رفض الأهل

[FM 18]

السلام عليكم،

أهلك رفضوا خطبتها لك أو أهلها رفضوك

أهله رفضوا خطبتك له أو أهلك رفضوه

ماذا تفعل(ين) ؟؟؟

[الواثق]

نحاول نرضي الاطراف .....................اذا مكانش ............اقول حسبي الله ونعم الوكيل ....................ونصبر .....................هذا هو الحل الوحيد

[جسور المحبة]

ااااااااااه يا اخي تقول راك علا بالك باحوالي انا راني نعاني من هذا المشكل اهلو قابلين وهو قابل وانا ما عندي حتى مشكل المشكل في اهلي مش حابين على جال مش من ولايتي وانا جامعية وهو لا

[مشكاة الهدى]

موقف حقيقي عايشته
قريبي اراد خطبتي اهله رفضو بشدة رغم ان بيننا صلة وقرابة
رفض ابي بدوره واقسام ايمان الا اكون من نصيبه وحدثت خلافات بين العائلتين

[المتيقنة بالله سارة]

المشاركة الأصلية كتبت بواسطة جسور المحبة

ااااااااااه يا اخي تقول راك علا بالك باحوالي انا راني نعاني من هذا المشكل اهلو قابلين وهو قابل وانا ما عندي حتى مشكل المشكل في اهلي مش حابين على جال مش من ولايتي وانا جامعية وهو لا

...يعني حالتي لا تختلف عنكي اختي جسور المحبة لكن اهلي رفضو لانو انا جامعية وهو مستوى الثانوي.لكن الولاية معندهاش دخل
راني نحاول نقنع امي بالاك ربي يحنن قلبها وتقبل يا رب........لاخاطر مكاش حل معدا الدعاء والاستغفار والاستخارة والله الموفق.

[جسور المحبة]

انا يما مش حابة تبعدني وعمي بحكم انو ولي امري لانو الوالد الله يرحمو مش قابل لانو مش من مستوايا واصل للتاسعة في حين انو عمي زوج ابنو لوحدة بعيدة بزاف عن ولايتنا اكثر من الف كم والطفلة هذي مش قارية اصلا غير في الجامع وليد عمي محبس في الباك ايا وش تقولي ؟

[الفرحة معكم]

ادا اهله رفضو خطبتي لولدهم مادمت في دارنا لايعنيني الامر يدبر راسو مع اهلو اما ادا رفضه اهلي بصدق اتناقش معهم واحاول فهم وجهة نظرهم على الاقل يقنعوني (استعينوابالصبروالصلاة).

[biologie2001]

ادا رفض اهلي .. مبدئيا أحاول اقناعهم و سماع سبب رفضهم....... فادا لم أستطع اقناعهم فلا حول لي و لا قوة ...... كما يقولو ناس بكري *** رضاية الله و رضاية الوالدين***

[ام رحوقة]

صراتلي نفس القصة هو قريبي جاء خطبني واهلي رفضو بحجة انني لازم نكمل قرايتي بالشوي بالشوي كبرت المشاكل وابي نايفني لما عرف اني نهدر معاه في الهاتف وماما نايفتني لانني رفضت اكمال الدراسة وقبلت الزواج ولكم ان تتخيلو النار الي كنت فيها مابين اهلي وقرايتي وحبي لكن اخترت حبي لان كل العائلة وافقتني وشجعتنا ونهار عرسي رحت لماما قبلت عليها وخرجت من دارنا بلا عرس بلا والو كانت مناسبة صغيرة برك وشوية اقارب وضرك ماما راهي تموت على راجلي فهو في الاخير قريبها ههه وعندي بنت والحمد لله

[جسور المحبة]

ربي يدوم محبتكم ويهنيكم وضرك امورك عادية مع والديك ؟ انا ما نقدرش ندير حاجة وامي مش قابلة اما الباقي ما يهمنيش المهم رضا امي وفقط

[نسائم الهدى]

أهلوا ما قبلوش أكييييييييييييد ما راحش نعرف
منين رايحة نعرف بلي ما قبلوش؟؟؟
وأهلي ما قبلوش بيه لا يهمني
نهار تجي ماما وتقولي جا واحد خطبك وأبوك وافق نقوللها أوكي
وإدا جات وقالتلي خطبك واحد وأبوك ما قبلش نقوللها أوكي
أنا واش دخلني؟؟؟
وزيد أنا رايحة نعرف مصلحتي كثر أو خير من أبي وخاوتي؟؟؟
أكيد لالا إذاً ما يهمنيييييييييييييييييييش
سلاااااااااااااااااااااااااااااام

[ام هيثم مصعب]

]السلام عليكم ورحمة الله وبركاته يااختي مكانش في هدي الدنيا كما رضيت الوالدين برضيتهم ركي تبني في الجنة قصر وتعيشى في الدنيا هانية وسعيدة خير ماتعصيهم وتندمي طول حياتك الوالدين ههههههههم السترة ربي يطول فى عمرهم ادا قدرتي تقنعيهم بها ونعمت ولا ماقدرتيش ربي يجيبلك مكتوب وحد اوخر.

[سحر الجفون]

يا خاوتي انا ثاني كاين واحد نحبوا وهو يحبني بصح يماه مهيش قابله بصح بباه وخاوتوا قابلين وانا ثاني اهلي قابلين قولولي واش ندير انصحوني بنصيحة الله يستركم

[جسور المحبة]

يا جماعة لي عندو دعوة مقبولة يدعيلنا ربي يفرج عنا ويجعل لنا مخرجا

[راجي الصّمدِ]

إن شاء الله لا أعتقد أنه يكون رفض من جهة أهلي بإذن الله تعالى
وإن كان من جهتهم فلا حول ولا وقوة إلا بالله والله المستعان