أخشى أن أتزوجه و لا يفي بوعوده

[مشكلتي]

السلام عليكم
انا فتاة ابلغ من العمر 18 سنة احب شخص لدرجة الجنون وعدني بالزواج
بصراحة انا لا اتحدث معه الا نادرا
أخاف من شيء وحيييد

دائما يوعدني ويقولي نديرلك في الدنيا دنيتين
بصح الي راني خايفة منها انو لالا يعاملني بالعكس وتاني راني خايفة كون غدوة من غدوة نتزوج بيه ومن بعد ميديرليش قيمة
مع انو شخص لاباس بيه دين واخلاق

بصح راني متخوفة الله يجازيكم جاوبوني
كيفاه ندير

[فارس الجزائري]

السلام عليكم
يا اختي في مثل هذه الامور لايصح الا الصحيح
يتقدم اليك رسمي والاهل اكيد سيسألون عنه وستعرفينه اكثر في فترة الخطوبة غير ذلك لا انصح بشيئ آخر

[الامل بالله]

كلالالالالالام الاخ فارس صحيح و انت مزلتي صغيرة و الحياة قدامك هذا وين بديتي تبني في حياتك و نقوللك انا فهمتك رانا في نفس العمر نصيحتي اهتمي بدراستك و كل شي يجي وقتو اتمنى ان تقبلي نصيحتي و متزعفيش هاذي مصلحتك ختيتو لو كنت في مكانك ساعمل بهذه النصيحة ربي معاك راني عارفة القلب ربي معااااااك

[looona]

لايصح الا الصحيح

[achwak.1993]

الهدرة راهي باطل يا أختي العزيزة
اليوم معاك وغدوة تسمعي بيه تزوج
واسمحيلي على صراحتي
لأني في نفس عمرك و جربت هذا الاحساس سابقا وأفهمك جيدا
لكن الرجال ليس لهم أمان صدقيني

[khado586]

ana tani jais 18 ans ana nkoulak ida lkiti lhal atihouli

[-amine-03]

الخطبة اولا ومن بعد اهدري معاه...............

[moi*]

يجي يخطب من بعد خمي في هذي الامور
لانو في هذا الزمان لا امااااااااان في الكلام اليوم يهواك وعندما يخطب لا يراك
تاكدي من مشاعره جيدا عندما ياتي الى المنزل ويدخل من الباب
وانا في رايي انك مازلت صغيرة جداااااااااااا على امور الزواج
وبين 18و 20 يتبدلو الافكار 180%

[moh-r]

ittaki allah soubhano
makach hob kabla azzawadj
li hab yetzawadj yrouh yekhtob moubachara min waldiha
mayel3abch bi a3rad annas
i

[هبة الله أريج]

اختي اقري و كوني مستقبلك و شخصيتك مليح و فكري قبل كل شيء هذا مصري الدهر
و اذا يحبك راح يخطبك

[نورسين.داية]

أكره الوعود ......و مضيعة الوقت في سماعها

[صُبح الأندلس]

تحبينه إلى درجة الجنون و عندما يريدك زوجة تترددين !!!! و لم أحببته أصلا ؟
لا تتحدثين معه إلا نادرا و مع ذلك وعدك بدنيتين ؟
معادلة صعبة تنقصها بعض الأطراف لتتضح المعالم
الخلاصة من أرادك فباب أبيك مفتوح أما الوعود فالزواج وحده كفيل بكشفها

[fifi180]

18 سنة مازالت مشاعرك غير مستقرة صدقيني وادا عينو فيك يجي يخطبك لتم تعرفي ادا قد كلمته والا لا لان الرجال يبحقوا نقطة الخطبة والارتباط الرسمي يتبدلوا 180 درجة اقري خيرلك ماتنفعك غير قرايتك على الاقل كان تزوجتي في يوم و طاحت براجلك انت تهزيه و تلقي سلاح كبير بين يديك هو ديبلومك

[djamel123]

المشاركة الأصلية كتبت بواسطة مشكلتي

دائما يوعدني ويقولي نديرلك في الدنيا دنيتين

تخافي راه يقصد يضربك حتى تولي تشوفي فالدنيا دنيتين ههههه

بالصح عموما، مكانش أحسن من الحلال.

[حلاوة_87]

اختي اولا ما زلتي صغيرة وكلما كبرت في السن كلما تبدلو افكارك ونظرتك للحياة..لذا متتسرعيش..
وتاني نقولك ماكانش احسن من الحلال يتقدم يخطبك ومن بعد كل شيء بوقته ووقتها تعرفي وش تخمي..
وبخصوص يديرلك الدنيا دنيتين...قوليله يتزوجك و يجمعهملك دنيا وحدة وعيشي فيها تخافي تتبحري وسطهم ومتعرفي وين راكي عايشة لا دنيا1 ولا دنيا 2...