احلى مشوك اقتصادي

[جومانة09]

اليوم جبتلكم حلويات المشوك...اقتصادي و ذوقو يهبل
المقادير
250غ زبدة طرية
5 بيضات:3صفار و 2كاملين و احتفظي ب3بياض الباقين
كاس نشاء
تقريب كاس سكر ناعم,,,,مش مليان
كيس و نصف خميرة حلويات يعني تقريب 3 ملاعق صغيرة.
فانيلا
نصف كاس فول سوداني مرحي او قشور ليمونة
فرينة
و تحتاجي فول سوداني كانو شرائح نسموه cacahuètes effilées و راح تشوفي الشكل
شوية عسل يكون سخون و مخفف
الطريقة
تخلطي جيدا بكف اليد او الروبو الزبدة و السكر و الفانيلا
ثم تضيفي البيض ثم النشاء و الفول السوداني المرحي او قشور الليمون
وبعد تزيدي الفرينة و الخميرة و ماتضيفيش بزاف فرينة بش تبقى العجينة طرية و بعد تجيك الحبة خفيفة ماتحسيش ذوق العجينة

شكليها كريات بحجم اللوز.......شوفي

ومن بعد كل كرة مرريها في بياض البيض اللي تبقى و خفقتيه شوية بالشوكة ثم مرريها في الفول السوداني الشرائح. و حاولي تلصقي مليح الشرائح على الحبة و ايضا حاولي ماتبقاش الحبة مكورة لكن اضغطي عليها شوية بايدك تصبح اقل سمك من الكرة حتى تطهى جيدا...

و حطيهم في اكياس ورقية في الصينية بش يدخلو الفرن

وكي تخرجيهم صبي على كل حبة ملعقة اكل عسل سخون مخفف بالماء الزهر او مخفف بماء ورد بش مايجيش حلو بزاف بزاف

وشوفي شكلهم الحلو,,,,يقدم مع القهوة روعة

بصحتكم و نستنى الردوووووووووووووووووووووووووووووووووووووووووود

[remadna]

بارك الله فيك جومانة

[mimicha1977]

يعطيك صحةجومانه هايل تسلم ايدك

[الصوامعية]

يعطيك الصحة خرجولك شابين

[*شهد العسل*]

ام هايل يعطيك الصحة

[azade]

الله يحفضك ؤائع جدااااااا نموت علبه شكرااااااااااااااااااااا

[ام محمد ميدو]

يعطيك الصحة انا مالفة نديرو لكن حنا نسموه الكابريزة على خاطر يتعسل

[2ne1girl]

بارك الله فيك

[راجية عفو العفو]

يعطيك الصحة اختي
سؤال ربي يحفظك
الفول السوداني محمر اوخضر واش ضروري هو والحامض او غير واحد فيهم يكفي

[أم أحمد عبد الصمد]

نفس طريقتي ، ربي يحفظك

[فايزة العباسية]

شكرا جومانة طريقتك تشبه لطريقتي انا برك ما نديرش السكر الناعم ندير السكر العادي ان شاء الله نجرب طريقتك وتكون

افضل

[ام سهام 02]

تسلم الايادي.

[أم إناس]

يعطيك الصحه خرجلك رووووووووعه

[الماسة النادرة]

شكرا راح نجرب الوصفة لانها اقتصادية وشابة

[الأمنيات]

يعطيك الصحة شكرا على الوصفه