كل وحدة تخبرنا عن منتجها المفضل

[ام نسمة]

مرحبا عزيزاتي اريد من خلال هذا المضوع طرح فكرة نستفيد منها جميعا وهو ان تقول كل عضوة عن اسم منتوج نضافة للبيت ناجح ومجرب حتى تتمكن كل وحدة فينا من اقتناء تشكيلة مواد تنضيف منزلية فعالة تساعدها في اعمالها اليوميم دون عناء خسارة الاموال وكل يوم تشري منتج وتجربه ابدء انا اولا المنتج اللذي استعمله لتنضيف الكويزينيار تاعي والفور هو منتج جد فعال من يوم اكتشفته ما غيرته هو مكشط aigle fourذو اللون البرتقالي هو قوي على الدهون بطريقة رهيبة تنضفي به الكوشة والفور والاواني مثل المقلة والطواجين التي تحترق صراحة عجيب وسعره هو 130دج واخيرا اتمنى ان لا تبخلو في المساهمة في اثراء الموضوع وشكرا

[ام نسمة]

وين راكم 48 مشاهدة دون رد حرااااااااااااااام عليكم هيا نتجاوبو مع بعض

[على الاسلام غيورة]

انا في الحقيقة لا اثبت كل مرة اغير حتى مليت ولكن المنتوج الي ذكرتيه مدام من aigle اكيد مضمون

[هاجر 76]

انا دائما كنت نستعمل le chat poudre فى الغسيل بصح درك غيرنا للاحسن le chat lequide فور بالبزاف وريحة تدوم وحتى ينظف علامة و يحافط على la machine هدا بالتجربة منى
تحياتى للجميع

[ام هالة شهرزاد]

صحا انا نقول ليكم على القريزيل لي نديرها
واي وحده تدخل لداري ...من الباب تسقسي واش دايره بخاخ ولا عطر
اسمه top sani
اللون الوردي والبنفسجي ريحتهم روووووووووووعه
انا 2صوالح ما نقدرش نتخلي عليهم
داري وتوب ساني ههههههههههههه
ماشي غالي يدييير 60 دينار فقط
تحبي تعمريه في القرعة لي ترش .......او تضيفيه مع الماء
او بعد ما تكملي تجفاف (الله يعزكم)
قطري قطرات وفوتي بالنشاف راااااااائع.

[LOUIZA25]

فكرة جميييييييييييييلة جدا من الناحية الاقصادية
و كدلك نوفر الوقت و تبقى صدقة جارية لك
اختي كلما استفاد اي انسان من الموضوع
***********

[narimane1991]

انا والله ماعندي منتوج محدد كل مرة نخرج نشري المنتوج الي يكون شكلو مليح ونقلكم كل حاجة في السوق الجزائرية جربتها وفي رايي كلها كيف بعضوالله اعلم يقعد مجرد راي وشكرا اخيتي علي الموضوع ربي يجازيك

[ام نسمة]

شكرا جزيلا للتفاعل عزيزاتي انا متاكدة ان الفائدة بدات تعم الجميع انا ساخبركم عن منتج جربته مؤخرا لغسل الاطباق كنت نستعمل ازيس سائل وكان قوي على الدهون لحد ما اشتريت منتج اخر اقوى منه اسمه teste

[omseheil]

انا كنت نستعمل مزيل الغبار العادي اللي لونو برتقالي و ريحتو مكان مكان لحد ما اكتشفت مزيل الغبار yes هكذا بعد اسمو ياس ريحتو تهبل وسومتو عشرين الف برك

[Afakmax]

انا استعمل جميل وسريع النضافة ورائحة جمياة جدا تستعمليه فى الملابس والنشاف اى نضافة الارضية وهو النضف_ سيدهم_ كاين قارورة نتاع لتر و قارورة نتاع لترين جربيه فى الملابس وردولى الخبر رائحة ونضافة وليس غىلى يباع ب 15000 دج

[/زهرة عصفور الجنة/]

لمسح الغبار استعمل بليز القارورة الزرقاء.لغسل الملابس استعمل اريال لغسل الاوانبذي تست السائل بالليمون لتنظيف الفرن استعملaigle لتنظيف الحمام استعمل نظاف ماركة نجمة وجافيل نجمة ايضا رائع.لتعطير الملاس شكل منعش ورائع استعمل مينيدو عطر الخزامى

[fati57]

الجافيل مكاش كيما brefهو الاحسن الاواني ازيس ليمون و الحوايج اريال و الكويزينيار action

[الملاك المجروح93]

hna nessta3mlo le chat liquide lagussil l9ache raw3aaaaaaaaa ana 9achi ta3 cheta mazel rayeh bih w aussi test mliiiiiih

loma3ane negusslo b isis wjarebna test raw3aaa w Firi ye93ode bezaaaaaaaf 7awali 30jours wl9ar3a sguira khlasse

nekhdmo b bref eau d javel w sani top ltessya9 rihto waaaw mlih move w jaune

lel guobare pliz maron jaye crémé rihto thabeeel whadak meuble yebra9 wahdo

chrina aigle yhabel lel cuisiniere ynahi dohone facilement w JIF li yna3toh fi mbc waaaaaaaaaw kolchi yerja3 yebra9

[آلاء النايلية]

أفضل منتج للتنضيف عندي هو الخل الابيض

[koukou23]

أنا نستعمل ***vigor***
مليح ياسر ياسر ياسر ... نغسل بيه الفايونس والكويزينيار والثلاجة وراهو ينقص عليك التعب خلاه
تحطي شوية منو على اي حاجة تحبي تغسليها وتخليه حوالي ربع ساعة ومن بعد تشلي بالماء حاجتك مثلا الفايونس
والفريجيدار تمسحيه بفوطة مبللة بماء نظيف....الخ
إشتريه وأدعيلي.....