هل تصلح للزواج

مشكلتي · 2011-11-30, 21:03

السلام عليكم
ما رايكم بصاحبة ال17 سنة من العمر هل تصلح للزواج في هذا الزمان ؟

صريحة · 2011-12-01, 10:19

كاين وكاين على حساب عقليتها و تربيتها و كاين ل عندها 29 سنة و ماعندها حتى مسؤولية للتحمل الزواج ما تشوفش للسن برك ادرس الموضوع من كل النواحي

moi* · 2011-12-01, 10:36

في رايي الشخصي لا اظن ذلك
في زماننا هذا تجدهاصاحبة30 و ليست مسؤولة الا من رحم ربك

فما بالك بمراهقة تتغير نفسيتها بين اليوم والاخر؟

هيام الجزائر · 2011-12-01, 11:09

إديها صغيرة وربيها بين إديك .......وماتنساش لعروس صغيرة وتبهديلة كبير ......ربي يسهلكم ويفرج عليك وعليها أمين

غنوشة · 2011-12-01, 13:02

لا أرى مشكلة في العمر الصغير بل المشكلة في الأهل وطريقة التربية ،بشرطة تكمل أنت في تطوير شخصيتها ....أنا عندي 2 من بنات أخواتي تزوجوا في سن 17 و18 وعندهم الأن أولاد حياتهم جميلة ومستقرى هل تعلم السبب لأنهم تعلموا من الصغر تحمل المسؤلية

- بصمة خير - · 2011-12-01, 13:07

صلي الاستخارة و سقسي عليها
ممكن تكون صغيرة في العمر و كبيرة في العقل

مكانش رأي مطلق في الحالات هذه
ربي يوفق

صُبح الأندلس · 2011-12-01, 13:19

عجبا لمن يقول (ايديها صغيرة و ربيها على يديك) و هل صاحبة 17 سنة تحتاج تربية من جديد؟ هي كما هي سيئة أم جيدة و الشخصية تتكون في الصغر لا الكبر
لو كنت في زمن آبائنا لقلنا لك نعم و لكن في هذا الوقت ضف إلى كل عمر على الأقل 5 سنوات حتى تحصل على مرحلة النضج المطلوبة و على كل حال أنت و رأيك و كل واحد يتحمل مسؤولية اختياره

نورالهدى** · 2011-12-01, 13:50

كل طفلة وكيفاش

وفي جميع الاحوال لازم تتعامل معها ديما بمراعاة لصغر سنها

faraday_dz · 2011-12-01, 13:58

استخر الله في هذا الامر. و صغرها لا يعني عجزها و لكن هل هي من النوع الذي يتاثر بمحيطه بسهولة كيما نقولو بالعامية الريج لي يجي يديها.هنا لابد ان تفكر الف مرة فبنت في 17 اكيد عندها صديقات في مثل عمرها و يقدرو يعمرولها راسها و عندي صديق صراتلو نفس الحالة هو حابها تلبس لباس محتشم و هي قبلت في الاول وصحاباتها اثرو فيها و ماخذاتش رايو و هو صبر و صبر ومبعد تفارقو. هذا مثلا اللباس و راي الرجل. والخطبة وعد بالزواج و تقدر تحكم وتتخذ قرار و هي ثاني و ربي يوفقك ويسهلك

/زهرة عصفور الجنة/ · 2011-12-01, 14:05

لا اظنها تصلح...................

hamsa1987 · 2011-12-01, 14:07

17 سنة ؟؟؟؟؟ صغيرة بزاف في عقلها وا مازلت ما كبؤتش وا هيش تاع مسؤولية هي درك كون تخطبها تفرح بصح مبعد متاكدة كي تتزوج و تشوف المسؤولية اللي طاحت عليها تولي تبكي دموع عمرها من الندامة

الوقت راهو تبدل مش كيما في وقت الرسول ، في هذا الزمان انا واحدة من الناس راني نشوف في روحي كبرت في تخمامي بصح مازلت خايفة من المسؤولية فما بالك بواحدة 17 سنة ؟؟؟؟

امراة لاتقهرها الاحزان · 2011-12-01, 14:14

والله هاذ امر صعيب واحد ما يقدر يقولك هيه ولا لالا كان 17 تبقاها مرا ونص وكان 40 سنة والله لليوم راهي فالمراهقة واني نهدر على وقائع
المهم انا 17 سنة جاتني صغيرة كيفاه راح تكمل قرايتها و لالا ووووووو اتمني من الله عز وجل ان ينور دربك امين يارب

كمال يحيى18 · 2011-12-01, 14:22

قد تكون صغيرة في العمر و كبيرة في العقل لأن العمر ليس مقياسا رئيسيا بل تسبقه معايير أخرى قد يكون عمرها 40سنة ولا تصلح تماما لكن من الأفضل حسب رأيي أن تكون 23بين و26سنة

هاجر 76 · 2011-12-01, 14:45

حساب وحساب مرات تلقا وحدة عندها فوق التلاتين وعقلها خفيف وكاين صغيرة ورزينة لكن مع هدا الانتظار مليح حتى تمر 3 سنوات او اكتر
وليس افضل من الاستخارة فى امور الزواج

moonlight19 · 2011-12-01, 16:02

على حسب رايي
اصعب وقت يمر به الشباب هو المراهقة و جيل تاع دوك عقلو صغير
راكم كامل شايفينهم في الثانويات كيفاش يديرو
بالصح مالوموهمش مازالو صغار
والله 17 سنة صغيرة على المسؤولية خاصة في هذا الوقت