les crepes

[ام جليل04]

اليوم حضرت الكراب من كتاب السيدة امهاوش - للكراب المالح والحلو - اليكم الصور

[OU SS AMA]

بارك الله فيك اختي اعطيني الوصفة من فضلك

[ليساء11]

بارك الله فيك يعطيك الصحة

[miri_27]

شكرا لك هذا ما انحب الوصفة ارجوك

[ام جليل04]

السلام عليكم راني جبتلكم الوصفة تاع الكراب :
نصف لتر حليب
50 غ زبدة مذابة أو - 2 ملاعق -
ملعقة كبيرة سكر عادي
2 بيض
1 كيس فانيليا
225 غ فرينة
طريقة التحضير
ناخد الحليب في اناء +زبدة+البيض+السكر والفانيليا +فرينة نخلط مليح بالباتور الكتريك ولا ما كاش ماعليش باتور يدوي
نخليه يرتاح شوية
نحط مقلاة فوق النار تكون من الأحسن تيفال ندهنها بشوية زبدة ونفرغ فيها غراف من الخليط ونبدا نحرك في المقلاة دائريا حتى تمشي العجينة في كامل المقلاة كي طيب من جهة نقلبها من الجهة الأخرى .
وشهية طيبة

[azade]

شكرا لكى على الوصفة

[remadna]

يعطيك الصحة ام جليل
نقدرو نحشوهم باي نوع تاع حشوة

[ام جليل04]

طبعا رماضنة انا وليدي درتهوملو بالشوكولا وبنتي بالبنان والشوكولا ولا حبيتو المعجون يجي روعة وبصحتكم

[* زهرة البنفسج *]

روعة يعطيك الصحة

لولاد الصغار يموتو عليهم.... مشكورة

[مقدسية]

يعطيك الف صحة جاوك ناجحين لكني نفضل les crepes تاعنا لغرايف بالزبدة والعسل او السكر ولا ارووووووووووووع

[نورة]

شكرا جزيلا وبارك الله فيك

[رزيقة16]

شكرا جربتهم البارح و الكل دعالك با الخير شكرا مرة 2 علي الوصفة

[meriem beldjoudi]

allah ibarek hadouk les crepes derthoum jaw hayline ya3tik saha rabi ya3tik ma tatmanay inchalah

[idron0]

يعطيك الصحة اختي

[kamimujer]

مشكووووووووووورة