الدرس الثالث من دورة تعليم الحلويات

[*أم كوثر*]

السلام عليكم و رحمة الله و بركاته
تم و الحمد لله تنزيل ثالث درس من دورة تعليم صنع الحلويات
نبدأ على بركة الله بكيفية تحضير عجينة الفيلو
المقادير
4كيلات فرينة
نصف الكيلة سمن ذائب
ملح
ماء وماء زهر للعجن
نعجنها جيدا و نخليها ترتاح

نبسطها بالرولو و نحاول قدر المستطاع نحلها على شكل مربع او مستطيل باه نستغلو كل العجينة و ماتضيعش في الحواف

النوع الاول الافندي او الشامية
للحشو
3 كيلات لوز او اللي موجود من المكسرات مع كيلة الاشويةسكر و 2 مغارف سمن وقليل من ماء زهر

نقطع شرائط و نرققهم في الالة في 3 تم 6 تم الرقم ما قبل الاخير كل وحدة و الالة لي عندها
نضع القطعة المفرودة و نغمرها بالنشاء

و نعاود مع الطبقة الاخرى حتى نصل 12 طبقة

نسويهم جيدا و نرققهم بالرولو جيدا للحصول علة طبقة واحدة رقيقة


من قبل كنت نورقها و نحي الزايد من النشاء اما الان استعملها عادي و تعطيني نفس النتيجة
نقطعها بواسطة مول او روقة بشكل مربع 7 على 7 و اللي تحب قطع صغار دير 5 او 6

و نحط القطع في كيس بلاستيكي لانها تنشف بسرعة
نكور الحشو و الباقي موضح بالصور




نفرص الاطراف مليح

هدا النوع اللي نحبو في هد الحلوى راااااااائع



و هدا ايضا اخلى و ابن

هنا نورق كل ورقة وحدها و ننثر فوقها الخليط
هنا الخليط ممكن تحطو مكسرات مرحية مع شوية سكر و قرفة
للامانة ماكانتش متوفرة استعملت جوز هند و سكر و قرفة و الطعم كان ماشاء الله هااااايل



و نصغط على الطرفين


و ندهنهم جيدا بالسمن و نطيبهم على خفيف لازم ما يحماروش

للان هدا افضل نوع سمن استعملته احسن حتى من لابال انصح باستعمال لافيه رائحة و لاشيئ و دوقه خفيف كما الزبدة

[*أم كوثر*]

النوع التاني
الاساور





لما يطيبوا مباشرة و هوما سخونين نغطسوهم في العسل
هنا لما جهزواااا









هدا نوع كنت عملتو قبل

[*أم كوثر*]

للامانة هنا ماكانش متوفر اللوز استعملت مكسرات منوعة
ايضا لانو كان عندي القاطو جربت كمية قليلة فقط من اجل الدرس يعني اللي حابة تجرب تكيل ب فنجان قهوة تخرجلها قرصة صغيرة تقدر تجرب بيها
ان اخطأت فمني ومن الشيطان و ان اصبت فمن الله وحده
و هو ولي التوفيق
أتمنى ان ارى تطبيقاتكم
و اي استفسار انا في الخدمة
و الله من وراء القصد

[remadna]

يعطيك الصحة ام كوثر جعلها الله في ميزان حسناتك
في الصورة 4 و 5 توجد 12 طبفة تاع العجين فوق بعضها؟

[بنت الطيب]

يسعدني أكون أول من ترد عليك بارك الله فيك وجعله الله في ميزان حسناتك انتظري تطبيقي حبيبتي

[*أم كوثر*]

نعم عزيزتي رماضنة في الصورة 4 و 5 12 طبقة فوق بعض و رققتهم في الرقم ماقبل الاخير للمشينة
بنت الطيب يسعدني دلك
بانتظار تطبيقك

[walid52211]

صباح الخير على الجميع جزاك الله كل خيراختي سوف اطبقها وارد عليك

[*أم كوثر*]

صباح الورد ام وليد
بانتظار تطبيقك
موفقة

[chiraz16]

بارك الله فيك اختي جاوك روعة نتمنى تحطيلنا درس على طريقة تحضير القريوش

[*أم كوثر*]

وفيك بارك الله اختي
ان شاء الله اعدك بوضع وصفة القريوش بالتفصيل الممل

[بنت الباهية]

الله يبارك* الله يبارك*الله يبارك
يعطيك الصحة و مزيد من التألق

[ام إثري]

يعطيك الصحة ام كوثر
سبق وجربتها العجينة ونزيد نجربها ونحطلك تشوفي في اقرب وقت ممكن

[جومانة09]

شكرا ام كوثر دائما متالقة
بخصوص البقلاوة بعجينة الفيلو اشرحيلي الطريقة بدقة بالتفصيل الممل ههههههههههههههه من فضلك

[بنت الطيب]

أختي أم كوثر ما يتعسلوش كي يطيبو؟؟؟

[/زهرة عصفور الجنة/]

بارك الله فيك روعة