الشورمة على اصول اصولها من مطبخ أم كوثر

*أم كوثر* · 2011-09-27, 22:33

السلام عليكم
من دون اطالة اترككم مع الكيفية
اولا تحضير الخبز
3 أكواب فرينة
ملح
ملعقة صغيرة سكر
نصف ملعقة صغيرة خميرة
بيضة واحدة
ماء دافي للعجن و نتركها ترتاح ربع ساعة

من بعد نكورها و نحلها بالرولو و نطيبها في طاجين حديد او مقلاة تقيلة

و نحطها في منشفة و كيس بلاستيكي حتى تبقى طرية
الصلصة السحرية اللي تعطي للشورمة سر البنة السورية
كريمة التوم
بياض بيضة
سنة توم
شوية ملح
ملعقة اكل خل و درة فلفل اسود كلهم في الميكسور و نضربهم مع اضافة الزيت متل طريقة المايونيز

نغسل جيدا الاسكالوب
و نحضر التتبيلة ا

لمتكونة من بصل و توم و ملعقة هريسة و ملح و فلفل اسود و كمون و توابل مشكلة و ملعقة زيت و ملعقة خل كلهم في ميكسور و نتبل فيهم الاسكالويب اطول وقت ممكن

من بعد نجيب حبة بطاطا و نقطعها من الاسفل و نجعلها كقاعدة

و نحط عليها سيخ و نحط نصف بصلة و نرص اطراف الاسكالوب ومن بعد شرحة طماطة و نحطهم في طبق و نحطهم فرن سااااخن

من بعد نقطعهم و نشوحهم في شوية

زيت و نسخن فحمة صفيرة

و نحطها في ورق المنيوم و نصب عليها شوية زيت حتى تخرج دخانها نحطها وسط الاسكالوب و نغلق عليها و هكدا تتنكه اكتر مما تتصورو و كانها مشوية على الفحم
نسيت ما صورتش هد المرحلة
من بعد التقديم مع سلطة و خيار و طماطم و بصل

سلااامي

majda archi · 2011-09-27, 22:38

ربي يبارك فحلة وعليك الكلام وكيما يقولو سوارا يسلم البطن الي حملك .ربي يبااااااااااااااااااااااااااارك عليك روعة.

سَلْسَبِيّلْ · 2011-09-27, 22:39

شهيتيني دائما متألقــــــــــــــــة بارك الله فيك اممم

انامل · 2011-09-27, 22:40

شكرا ختي كوثر على الشاورما

شهيتينا حرام عليك هههه

ام كمال · 2011-09-27, 22:57

الله يبارك اختى ام كوثر دايما مميزة وتتحفينا بالجديد الرائع وتشهينا وتفيدنا الله يجازيك والله نقولك راكى 20على و20 ربي ينورك كما راكى منورة المنتدى انا شخصيا رانى تعلمت من عندك الكثير و الكثير ربي يجازيك و ان شاء الله جعلها الله فى ميزان حسناتك ربي يحفظك

*أم كوثر* · 2011-09-27, 23:19

اقتباس:

المشاركة الأصلية كتبت بواسطة majda archi

ربي يبارك فحلة وعليك الكلام وكيما يقولو سوارا يسلم البطن الي حملك .ربي يبااااااااااااااااااااااااااارك عليك روعة.

الله يحفظك و يعليك اختي الكريمة شكرا

اقتباس:

المشاركة الأصلية كتبت بواسطة hanadi193

شهيتيني دائما متألقــــــــــــــــة بارك الله فيك اممم

و فيك بارك الله

اقتباس:

المشاركة الأصلية كتبت بواسطة انامل

شكرا ختي كوثر على الشاورما

شهيتينا حرام عليك هههه

ههههههه ما كان القصد اختي

اقتباس:

المشاركة الأصلية كتبت بواسطة ام كمال

الله يبارك اختى ام كوثر دايما مميزة وتتحفينا بالجديد الرائع وتشهينا وتفيدنا الله يجازيك والله نقولك راكى 20على و20 ربي ينورك كما راكى منورة المنتدى انا شخصيا رانى تعلمت من عندك الكثير و الكثير ربي يجازيك و ان شاء الله جعلها الله فى ميزان حسناتك ربي يحفظك

ربي يخليك ام كمال منورة وين ماتروحي حبيبتي

أمل العرب · 2011-09-27, 23:40

أمممممم ما شاء الله يعطيك الصحة يا أم كوثر تسلم ايدك حبيبتي

*أم كوثر* · 2011-09-28, 08:30

الله يسلمك اختي امل الف شكر

بنت الباهية · 2011-09-28, 11:07

الله يبارك

HADIL146 · 2011-09-28, 11:42

شهيتينا ملا ح مشكوووووووووووووورة

الاء هبة الرحمان · 2011-09-28, 11:43

روعة ربى يبارك فيك على المجهود وبصحتكم الشاورما

bassamat · 2011-09-28, 13:29

شكرا عزيزتى ام كوثر
اليكى طريقتى
الخبز لا استعمل البيض بل2 كيسان فرينة2 ملعقة حليب بودرة ملح1 ملعقة خميرة خبز فقط و نخلط بالماء الدافىء حتى نتحصل على عجينة طرية نخليها تخمر ثم نقصها كرات ونحلها بالحلال دوائر ونغطيها تخمر ومن بعد نطيبها فى مقلة او طاجين
فى دقيقة راح تشوفوها تولى كورة دوروه
الشورمة نقطعو الاسكالوب شرائح ونحطهم فى جفنة نقص عليهم بصل ملح فلفل اكحل القليل من الكمون سماق راه يتباع غير اطلبو من عند العطار اذا ما عرفتوهش ذرك نحطلكم صورة
هذا لى يعطيلها النكهة مغرف خل و خلوها من الصباح للعشية مغطية
بعد ذلك عندكم طريقتين طريقة ام كوثر او انكم طيبوها فوق الصاح كما يسموه السوريين وهو المرا لى نطيبو فوقو الرقاق او مقلة فقط راه الدار كاملة تعود و كانك عند بائع الشورمة
صوص الثوم او الثومية هى عبارة عن صوص تشبه المايوناز لكن الذ
ولها طريقتين طريقة ام كوثر او انك تجيبى ملعقة كبيرة نشاء و تحليه فى كاس ماء و تحطيه يغلى بعد ما يشد تكونى فارمة اربع حبات ثوم ملح و ضيفيهم للخليط وتخلطى بالباتور و ضيفى الزيت مثل المايونيز راه رائعة
للى ما تحبش الثوم قوى تشويه و تزيدو
ان شاء الله نكون افدنا خواتاتنا العزيزات

همس السهر · 2011-09-28, 14:11

أخخخخ يا أم كوثر دوما تميزك ملفت للإنتباه ، زادك الله من نعيمه و حفظلك أولادك

*أم كوثر* · 2011-09-28, 15:31

تسلموا اخواتي
الف الف شكر بسمات على الاضافة
تعرفي جربت الشورمة بكل انواعها و معظم التوابل و انواع الخبز لحبي الكبير لها و الاولاد طبعا
لكن هنا بولايتي كاين محل سوري اصيل مختص في الشورمة هو اللي عطالي وصفة التومية و كدلك فكرة الشورمة و جربتها و كانت راااائعة
حتى الكريمة التانية تبان بنينة و تستحق التجربة
منورة مرة اخرى و الف شكر

bassamat · 2011-09-28, 16:57

عزيزتى ام كوثر شكرا على الرد المتميز و ان شاء الله نبقاو على هذا المنوال حتى يستفادو الجميع كما رانا نستفيدو منهم
على فكرة انا سمحت ليا الفرصة زيارة بعض البلدان العربية و الغربية ومن بينها سوريا مرتين و مانقلكش على ماكلتهم فى وقت الفطور نطلبو حاجة و حدة فقط لانو راهم يجيبونا معاه اربع انواع من المقبلات و زيدو يعطونا الثومية فى علب والارز هايل ابيض بالصنوبر كل يوم بالاضافة للمخللات هذا كامل ب 14الف وكل ما نا كل حاجة لازم نسقسى عليها درت موسوعة من الطبخ السورى و جيت يالايضافة للحلويات نتاعهم وخاصة الكنافة اسطنبولى ما تتشبعش المهم نحبس هنا خطراكش ماش راح نسكت فكرتينى بايا م مضت
موفقة عزيزتى