دجاجة ديزوسي بالفيونداشي تفضلوا.........

مقدسية · 2012-01-16, 20:26

هذه اخواتي الحبيبات اول مشاركة مصورة لي معكن،اتمنى ان تنال استحسانكن،وهي عبارة عن دجاجة منزوعة العظم محشوة باللحم المفروم،مرفقة بمرق ابيض،وفيمايلي اليكن :

1/ المقادير:

- دجاجة متوسطة او صغيرة.

- 250غ لحم مرحي او فيونداشي.

- 250غ زيتون اخضر نزوع النوى،او كمية من الفطر.

- بصل ،معدنوس،ثوم،توابل،بيضة،خبز مرحي،زيت للمرق.

2/ اما الآن فخطوات التحضير مرفقة بالصور:

نظفو الدجاجة ونقصو الجزء الثاني من الجناحين،كما هو موضح بالصورة:

نقسمو الدجاجة الى نصفين:

نبداو برفق وبواسطة سكين حاد بنزع عظم الدجاجة:

لنتحصل بالنهاية على دجاجة خالية تماما من العظم:

من جهة ثانية،وباستعمال العظم المنزوع(لايرمى طبعا)،نوجدو صوص ابيض:كمية زيت نقليو فيها بصل،عظم،3سنات ثوم،ملح فلفل اكحل،كركم،كسبر،عود قرفة.

نمرقو بماء ساخن ونتركو الصوص يخثار وقبل ما نطفيو نرميو الزيتون الاخضر المغلي من قبل مرتين:

من جهة اخرى نفوحو اللحم المرحي:بصل،معدنوس،سنة ثوم،فلفل اكحل،قرفة،خبز مرحي،بيضة.

نعجنو اللحم مليح ونضيفولو كمشة زيتون اخضر كما هو موضح:

نبسطو ورق الالمنيوم عاى طاولة العمل وندهنوه بقليل من الزيت،ونحطو عليه الدجاج ونفوحوه بملح،فلفل اكحل،كمون
.

نحطو اللحم المرحي على شكل حربوش على طول الدجاج ونلفوه عليه

بعدها نلفو ورق الالمنيوم على الدجاج وندوبليوه،ونحطو الكل في سنيوة،نضيفولها 2كاس ماء ساخن وندخلوها الفرن لمدة ساعة ونصف،وكلما نشف نزيدو ماء ساخن.

0

بعد مرور المدة المذكورة يكون الدجاج بالشكل التالي:

نحطو عليه قطع من الزبدة ونرجعوه للفرن10دقائق باه يحمار (نار الفرن من فوق).

بعدما يخرج من الفرن نتركوه يبرد نصف ساعة ونقطعوه دوائر ونضيفولو المرق مع الزيتون والصور ابلغ من اي تعبير
:

ورافقت الطبق بهذه السلطة لعيونكم:

واخيرا وديتكم ماشهيتكم،هذه طاولتي تفضلو بالصحة والهنا:

سَلْسَبِيّلْ · 2012-01-16, 20:42

والله من اروع ما يكون لكن للاسف طريقة نزع العظم من الدجاج للان مقدرتش نتعلمها المهم انا الاولى لاكل من المائدة بارك الله فيك

imi122009 · 2012-01-16, 21:36

emmmmmmmm y3etik essaha nchallah njarebha

جسور المحبة · 2012-01-16, 21:43

بارك الله فيك هذي الوصفة كنت نحوس كيفها خاصة للضيوف واذا عندك كش وصفات فيدينا بيهم وربي يجعلهم في ميزان حسناتك

حلم جميل · 2012-01-16, 21:55

يعطيك الصحة
ما شاء الله عليك

مقدسية · 2012-01-16, 22:18

اقتباس:

المشاركة الأصلية كتبت بواسطة hanadi193

والله من اروع ما يكون لكن للاسف طريقة نزع العظم من الدجاج للان مقدرتش نتعلمها المهم انا الاولى لاكل من المائدة بارك الله فيك

انت الاروع عزيزتي ،مسرورة جدا بردك الطيب،وبالنسبة لنزع العظم السر في سكين حاد ومادابيك جديد وغير مستعمل،وبالشوية تبعي لعظم واكيد راح تنجحي بادن الله.

مقدسية · 2012-01-16, 22:26

اقتباس:

المشاركة الأصلية كتبت بواسطة imi122009

emmmmmmmm y3etik essaha nchallah njarebha

الله يسلمك حبيبتي اسعدني ردك الطيب ،بالتوفيق.

مقدسية · 2012-01-16, 22:39

اقتباس:

المشاركة الأصلية كتبت بواسطة جسور المحبة

بارك الله فيك هذي الوصفة كنت نحوس كيفها خاصة للضيوف واذا عندك كش وصفات فيدينا بيهم وربي يجعلهم في ميزان حسناتك

وفيك بارك الله عزيزتي جسور المحبة،الوصفة فعلا مناسبة للضياف،خاصة ادا رافقتها شربة خضار اوحتى شربة فريك،جربيها مع عايلتك ثم اكرمي بيها ضيوفك ،بالتوفيق.