***ركن مشكلتي***ارجو التثبيت

[samsoma.asma]

*************************************************

[samsoma.asma]

*********************************************

[samsoma.asma]

انا عمري 20 سنة على علاقة بشاب يحبني واحبه لدينا 3 سنوات ونحن مع بعض ويود ان يخطبني في أي لحظة منذ ان بدات علاقتنا ولكن كل شي في حياتي عاكسني اولا كيعاد انا الصغيرة في دارنا يشوفو فيا راح نبقى ديما صغيرة وماما عومرها ماحست بيا ولا حاولت تفهمني مرة وحدة ديما لاتية غير بروحها والناس
وكل يوم يجيو يخطبو فيا كرهت منهم
راح نحكيلكم عليه 27 سنة خدام لاباس عليه عندو سيارة والحاجة اللي يبغيها يشريها محبوب عند الناس وماما كانت تسكن قدامهم يعني دار جدي جيرانهم ويعرفو بعظاهم
قررت نقول لماما ودرت كوراج كبير ماجيت قولتلها والله قلبي يخبط حتان راح يخرج من بلاستو ولما حكيتلها عليه ماحوستش على اخلاقو ولا على مشاعري قعدت تقولي خطبوك غير البوكوباي واللي في دبي واللي الانجليز واللي في فرنسا وانتي بغيتي هاذوك لافامي المسوغرين والجبورة وانا ماحملتش الهدرة هاذي وبديت نبكي ونقولها هو ماهوش مسوقر وبديت نشكر فيه ولكن هي عمرها ماحست بي
وقاتلي وين راح تسكني ؟ مع ماماه هاذاك مابقي غير تروحي تخدمي عليها
وهو مسكين كون نطلب عينيه والله يعطيني ويظل كل يوم يشري حوايج للدار وهوما عندهم دار كبيرة خاوتو خرين كل واحد بدارووحدو وهو بقى هو وخوه
حنا نحكمو ايتاج وخوه يحكم ايتاج يعني كيشغل داري وحدي وماماه راهي معانا فالدار مسكينة عاقلة طول وانا نحبها.
بصح ماما ماطلقت حتى حاجة وقاتلي على سبة اخرى ماتسكنيش طول قدام دار جدك ذركا خلص النقاش اللي بيني وبين مام وماما ماقاتلي حتى قرار يعني قابلة ولا لالا
حبيت نقولك ماما مع الناس الناس انسانة طيبة وماتهمهاش المادة بصح معايا انا بانتلي تحب غير المظاهر والمادة .
نطلب ربي يساعدني على قد ماراني نحبو ويحبني ومانقدرش حتى نتلاقاه وزيد عمري مانلقى واحد يفهمني ونفهمو كيفو وبتربيتو وظرافتو ومستحيل ندي واحد آخر

[آلاء النايلية]

حكايتك شوي صعيبة
احكي مع خالتك وللا عمتك وللا جداتك و هوما يفهموها
ربي يكون في عونك

[آلاء النايلية]

سؤال.... باباك حي؟

[samsoma.asma]

اولامنقدرش نحكي مع لافامي نتاعي في هاذ الموضوع
وحبيت نقول ثاني عندي خالي كبير يحبو بزاف ويحب دارهم كام بصح نحشم نهدر معاه
بابا حي الحمد لله ربي يخليهولي مانش اب في حنانتو وقفازتو ويحبني بزاف وراعي مشاعري بصح نحشم نحكي معاه في موضوع كيما هكدا

[remadna]

1-انت ديري صلاة استخارة و اطلبي ربي يسهل اللي فيه الخير
2- قلو يروح يخطبك من ابيك مباشرة كي عاد ناس ملاح
اظن ابيك هو اللي يحكم في الدار كل رأي يعود له
اذا كاين جديد راني هنا

[oka55]

الإمام الشافعي )

* * *
لا شَيْءَ فِي الدُّنْيـا أَحَـبُّ لِنَاظِـرِي

مِـنْ مَنْظَـرِ الخِـلاَّنِ والأَصْحَـابِ

وأَلَـذُّ مُوسِيقَـى تَسُـرُّ مَسَامِعِـي

صَوْتُ البَشِيـرِ بِعَـوْدَةِ الأَحْبَـابِ

( الشاعر القروي )

* * *
عاشِـرْ أُنَاسـاً بِالـذَّكَـاءِ تَمَيَّـزُوا

وَاخْتَـرْ صَدِيقَكَ مِنْ ذَوِي الأَخْـلاقِ

( جميل الزهاوي )

* * *
أَخِـلاَّءُ الـرِّجَـالِ هُـمْ كَثِيـرٌ

وَلَكِـنْ فِـي البَـلاَءِ هُـمْ قَلِيـلُ

فَـلاَ تَغْـرُرْكَ خُلَّـةُ مَنْ تُؤَاخِـي

فَمَـا لَكَ عِنْـدَ نَـائِبَـةٍ خَلِيـلُ

وَكُـلُّ أَخٍ يَقُــولُ أَنَـا وَفِـيٌّ

وَلَكِـنْ لَيْـسَ يَفْعَـلُ مَا يَقُـولُ

سِـوَى خِلٍّ لَهُ حَسَـبٌ وَدِيـنٌ

فَذَاكَ لِمَـا يَقُـولُ هُوَ الفَعُـولُ
.....................

[نور إيمان]

شوفي حنونتي إدا صح راهو يحبك ومتمسك فيك راهو يجي يخطبك من بابا