شداك تبع الزين .... ا صاحبي

اسماعيل الوهراني · 2011-10-19, 13:04

Avm ربحت الباك و خسرت البيام presente

احم ... العضو مكان والو تزوج ..

ارواحو نحكيلكم على مكان والو مسكين

حب يتزوج مع وحدة تاع الدين

ما لقا والو غير صحاب التمقنين

كان برا عجاباتو مولات سروال سليم

متحجبة مي تعرفو الشوشات خارجين

مطلسة بالماكياج و الحواجب ملقطين

قالها نديك اكووندسيون تتحجبين

تمشي فالطريق الصح ويولي عقلك رزين

تساعفيني و تتهلاي فالشوابين

قالتلو ايا اوكي رانا متفاهمين

راح في حطة كيما قاع الخطابين

يشوف أماليها هادو كي دايرين

مت الشيرة انوشة و بناتها مقلشين

ولدهم كترمنهم عقلية بابا فين

باباهم مرقها يدور بشورت ف لاكويزين

قالو مقروطة غير اخطيك ودي مولات الدين

قاله تحيا صحاب التيكي و المتنعمين

شوف نسابي ليزارغتيست تحسب ممتلين

قالو المشوكي انا تجربة عشر سنين

6 زوجات عرفي و 5 مطلقين

سوف تندم ان لم تاخد صاحبة الدين

ترتبت يداك قالها الرسول الامين

قالهم مكمش باغيين نتوما قاع غيارين

انا مكان والو فقير ومنيش زين

خلونا شوية مع الزلط و التفرعين

دارو عرس لاكلاس مخلط بالكرعين

راكم تعرفوه عرس تاع المخلوعين

موسيقى تبرج لا يرضي رب العالمين

شهر العسل في روما كي الطليانيين

مرتو خيرة ولاو يسموها جوزفين

و ماكان والو بالخلعة ولا زين زين

من بعد ولاو لبلادهم نورمال عايشين

مشكلة مشكلتين رانا مشكلين

مكان والو ناض صباح كيما قاع الخدامين

قالها طيبي قهوة قالتلو برا مع الكافيين

قالها صح الفطور ..ديزولي راني ريجيم

لا ميناج لا كسرا عجين هادي حالة المتزوجين

بيتزا نيميريك وافلام هنديين

راسو ضرو قالها عطيني كرطجين

وقلبي زاد حبس راني ناقص اكسجين

قاتلو حسبتني فارماسيان نتا راسك خشين

زعف ضربها بصفعة وشوية يدير كخيم

راحت شكات بيه لقا روحو مع المحامين

قاضي دار الشرع و رانا قاع حاصلين

خبطوه بحكم نافذ .. سجن عشر سنين

الحية كملت مال مال مال

مع مكان والو مسكين مسكين

شداك تبع الزين .... ا صاحبي

سماح 2 · 2011-10-19, 16:12

merciiiiiiiiiiiiiii

azouiomar · 2011-10-19, 20:17

واش اداه.............................................. ....

nessrine07 · 2011-10-19, 20:36

هاد الاغنية راهي نتاعي و انتم تعلقوا عليها
هاهاهاهاهاهاهاهاهاههااهاهاهاههااه
راهي تغني على نسرين و انا نسرين