت وبعدين رجعنا الاغراض بتخصيص دولاب لكل غرض الاجهزه الكهربائيه نفس الشي اللي خربان وممكن يتصلح اضفته للورقه واللي مافيه صلاح على الزباله واذا كان فيه اواني ناقصتني او اجهزه سجلتها في ورقة الشوبينج بحيث كل شهره شتري شي وما اضغط الميزانيه الشهريه بعدها نظفنا الفرن ولبسته قصدير من الداخل وطلعت كل ما في الثلاجه ونظفناها فيه اكل من سنة الجدري اللهم يا كافي هههههههه وعندي تمر قبل ما انولد ههههههه كل شي تنظف ووضعت بالثلاجه بيكربونات الصوديوم عشان تشيل الريحه ماركة آرم اند هامر ![]() خليت الشغاله تنظف الجدران بالمطهر واستخدمت جف صارت الجدران تلمممع وبرضو نظفت الشباك وشالت الستاره الخربانه ونظفت حوض المغسله بالكلوركس برضو فكينا المكيف و غسلنا كل الفلاتر وركبناه مره ثانيه 'طبعا يا بنات قبل ما ننظف المكيف لازم نطفي المكيف وهاذي الفلاتر اللي اقصدها وكل مكيف له طريقته بالفك ![]() وصار المطبخ زي الفل وانا طالعه من المطبخ اعطيت الشغاله جدول للمطبخ كالتالي تنظيف الارض ومسح المجلى كل يوم وسطح الغاز تنظيف الشباك والفرن من جوه كل اسبوع تنظيف الثلاجه كل اسبوعين تنظيف الجدران كل شهر تنظيف المكيف كل 6 شهور اخاف تفكه لي كل يوم وتخربه وصرت كل فتره اشيك اشوف مستمره او لا وفي النفس اليوم رحت ايكيا واشتريت اكسسوارات حلوه ورخيصه للمطبخ واشتريت ستاره جديده وركبتها مكان القديمه وركبت لمبات بدل المحروقه والاشياء الثانيه تنتظر زوجي العزيز يصلحها -------------------------------- افي اليوم الثاني استلمت غرفة اولادي ![]() ما كان فيها اشياء خربانه غير الستاره يحبوا يتعلقوا فيها ويتمرجون هههههه الله يهديهم فقررت افكها واركب وحده قصيره ما يطولوها ![]() وطلعنا كل الملابس والالعاب ونظفنا الارض بس ما نظفت الجدران لانها ورق ونظفنا المكيف والدواليب من جوه وخليناها تتهوى وبالنسبه للملابس وزعتها في الكراتين شي للصدقه وشي كويس وشي من الاخ الكبير للاخ الصغير وهذا يروح للتخزين بيني وبينكم لقيت شراريب كنت ادورها من زمااااااااان ومفارش ما ادري من وين جتني وملابس والله بالكرت حقها ما انلبست ![]() وعلقت الملابس في الدولاب كل طقم مع بعض ومعاه حتى الشراب اشبكه فيه ببنسه عشان ما ادور لما اجي اطلع ويضيع وقتي الشراريب الزايده علقتها في الدولاب بمثل هالعلاقه ![]() واذا كان طقم ناقص له شراب او جزمه اسجلها بلستة المشتروات بالنسبه للالعاب شلت اغلبها شي مكسر عالزباله وانتو بكرامه وشي للصدقه وخليت لهم كل واحد 5 العاب فقط ووضعتهل بصناديق الالعابا والباقي خزنته اطلعه لهم بعد مده عشان يشتاقون له وكانت سرايرهم مبهذله امنخده من طقم والمفرش من طقم ثاني فقلت لها اذا غسلتي الطقم ترجعين ترتبينه مع بعض لا تلخبطين الاطقم وبكذا صارت غرفة الاولاد زي الفل . واهم شي تركت لهم سبوره كل ما يلعبون في شي ويرجعونه مكانه ارسم لهم تفاحه واذا جمعوا تفاحات كثير لهم مكافاه وبهالطريقه احافظ على ترتيب غرفتهم واعودهم المسؤوليه والاعتماد على النفس صحيح انهم احيانا ما جابو خبري انا وتفاحي ههههه لكن اغلب الايام يتحمسون خصوصا الكبير يتبع بإذن الله ![]() |
|||
![]() |
![]() |
رقم المشاركة : 3 | |||
|
![]() bbلا |
|||
![]() |
![]() |
رقم المشاركة : 4 | |||
|
![]() اليوم الثاني دخلت على غرفتي وحسيت ان غرفتي تحتاج كثيييييييييييييير وبرضو كان نفسي اذا رجع زوجي من السفر يلاقي شي حلو وجديد فقررت اعمل تغيير فضيت كل الدواليب والتسريحه والكومودينات وفكيت الستاير كانت مجمعه تراااااااااب وكاتمه في قلبها سنين ههههههه بس انا زودت همها وقلت لها انا بعد ابرميكي وش رايك ![]() وجبت لونين بويه واحد بيج والثاني اغمق منه بدرجتين وفرشت الارضيه بلاستيك وبدات ادهن بالرول كل الجدران باللون البيج بعدين لما نشف لزقت على الجدار شطرطون بشكل خطوط وبدات ادهن بالرول اللون الغامق وطلعت النتيجه مره حلوه بس سويتها على جدارين لاني تعبت ![]() وجبت كنب كان مركون في المخزن لا شغله ولا مشغله ونجدته عند محل بلون عنابي يجنن وعملت معاه خداديه فخمه ما كلفني ولا 100 ريال وجبت مفرش فخم كنت مستخدمته لولادتي يعني زوجي ما شافه وليه مركون ما ادري بس انا كان طبعي كذا اخبي كل شي للبيت الجديد ![]() وجبت ثلاجه صغيره كانت خربانه بالمخزن واخذها سواقي لمحل وصلحها ووضعتها بغرفتي ووضعت فيها عصاير ومشروبات وشوكولا يعني زي الفنادق واشتريت اكسسوارات وشوية شموع من بد اند باث كان عندهم تخفيض وصارت الغرفه تجنننننن تنتظر العريس ههههههه بالنسبه للملابس عملت فيها نفس ملابس اولادي شي للصدقه وشي رمي وشي كويس والاشياء اللي جالسه عندي اكثر من 3 سنوات مالبستها دعست على قلبي و تصدقت فيها لان كثرة الملابس تسبب الربكه واذا ملابس ما لبستها سنوات اكيد ما راح البسها واذا ملابس ضيقه تعوضي ربك وتصدقي فيها ولا تقولين لا بكرى اسوي رجيم وانحف عطيها احد يستفيد منها احسن بالنسبه للملابس الكويسه شفت اللي يحتاج تصليح على طول على الخياط بنفس اليوم لاني لو تركته نسيته ويجي وقت المناسبه وترجع المشابك ههههههه ورتبت مع كل طقم شنطته وجزمته احط الجزمه بكيس والشنطه بالكيس القماش اللي جت فيه واعلقهم بنفس المعلاق مع الفستان هذا بالنسبه لفساتين السهره واذا كانت نفس الجزمه تنلبس مع كذا فستان احطها تحت الفساتين واذا في شي ناقص اسجله بورقة المشتريات وكل ما قدرت اشتري شي تعرفون الاسعار ناااار وبهالطريقه صرت الاقي حاجاتي بسرعه وما اتاخر واعرف ايش ابي من السوق اذا رحت مناسبات واروح وانا مرتبه والكل لاحظ علي من اخواتي وغيرهم بالنسبه للملابس الداخليه اشتريت لها علب من ساكو اترتبت كثيييييير اكيد اغلبكم يعرفها الي فيها مقسمات والاكسسوارات برضو جبت لها اكياس بالنسبه للمكياج رميت اغلبه لانه عندي من سنوات وخليت عندي بس الالوان الجديده واللي استخدمها وتناسبني والفاونديشن اثنين واحد للبسيط وواحد للسهره وبكذا ما صار عندي كركبة مكياج ورتبتها في الدرج في علبه بالنسبه للعطورات كانت عندي عطورات كثييييره ما استخدم الا اثنين منها مسويه لي كركبه ومخربه شكل التسريحه اللي ريحتها ما تعجبني طلعتها من البيت اللي ريحتها حلوه بس قديمه بعضها عملت منها سبري للمفرش والطريقه سهله تجيبين علبة بخاخ فارغة وتضعين ثلاث ارباعه ماء وتفرغين العطر فيه وممكن تضيفين له شوي كحول كماده حافظه تطلع ريحة نفس العطر بس خفييييفه حلوه للمفارش وبعضها سويت منه صابون والطريقه كالتالي تجيبين الصابون اللي عندك او اللي يكون بقايا صابون وتبشرينها وتسوين حمام مائي على النار وتضعين فيه الصابون المبشور مع زيت اللوز حتى يذوب الصابون بعدين تضعين العطر اللي تبين ومعاه قطرات من الوان الطعام وقليل من الماء حتى تتكون عجينه تجيبين ورق الشمع وتضعين عليه الصابون فب اي قالب ممكن تستخدمين قوالب الثلج او قطاعة المعجنات اي شكل تبين وخليها في الهواء الطلق حتى جمد وتصير عندك صابونه ريحتها بنفس العطر وللموضوع بقيه ![]() |
|||
![]() |
![]() |
رقم المشاركة : 5 | |||
|
![]() ![]() اليوم اللي بعده رحت بيت امي ![]() اليوم اللي وراه طلعت غرفة الغسيل وكان شكلها مو مرتب ابدا فطلعت كل اللي فيها وسجلت ايش ناقصها من سلات للغسيل لان القديمه مقطعه ونظفنا الغساله من جوه ومن بره وبرضو النشافه وهاذي طريقة تنظيف الغساله : 1- اول شي اشغل الغساله في دوره وحده قصيره بمويه حاره احط فيها كوب خل ونص كوب بيكنج صودا 2- اشغلها مره ثانيه بليمون كذا الاوساخ اللي عالقه في جدرانها تطلع بسهوله بعدين نظفت كل اجزائها الداخليه بفوطه وبعدين من الخارج وجبت ورق جدران كروهات كان عندي ولبست جدران الغرفه واشتريت ارفف حديد ابيض وثبتتها علشان تحفظ الصابون وادوات التنظيف ![]() اللي بعدو كانت الصاله مسحنا الجدران وفكينا اغطية الكنب والخداديات وغسلناهم وفكينا الستاره غسلناها وركبناها ونظفنا المكيف وكان عندي التلفزيون على طاوله مكسره حالتها حاله فرميتها وجبت وحده ب 200 ريال وسويت طبعات بالجدار بالاستينسل من نفس نقشة الستاره واخر شي غسلنا الموكيت بالشامبو وخليناه ينشف انا بصراحه ما عندي مكنسه تغسل الموكيت بس استلفت حقة ام زوجي وهي ماركة رينبو بعد عقدتني على بال ما عرفت لها بالنسبه للجرايد والمجلات كانت عندي كوووم فطلعتها كلها في صندوق في حارتنا لاعادة التصنيع وجبت سلة للريموت لانه دايم يضيع وزوجي يزعجنا يحب الريموت اكثر مني هههههههه ![]() الان بعد ما ترتب البيت اتجهت لعيالي جلست يوم بس اراقبهم لقيت انهم فوضويين وكل واحد منهم ياكل بوقت لحاله وياكل بجهه لحاله ونوعية الاكل اللي ياكلونه مو كويسه لهم ابدا والشغاله اي شي يطلبونه تسويه لهم حتى ترتاح منهم وسهرهم في الليل ما كان عاجبني ابدا اولا لانه غير صحي لهم وثانيا اذا ناموا بدري ممكن نجلس انا وزوجي لوحدنا ويكون لنا وقتنا فسويت لهم جدول اذا صحى الكبير للمدرسه نصحي الصغير معاه يفطرون سوى واذا راح الكبير للمدرسه ياكل وجبه خفيفه هناك والصغير ياكل وجبه بالبيت واذا رجع من المدرسه يتغدون سوى وعملت جدول لغداهم كل يوم اسوي لهم الاكل اللي يحبونه بطريقه مفيده علمت الشغاله كيف تسويه لهم عشان اذا رجعت للدوام وكل يوم لاااااااازم فيه صحن فواكه مقطعه بشكل مغري ينحط قدامهم وهم يلعبون العصر وما توقعت ابدا انهم ممكن ياكلون الفواكه لمجرد طريقة العرض يعني مره نسوي لهم وجه ومره شيش كباب والجدول كان كالتالي يوم نعمل لهم افخاذ الدجاج مع سلطة خيار اسوي لهم الخيار على شكل وردات ويوم نعمل لهم مكرونه سباجيتي مع جزر ويوم بيتزا صغار ويوم رولات هوت دوج ويوم سمك قطع مقلي زي النجت مع انهم ما يحبوه كثير بس احاول اعودهم عليه ويوم دجاج زي النجت بس بالفرن عشان ما يكون دسم اخذت طريقته من الانترنت واذا خلصو من الغدا يرتاحون شوي عند التلفزيون بعدين وقت الدراسه ادرس ولدي ساعه والحمد لله صرت اتحكم في نفسي واقلل من عصبيتي واذا ما عرف شي اتعوذ من الشيطان واقول بنفسي االعصبيه ما راح تعلمه الهدوء اللي راح يعلمه واخلي الثاني يجلس معنا مع انه ما يدرس بس اعطيه قلم وورقه واخليه يخربط او يلون عشان الشغاله تكمل تجهز للغدا لزوجي واحيانا يطفشني واعطيه الشغاله هههههههه بعد الدراسه لازم العب معهم اي لعبه صغيره والله اغصب نفسي بس والله يمبسطوووون مره على بال ما نخلص يجي ابوهم يجلسون معه شوي بعدين العشا والاستحمام والنوم على الساعه 7 يكونون بسرايرهم واجلس بقية الوقت انا وزوجي ![]() نجي الان لنفسي صرت اصحى الصباح اصلي وانزل اجهز له الفطور بنفسي واقدمه لزوجي ينفسي حتى لو ماباقي على دوامي كثير ولازم اودعه وهو طالع وانا ادعي له وهو استااااااانس مره من التغيير الله يقدرني واستمر سبحان الله اشياء بسييييييييطه تسعد الزوج ومع ذلك نهملها يعني مجرد اني اوقف له عند الباب وهو طالع غيرت معاملته لي من زمان ما كان يرد علي من العمل او يتصل فيني الحين صار يتصل فيني من العمل يقول لي وش اخبارك والله اني ما صدقت المهم اذا طلع للدوام اروح غرفتي ارتب السرير وهاذي النقطه مره مهمه لاني لو ما رتبته قبل ما اطلع بيجي المغرب وهو ما ترتب اتحمم وانشف شعري واسوي ميك اب خفيف بالنسبه لملابس الدوام اجهزها من الليل عشان ما اتحير الصباح وش البس واروح دوامي في الدوام صرت اعرف اقول لا للاعمال اللي فوق طاقتي واللي راح تضغطني وتاثر على بيتي يعني من زمان كنت اجامل واكون طيبه مع الكل واتحمل اعمال فوق طاقتي بس النتيجه كانت على حساب بيتي فبدات اقول لا للشي اللي فوق طاقتي واقوم بالعمل اللي مطلوب مني على اكمل وجه وما ااجل اي اوراق لبكرى مهما حصل عشان ما تتراكم على وما آخذ معي اوراق للبيت ابدا حتى زميلاتي لاحضو علي وقالوا لي متغيره يا ام فايز قلت لهم دوام الحال من المحال ههههههههه اذا رجعت من دوامي اصلي واقرأ قرآن على بال ما عيالي يرتاحون بعدين يصير معي ساعتين قبل ما يجي زوجي احط بشعري خلطه او ببشرتي ماسك و اجلس ادرس عيالي واذا خلصت تدريس انزل اشوف الطبخ لان شغالتي تكون مقطعه ومجهزه كل شي وانا اكمل الطبخه واذا طبقت القدر وسويت السلطه اطلع فوق واحيانا اسوي حلى اذا كان عندي اغراض جاهزه واحيانا يكون عندي حلى باقي من امس بعدين اطلع العب معهم شوي او احكي لهم حكايه بعدين اروح اتجهز لزوجي اتحمم وابخر الغرفه والبيت وامسح الغبار اذا كان فيه واعطر الحمام والبس اي شي نعوم مع ميك اب خفيف واستقبله عند الباب بابتسامه وكلمه حلوه وطبعا الغدا يكون جاهز ومرتب بطريقة حلوه على الطاوله انتغدى مع بعض واخلي الشغاله تلتهي بالعيال لان زوجي ما يحب العيال على الغدا لانهم يصيرون شبعانين وبس يلعبون بالاكل انا ودي انهم يجلسون معنا بس هو للاسف ما يبيهم اذا خلصنا الاكل يجون العيال عند ابوهم شوي والشغاله تغسل المواعين بعدين يروحون يتحممون وينامون وانا اجيب الشاهي والحلى ونجلس نتقهوى انا وزوجي وبهاللحظه اتجنب اي موضوع يثير المشاكل والله ان زوجي صار كل يوم يعلق على لبسي وشكلي مع انه من زمااااااااان ما يشيل عينه عن التلفزيون هو بصراحه للحين يحب التلفزيون ما اقول لكم انه صار يسكره ويطالعني ههههههههههه بس الوضع تغير بشكل ملحوظ وفي هالوقت وهو مروق اذا عندي طلب اطلبه بطريقه بهدوء وبتوقعات معقوله ويكون طلب واحد فقط يعني من زمان كنت اعطيه 50 طلب بنفس الوقت وابيهم كلهم بسرعه وطريقتي كانت طريقة امر والزوج ما ينفع معه كذا لازم تحددين انتي ايش تبغين وتركزين على حاجه وحده وتكون معقوله واذا نفذ طلبك تنتظرين فتره بعدين تقدمين الطلب الثاني وانا استفدت كثير من كتاب الرجال من المريخ والنساء من الزهره اكيد انكم تعرفونه او قراتوه صرت افهم نفسية الرجال ووش يحب وكيف تكسبين نقاط لصالحك معاه بعدين اذا دخل زوجي ينام ادخل انا الحمام واحط كريم الليل ولوشن للجسم بأحماض الفواكه انصحكم فيه يا بنات مررررره يجنن يسوي نعومه فظيعه اسمه جلايكولكس 15 % يمكن بعضكم مجربه واللي ما جربته وتحب تجربه اول مره تستخدمينه جربيه على منظقه صغيره اذا ما عندك حساسيه منه استمري عليه وبتدعين لي وبعدين اقرا الورد واذكار وانام وبكذا ينتهي اليوم ![]() بالنسبه للمناسبات اللي دايما احوس فيها اذا عرفت عن المناسبه قبل بفتره اجهز الملابس واحجز الكوافيره واطلع للسوق اذا ناقصني شي اجيبه قبل المناسبه باسبوعين على الاقل واذا كانت المناسبه ما عرفت عنها الا بوقت قليل يكون عندي بالدولاب فستان للطواريء وهو عباره عن فستان اسود بموديل بسيط وقماشه فخمه بحيث الفستان الاسود ما يحتاج اكسسوار معين وممكن يمشي معه اي مجوهرات واي شنطه ممكن فضي او اسود واكيد طبعا عندك جزمه سوداء وهذا لفستان لازم يكون جاهز دائما بمعنى اذا خرب فيه شي يتصلح على طول ولازم الوحده تتعلم تسوي ميك اب بنفسها واي تسريحه بسيطه وتعرف كيف تستخدم السشوار والفير هذا من الضروريات عشان ما تنزنق واذا لزم تدخل دورات انا دخلت الصيف الماضي دورة بالمعهد الفرنسي بالملز واستفدت كثيييييير صرت اعرف اسوي ويفي بسيط وشنيون بسيط واعرف اسوي سموكي بسيط صحيح مو شغل كوافيرات بس شي مرتب ومدروس و بكذا حكيتلكم كيف تغيرت حياتي من حال لأحسن الاحوال الله يديم عليا هاد النعمة و يرزقكم تغيير مثل الي تفضل بيه عليا الله ولا تنسوني من خالص دعائكم ![]() |
|||
![]() |
![]() |
رقم المشاركة : 6 | |||
|
![]() شيئ رائع يستحق التشجيع والشكر والحمد للله ياريت كل تائهة او تائه يجلس مع نفسه ويغوس في اعماقها ويصجج كل اخطائها |
|||
![]() |
![]() |
رقم المشاركة : 7 | |||
|
![]() قصة تخلي كل وحدة تراجع نفسها..بالرغم من اننا معندناش كل هد العيوب لكن على الاقل عيب واحد ولازم نتفاداوه ونصلحو انفسنا.. |
|||
![]() |
![]() |
رقم المشاركة : 8 | |||
|
![]() الله يحفظكم لحبيبات عندكم الحق لازم كل وحدة توقف معا روحها وقفة صدق و صراحة و تكون واقعية و تميز روحها راها في الطريق اللي رسماته لنفسها؟ راها مرضية الله واهلها ولا زوجها؟ راها في مستوى المسؤوليات اللي وضعهم الله على اكتافها؟ راها صاينة الامانة اللي راهي في رقبتها؟ ماشي اديرها مرة و تحبس خلاص راني تغير لالا لازم مرة على مرة تراجع نفسها و تحاول دايما تكون أحسن و أفضل من اليوم اللي فات |
|||
![]() |
![]() |
رقم المشاركة : 9 | |||
|
![]() سبحان الله و بحمده سبحان الله العظيم
|
|||
![]() |
![]() |
رقم المشاركة : 10 | |||
|
![]() ماء شاء الله على ا الموضوع وان شاء الله كامل نتغيرو للاحسن |
|||
![]() |
![]() |
رقم المشاركة : 11 | |||
|
![]() السلام عليكم |
|||
![]() |
![]() |
رقم المشاركة : 12 | |||
|
![]() أهلا حبيبتي أرشيوي أبشري حبيبتي استنيني دقائق معدودة بإذن الله و رايحة نرجعلك حبيبتي إن شاء الله ما نبطاش عليك |
|||
![]() |
![]() |
رقم المشاركة : 13 | |||
|
![]() رووووووووووووعة |
|||
![]() |
![]() |
رقم المشاركة : 14 | ||||
|
![]() اقتباس:
حبيبتي أرشيوي راني رجعتلك باسم الله ماشاء الله ربي يخليلك وليداتك راهم في سن تحبي تاكليهم ربي يحفظهملك من كل شر و من كل سوء اللهم آآآمييين رايحة أولا ننصحك باش تقري شوية هاد المواضيع و رايحة تاخذي بإذن الله بعض الافكار ممكن تعينك و تنفعك حبيبتي و من بعد ارجعيلي و رايحة نخدم معاك برنامج يومي و حتى شهري إذا حبيتي ممكن تطبقيه في بيتك و إن شاء الله تكوني راضية و مرتاحة حبيبتي https://www.djelfa.info/vb/showthread.php?t=781307 https://www.djelfa.info/vb/showthread.php?t=829184 |
||||
![]() |
![]() |
رقم المشاركة : 15 | |||
|
![]() الله يبارك فيك حبيبتنا الغالية |
|||
![]() |
![]() |
الكلمات الدلالية (Tags) |
ملخبطة, منن, حياة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc