السلام عليكم
اهلا بيك والله الدراسة في سطيف عادية لازم تكونسونتري من نهار الاول
الدخول الجامعي في اكتوبر وتبداو ب لي كور هوما الاولين عندك 2 كور كل صباح من 8:30 حتى 11:45
لي تيدي يبداو في النصف الثاني في نوفمبر ويكونو العشية من 13:00 حتى 16:00 عندك 2 تيدي ماشي دايما, والحضور واجب فيهم لانو يسجلو الغياب وفي حالة الغياب 3 مرات دون تبرير هنا طرد من الموديل معناتها راح العام
لازم ما تراطيش لي كور لانو كاينين بروف يديرو الكونترول من الهدرة نتاعهم في الكور
ملاحظة: هههه لازمك تنوض بكري باش تحكم بلاصة في الامفي في الاول لانو لوتقعد في الاخير اعرف الكور راح بويسك ني صوت ني صورة ما تلحق بوالو
كاين عندنا تي بي اناتومي اسبوع تقرا واسبوع لالا ولازم تكون محضر من قبل باش تقدر تستوعب مليح وعندنا كونترول تيبي شفهي في الاخر نتاع العام ونصيحة ما تخليش لي شيما حتى الاخير وهذه كانت الغلطة نتاع ناس بزاف العام اللي فات,
وكيما علابلك عندنا 2 سيري الاولى فيها 9 موديل: انفورماتيك, بيوستات, هيستولوجي, شيمي, فيزيك عند مسيو بلقط, سيتولوجي عند مسيو تجار, بيوشيمي عند مدام خباط ومدام جنان بويسك عندنا 2 كور بيوشيمي في الاسبوع, جينيتيك, اناتومي عند محدادي وحمادوش فوووووووووووووووور
والسيري الثانية كاين 10 موديل ,منفصلة على الاولى يخرجو 2 موديل: انفورماتيك وهيستولوجي ويدخلو 3: فيزيولوجي , امبريولوجي, وديونتولوجي
والله ما علابالي كشما نسيت حاجة ولا لا اذا كان كاين سؤال قول وانا في الخدمة
( تقرير عن مشاركة سيئة )، و الموجودة أسفل كل مشاركة .
2011-09-03, 02:18
pour khaoula 111
العرض العادي
