هل عمل المراة بعد الزواج ضروري ؟؟؟؟؟؟؟؟؟؟؟؟؟؟؟؟؟؟

[oumbissen]

والله موضوع العمل رهو ماثر في بزاف أنا حابة نخدم
وهو مهوش مقتنع بزاف خاصة أنا نسكن مع والديه
وش تحبو مرت الطفل الصغير سما به ندير داري وحدي يحبلي
لهدا عدت نفكر به نخدم في تاع تشغيل الشباب وفعلا
لقيت خدمة .لكن هو معارض شوي والفني في الدار نخدم على
والديه .إقتنع معية لكن بصعوبة قلت نجرب ولا معجبتنش
نولي ندير دروس الدعم في anglais
أنا اقتنعت بلي التي متشروطش في الأول راهي تولي كلخديمة على ملين زوجها
زوجي انسان طيب وناس ملاح لكن مشكلتي أني مقدرتش نتاقلم معا هذا الوضع
هسة روحي تكلهت مهكمتش داري وحدي ما خدمت .............والله ساعات نولي غير
نبكي حد الموضوع أثر في بزاف أدعولي ربي يفتح عليا
أرجو كل من يقرا حد يرد علي ولو بكلمة تونسني ........................

[سجل أنا جزائري]

يا أختي قليل ليرضى على حالو

والديه هما والديك اذا خدميته وين المشكل .؟ و اصلا ربي راح يباركلك و تكبيري في عين زوجك اذا خدمتيهم

و ايضا مثل ما قلتي زوجك طيب و يتحاور معك يعني مش مسيف علييك

فهل ترضين أم زوحك تخدم علييك في الدار و نتي تخدمي برى ؟؟ وش راح يقولو عليه والديه ؟؟

يا ختي أنا في رايي راكي غير تكبري في مشكلة صحيح أي وحدة تتمنى تعيش واحدها مي لازم تتفهمي وضعية زوجك

قولي الحمد لله

ربي يهنيك أختي

[الواثق]

الله يهديك اختي.......................ونا نقلك لو خدمتي في التشغيل رايحة تريحي ؟؟؟؟؟..........والله تندمي وانا على بالي بيهم اصلا عالم ذئاب مليء بالمعاكاسات والنميمة والكذب والنفاق .........................وزيدي انت ماشاء متزوجة وتهتمي ببيتك حاولي تقتني بالوضع اللي فيه لانك تحبين زوجكي واولادكي وهذا اثمن من اي شيء وهادي اكبر تضحية ولكي فيها اجر كبير ..........ونزيدك انت تقولي نخدم باش ندير سكنى ...................احنا رانا مسلمين ونأمنو بربي وربي هو اللي يرزق احنا نوفرو اسباب الرزق الحلال وننتظرو النتيجة ........................والبركة في القليل واعظم شيء المودة والحب بينك وبين زوجك مع ارضاء الله عزوجل هادي راهي اغلب العائلات ماعندهمش ومحرومين منها بالرغم انهم يسكنو فيلات و مساكن كبيرة ...............وحافظي على دينك وسترك وزوجك واي حاجة تحوس تقترب من هادو اضربيها عرض الحائط راهو من عمل الشيطان.......................وبارك الله فيك ووفقكي الله لخير الدنيا والاخرة واسعدكي بحلاله وابعدكي عن حرامه.............................وديري قاعدة ديما ..........انظري لدنياكي لما هو اقل منكي ولاخرتكي لمن هو اعلى منكي..............................والله المستعان

[nesrina10]

نصيحتي ليك أختي الحبيبة اذا ماراكيش مضطرة للعمل اذ بيتك أحسن لك وأستر انا ماشي متزوجة لكن رغم اني فتاة افضل البيت علما اني فعلا اريد ان اعمل لأعيل نفسي لكن في عمل محترم والسؤال كاش ما بقى حرمة ولا احترام الا من رحم ربي
أختي اهتمي بمملكتك لو كنت طبيبة تحتاج النساء لك لوافقتك لو كنت في موضح حساس وضروري لشجعتك ولكنك فيمكان أرقى واسمى ابنة لغير والديك ولكنهم والديك وزوجة وان شاء الله ام
اغتنمي الفرصة وابتغي الثواب من الله وديري في بالك اي قرار تتخذيه يكون لوجه الله ويرضي الله عز وجل .
وزيد تاني مالزمش نهار كامل ونتي تخدمي في شغل الدار كامل نعرفو شغل الدار مايخلاصش نظمي وقتك واجعلي شغل الدار متعة ماشي غبينة
ربي يثبت ويهديك

[1954مريم]

السلام عليكم اختي الكريمة ربي يهديك ويريحك دنيا واخر

انا اريد ان اعرف سببك للعمل ؟
1/هل هو رغبة في الخروج فقط من المنزل من باب الفراغ ؟
2/ام هو من بابا باش يقولوا صحباتك واهلك شاطرة وعايشة حياتها مزوجة وخدامة ودارها وحدها بمعنى بريستيج ؟
3/ ام انك ترين ان خدمتك لوالديه تطياح بمقامك واهانة لشخصك الكريم .
3/ ام سعياك للعمل من باب الحاجة .
اختي الكريمة نبداو نجيبوا
اذا كان من باب الحاجة فهو اول من تقدير الحاجة وهل هي صح انك محتاج ماديا ما كيش قادرة تاكلي وتشربي وتلبسي .
اذا كنت تبحثي عن كلام الناس والله ما يعجبهم العجب واحد ما راهو حاس بالاخر اذا كنت انت مرتاحة وهما يهدروا واش يهمك واذاكنت انت تعبانة وهما يقولوا ايه بصحتها الخدمة والراجال والدار وانت في الحقيقة ممتعبة هل بكلامهم نفعوك اختي شوفي راحتك وراحة زوجك حتى امك وابوك ما دخلهمش فيك وو احد ما يحس ويقيم السعادة والراحة الاانت .
نعطيك مثال فقط عندي صحبتي خدامة وتعبانة صح بحكم هي ان العمل بعيد والابتدائي وهي عندها اولا د ولما تتشترت بيت وكملت لخلاص جاء الزوج الكريم وكتبه باسموا وقالها دراهمي في نظر الناس راه احسن وحدة خدامة وعندها او لاد واشترت بيت واش يخصها لكن هي حالتها يعلم ببها ربي حتى مرة قالت لي احد الزميلات شفتي حياة فلانة قلت لها الله يرحم والديك ربي يعطيها ويعطيك واش اعطاها قالت لي امين قلت لها استغفر الله راه ما كان حتى واحد متهني .افهمي المعنى اختي الناس تحكم على الظاهر .فقط
اما اذا كان عملك باش ما تخدميش والديه اختي الله يهديك الواحد راه يحوس على دعاوي الخير حتى من الحيوانات والجيران باش يكسب حسنات لعل الله يرحمنا وانت راك تعملي فيهم طاعة لزوجك شكون خير منك وزيدي واش راك تخدمي فيهم مجرد الطيخ وتنظيف البيت تسمس هذه خدمة الله يهديك ياربي .
انا نعرف وحدة عجوزتها معاقة وتلبس حفاظات مدة 6 سنوات وهي معاناة وفوق من ذلك كي تجيها الحالة تبات تعيط وتبقى معها تخيلي لدرجة انها حبست الذهاب لعند باباها باش تبقى تخدمها ...وعنده بناتها بصح نهار اللي قلنا لها اجعليها باب من ابواب الجنة بمعتى ما تحسيهاش عجوزز ولا اهاتة ليك بل اعتبريها ربي افتح لك بابا من ابواب الجنة وانطلقي من هذا البرنامج وبرمجي مخك الاواعي تخيلي والله قالت حتى الحمل اخرته واتفقت مع زوجها والحمد لله خدمتها حتى تو فاه الله ورزقت بعدها بتوام بنت وولد وزوجها راه حاطة في عينيه يقول حتى في المنام نجيه يماه وتقولوا تهلى في فلانة .
اختي دعاوي الخير راه ذخر وكنز واعلاه نقفلوا باب خير جانا من باب الواسع راجعي حسباتك .
اذ=ا كنت تحبي العمل من باب الفراغ والله اعجب لمراة مسلمة مع احتراماتي تقول عندي فراغ
اتعلمي حرفة خياطة طرز كروشيه صناعة الافرشة ...حلويات ...صنع الورد المهم اي شئ تستمثري وقتك به مش عيب باش وحدة ليسانسي تعمل اعمال يدوية عادي جدا
نقولك حاجة انا ليسانسي ونعمل استاذة وفي الصيف كنت نعمل النساء بعض الحرف كالحلويات ووالكروشيه عادي المهم انني اعمل واستثمر وقني وافيد واستفيد .
كذلك احفظي القران انظمي لجمعية خيرية نسويه واعملوا اعمال تفيد المجتمع كجمع التبرعات والالبسة والاغذية وتو زيعها على الفقراء والايتام ...اجتمعي انت والنسوة وقدموا محاظرات ودروس دينية اجتماعية ثقافية والله هذاك العمل مفيد سبحان الله حتى ربي يبارك في اعمالكم وفي اعماركم
اما اذا كان معندكمش هذه الجمعيات ممكن نتواصل خاص
ونظيفك على ال***** وتكوني معنا في جمعيات واخوات نحفظ القران ونقدم دروس للاخوات من كل انحاء العالم
ومؤخرا فتحنا غرفة جديدة ومعنا معضم الاخوات من الجزائر واخت سويسرية اعتنقت الاسلام حديثا نقدم فيها دروس لغات ورياضيات وتجويد وتحفيظ ودورات في الحياة الزوجية وتربية الاولاد المهم رايحة تستفادي وتفيدينا وكل هذا الاجر على الله
انا انتظرك اختي وسوف نبداء قريبا ويوم السبت عندنا درس لغة عربية تقدمه اختك الفقيرة لله انا فيي انتظار انظمامك الينا
ويشرفني حظورك معنا
اختي الغالية ربي يفرج همك ويسترك ويرزقك من حيث لا تحتسبين تريثي ولا تعطي للشيطان فرصة ليخرب بيتك الدنيا لفناء ولا يبقى الا العمل الصالح وكل الاعمال ان لم تكن خالصة وفيها ثواب فيهي هباء متثور لو كان المال ينفع لنفع قارون ولو كان العز ينفع لنفع هاورن .
اختي اذا كنت تشوفي في دروس الدعم راه مليحة جربي ونظمي وقتك وربي يسل امرك انتظر زيارتك والسلام عليكم

[oumbissen]

شكرا لكل من ساهم ولو بكلمة بتخفيف علي
أولا أختي يشرفني أني نشارك معكم .....
أما من ناحية الخدمة أنا عندي لسانس في anglais
خايفة أني ننسى وش درست لهدا عدت نفكر به أقل شي
ندير دروس الدعم به نعمر وقتي ............
نشكرك بزاف مريم ،ماذا تنصحني هل أعمل في هادي المدرسة
خاصة وهي بجوار بيتي ؟؟؟؟؟؟؟؟زوجي قالي جربي وشوفي .......
مشكلتي ليست مع والديه لكن لما يجوا بنات العجوز يعمروها
علي وحبن لما يجوا يحبو يفوتوا العطلة على ضهري وهما قاعدين .............
الحمدالله على كل شي ..............
وش ردك في مشروع روضة ...خاصة زوجي موافق عليها ويشجعني به نديرها في دارنا حابة تمدلي إسم هدا الباب
شكرا

[1954مريم]

السلام عليكم ورحمة الله تعالى وبركاته
اختي الكريمة ربي يجزيك الفردوس بغير حساب
نحي من راسك ان اخوات زوجك يعمروها عليك اعلاه واش رايح يقولوا لها هي تعرف كل شئ
انت قومي بواجبك وهما احرار سياتي يوما وتكتشف الحقيقة وزيدي انت اعلاه ما تكسبيش اخوات زوجك راه ساهلة رحبي بهم يضيفيهم اضحكي معاهم احكي معاهم
وزيدي اعتبريهم خوتاتك عادي جدا نهار مليح ونهار مش مليح
ونحي من بالك انهم يفوتوا العطلة على ظهرك عادي اخدمي واش قدرتي واطلبي منهم يعاونوك
قال اختي حابة ندير محاجب واش رايكم تدخلوا معايا للكوزين نتعاونوا ساهلة مش رايحين يرفضوا
انت كما يقولوا بالمثل الضيف نكرمه 3 ايام واجب ومن بعدها يصبح مول الدار انت اظهري الفرحة ليهم والتواضع وانسي انك قارية وانك راه الدنيا والمحبة لا تبنى بالشهادات اختي بالكلام الحلو والمعاملة الطيبة
.تعطيهم هدايا زوريهم في دارهم وانت ادرى بطبيعة احوالهم لان لكل قلب مفتاح اعرفي مفتاحهم تسكني قلوبهم بلا عناء .

بالمسبة لمشروع الروضة هايلة ربي يوفقك احسن مشروع ومدخوله كبير وانت تتحكمي في الوقت
عندي صديقة فاتحة فرنسية تحضيري ودروس دعم قالت لي ربي يبارك وهي قارية في اسبانيا وزوجها اسباني
راه جاتها مليحة حددي الملغ والمكان والعد وربي يسهل
انا في انتظار انظمام ك الينا اختي وان شاء الله نسمعوا اخبار مفرحةة ولوكانت كنت قريبة انا اول واحد يقراء عندك بصح بلا عصا راني والو في اللغات ....................بالتوفيق اختي سلام

[oumbissen]

أختي سترهتلك بزاف حبيت نشاورك كفه يمكن أني نتصل بيك
وكيفاه ندخل لهده الجمعية ألي قلتي عليها ؟؟؟؟؟؟؟؟؟؟؟؟؟؟
والله ناس كما انتي أختي راهم خلاصوا ألي تشكيه في وقتنا
هدا يزيدوا عليه ........

[1954مريم]

السلام عليكم شكرا لمشاعرك الطيبة واشكرك على الثقة

الاتصال اتصلي باحد الاخوات المشرفات ونعطيك ال...س..ك..ا..ي..ب وننتواصل وهذه الغرف اختي في النت ونتواصل المهم كي نلتقي نحكيوا
انا انتظرك ............سك....ي..ب..ي

[oumbissen]

أختي لم أفهم كيفه نتصل بيك ب س ك ي ب .......
كفه ندير به نجيب pseudo تعك
شكرا

[عُضو مُحترم]

اطلبي الطلاق


و روحي تخدمي

[1954مريم]

السلام عليكم اختي اتصلي بوحدة من المشرفات الاخت اعتماد مثلا هي توصلك

[oumbissen]

لاحول ولا قوة إلى بالله .............
أختي مريم أنتضر من فضلك ردك

[oumbissen]

yaokhty mafhamtache kifah natasal bilmouchrifat smhily
lakin mafhamtach momkin twadhily....akthar

[1954مريم]

السلام عليكم اختي انا ثاني ما نعرفش
لكن كاين اخوات طلبوا مني التواصل اتصلت بيا الاخت اعتماد واعطاتني الرسالة ومرة اخرى كاين اخت اخرة زمردة على ما اعتقد
يمكن انت اتصلي باي مشوفة عطيها س..ك..ايب وهي توصل بيناتنا
انا نحاول نشوف وربي يقدر الخير