وش رايكم في البراني؟؟؟؟؟؟؟؟؟؟؟؟

[جسور المحبة]

وش تقولو فلي يخطبها واحد مش من ولايتها مع انو عندو الدار وخدام ولاباس بيه غير على جال مش جامعي وبراني يعني بنتهم راح تبعد عليهم مئات الكيلومترات وتكون في مدينة بعيدة عن اهلها و شكون يهتم بيها اذا مرضت وشكون الي يساعدها في تربية اولادها وشكون الي يوقف بجنبها اذا تهانت من زوجها ولا من اهلو ؟ واذا هاذ الحوايج ما كانوش راح تنسى اهلها بمرور الزمن وكاش ما تكون مناسبة تلقى روحها بعيدة راح تقولقلي يجيبها لدارهم وقتاش يجيبها؟ كل شهرين ولا ثلاثة وشحال تقعد ؟ على لاكثر اسبوع اذا كانو ولادها يقراو. وقبل كل شيء كيفاش تقدر تجيب معلومات صحيحة راح لانو الخطاب رطاب . ارجو الرد

[nazz]

انا لا اعرف البراني لي يعرفو يقول رايو فيه

[نجمة ساطعة]

يا حي عليك هذا في ولاية اخرى وش رايك اختي خطبها واحد من الولاية لكن من منطقة بعيدة
و زيد مستوطنين غير بعيد علينا ب2 كلم و راهم دايريلنا مندبة قالك براني نندب على براني
و اذا ولاد لبلاد ما عجبناهمش نقعد نندب على براني يخي عقلية

[دارين14]

مساء الخير اختي عليك بصلاة الاستخارة لانه في وقتنا ختى بعود من بلادك ما تعرفيهش حتى وان تساءل عليه قليل ما يعطوك الجواب الكافي

[فتـ حييةـاة]

مافيها والو اختي ايلا تزوجتي بعيدة على داركم هذا مش سبب يخليك ترفضي اللي يخليك اخلاق الزوج شا تقولي فلي تزوجو خارج الجزائر...........................خليهم يجو يخطبوك كي تعرفو اللقب والعنوان ساهلة باش تسالوا عليه وربي يسهلك اختي واللي فيها الخير يجيبها ربي

[samah2]

المشاركة الأصلية كتبت بواسطة جسور المحبة

وش تقولو فلي يخطبها واحد مش من ولايتها مع انو عندو الدار وخدام ولاباس بيه غير على جال مش جامعي وبراني يعني بنتهم راح تبعد عليهم مئات الكيلومترات وتكون في مدينة بعيدة عن اهلها و شكون يهتم بيها اذا مرضت وشكون الي يساعدها في تربية اولادها وشكون الي يوقف بجنبها اذا تهانت من زوجها ولا من اهلو ؟ واذا هاذ الحوايج ما كانوش راح تنسى اهلها بمرور الزمن وكاش ما تكون مناسبة تلقى روحها بعيدة راح تقولقلي يجيبها لدارهم وقتاش يجيبها؟ كل شهرين ولا ثلاثة وشحال تقعد ؟ على لاكثر اسبوع اذا كانو ولادها يقراو. وقبل كل شيء كيفاش تقدر تجيب معلومات صحيحة راح لانو الخطاب رطاب . ارجو الرد

اختي الكريمة ارى انك مازلت محتارة في امرك .

اذا كما تقلين انه السيد يوجد عنده كل المؤهلات لفتح بيت وانت ترضين به لم لا .

واذا كنت لا تعرفين عنه شيء فحاول ان تسألي عنه او ارسلي اشخاص لتحري عنه.


ولكن من جهة انه ليس جامعي وانت جامعية اذا كنت مقتنعة به ولا تبالين الى كلام الناس فلا ارى هناك مانع.


وفقك الله ويسر امرك وامر كل بنات المؤمنيين .

[جسور المحبة]

بارك الله فيكم على الردود وربي يكملكم واللي عندو حاجة في نفسو ربي يسهلو فيها وارجو من البقية التفاعل

[مشكاة الهدى]

بسم الله الرحمن الرحيم
لافرق بين عربي او اعجمي الا بالتقوى
ونحن هنا لا نتكلم عن غير العربي انه عربي مسلم وانت اختي لديك اهل المفروض يسالو قبل الموافقة ولديك صلاة الاستخارة فما خاب من استخار

اما قولك انه ليس جامعي استغفري الله في قولك هذا هذا ليس معيارا ليقاس به الرجل التقوى والايمان الخوف من الله والعمل الشريف
نشالله ربي يجيب لي فيها الخير

[la mer bleu]

أنا نصيحتي ليك أخطيك مررت بنفس التجربة مع لول كان b1و كي بدا يقرب العرس خروجلي خرجات ماتصلحش بيا و ما نعرف الناس ماش كيف كيف و الإستخارة هي الحل

[Hicham Ahmed]

السلام عليكم

كل هذا من تبليس إبليس لعنة الله عليه = أعوذ بالله من الشيطان الرجيم = .. أختي الكريمة .. ما يهم في هذا الزمان هو حسن دين وخلق الرجل بالدرجة الأولى.. ثم تأتي بعده الأشياء المعروفة عند العوام .. فأنا أرى أن بعد المسافة ليس عائق ولا مشكلا في الزواج .. فقط أختي = وحاشى أن أظن بك سوء = .. لو كان هذا الرجل وبنفس المواصفات وبنفس الحالة من الخارج = فرنسا أو ألمانيا أو إنجلترا ... = هل سيتم تعقيد المسألة كهاته .. جوابك احتفظي به لنفسك .. وأعملي مقارنة بين الحالتين .. وستدركين ما أقول ..

أختي أنا أنصحك بالإستخارة مرة ومرات .. حتى يتبين لك الخيط الأبيض من الخيط الأسود .. وبذلك تكونين قد فوضتي أمرك لبارئك ..


الله الموفق لما هو خير..

[جسور المحبة]

اين انتم يا اصحاب الهمم العالية لا تبخلونا يا كرماء من ردودكم

[جسور المحبة]

اين انتم يا اعضاء المنتدى؟