غدا مهزلة ماستر برج بوعريريج

claud · 2011-10-20, 20:40

ألسلام عليكم ورحمة الله وبركاته
حبيتكم تقراو هذا الخبر لأنه غدا والله أعلم ستعلن نتائج الطبخة السرية الخاصة بماستر البرج , الله غالب ديما بلادنا هذي فيها العجب لكن اللي رايحين تشوفوه غدوا رايح نسيكم في كل حاجة , طبعا كلنا نعلم انه في الاول سمحوا لطلبة الكلاسيك بوضع ملفاتهم وكلنا رحنا جرينا وحطيناهم , وبعدها شاع خبر انه يسمح للطلبة الكلاسيك فقط اللي درسوا بهذه الجامعة , يعني كيما جارتنا سطيف ياك دايما يديروها , وبعدها خرج خبر آخر يقول انه سوف يسمح للطلبة الكلاسيك كامل يعني ممكن الناجحين يكونوا من غير الحاصلين على الشهادة من هذه الجامعة....هذا طبعا كاشما كتف صحيح سمع الخبر عيطلهم في الهاتف قاللهم واش بيكم ووليدنا نسيتوه.؟؟؟؟
هذا كله بدأ منذ تاريخ 5 أكتوبر ولحد الآن مزال مكان والو؟؟؟ لو حطيناهم في باج اكسل في دقيقة تخرجو الناجحين, لكن أستغفر الله الاكسل مافيهش دالة المعريفة (fonction du piston) .....
المهم غدا لا يستغرب احدكم اذا وجد اسم شخص قد قال له أنه لم يودع ملفه بتاتا يعني مثلا واحد اليوم يقلك انا ما حطيتش الدوسي نتاعي وغدوا تلقاه مع اللي خيروهم وهو عندو الحق لخاطر ماكذبش قالك ماحطيتش برك ماشي ما وصيتش .......
وما تستغربوش ايضا اذا لقيتوا واحد ناجح وانت متأكد انك تمتلك معدلا عام افضل منه لانه ما تنساش جميع الاساتذة هكذا جابو الشهادات نتاعهم "الا من رحم ربي".....

****************** المهم ياجماعة كل واحد يعطينا رأيو من ظرك حتى يفرج ربي ************************

فريد صغور · 2011-10-21, 11:53

بحسب علمي تم الاعلان عن المقبولين في الامس مساءا

ELMONTACIB · 2011-10-21, 12:19

الــــلــــــــــــــــــه أعلــــــــــــــــــــــــــم إلى أين تتجه الجزائر

claud · 2011-10-21, 20:15

نعم جاءني خبر والله أعلم انه قد تم اعلان القائمة الامس مساء, شوفو هذا التوقيت سبحان الله يعني يوم الخميس مساء معناه بعدو كاين يومين واليوم الثالث الناس يشوفو القائمة .....يا ربي وعافينا من تصرفات كيما هذي ....وانشاء الله مهما كان ما نديروش كيما هاذو المسؤولين.

claud · 2011-10-21, 20:22

والله يا أخي elmontacib رانا كرهنا واش رانا نشوفو ونسمعوا في هذي البلاد...رغم ان البلاد حاشاها ...العباد ليراهم يسيروا فيها ليماهمش ملاح, نقدروا نقولوا حاجة وحدة : حسبنا الله ونعم الوكيل في كل شخص كان سبب في تغيير النتائج المفروض انها تكون. وخاصة من الاساتذة ليراهم حاسبين رواحهم و راه كل واحد فيهم عندو سر في حصولو على شهادته والمنصب الي راه فيه,
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل