مساعدة في البقلاوة

[حنين الدلال]

السلام عليكم
ارجو من الاخوات اللي جربو البقلاوة بالسمن ان يعطوني الوصفة انا عمري ما درتها و هادي اول تجربة
و شكون خير كي ديريها بالسمن و لا بالزبدة؟

[مليكة01]

السلام عليكم

ارجو ان يكون سبق لك ات رايت على الاقل طريقة العمل

انا نصنعها بالسمن

المقادير
4 مقادير فرينة مغربلة المقدار الرابع غير مملوء

1 مقدار سمن مذاب غير مملوء للفم


1 مقدار ماء زهر و حسب الفرينة ممكن اقل ممكن اكثر كاين فرينة تشرب الماء
قرصة ملح مدقوق وتمرريه فى الغربال الرقيق جدا
بيضة كاملة

فانيلا

[مليكة01]

المقدار هو bol متوسط للحريرة

تخلطى الفرينة و الملح و الفنيلا
نصنع حفرة فى الوسط نضيف السمن الدافىء و البيضة نبسس الكل باليد و نخلط جيدا

نضيف الماء زهر قليلا قليلا حتى نحصل على عجينة مثل عجينة القريوشة ما لازمش تزيديلها الماء زهر مثل الخبز قد ما تتلم فقط


نصنع كرات صغيرة بحجم الخوخة و نتركها ترتاح فى كيس بلاستيكى


نحضر الحشو

4 كيسان كوكاو محمص فى الفرن ندخلوه مدة 5 د فقط ونخرجه ثم نرحيه و نوزن 4 كيسان

1/2 كاس سكر حرش

1/4 كاس سمن تقريبا 3 مغارف كبار سمن ذائب
فانيلا مغرفة صغيرة
عطر لوز حلو 1/2 قارورة صغيرة
نخلط الكل مع بعض

[نرمون]

ياختي لوكان ديريها بالزبدة تبالبي خير والله اعلم

[حنين الدلال]

شكرا اختي مليكة01 انشاء الله غادي نسييها و نرجعلك الخبر كي جاتني مشكورة مرة اخرى

[مليكة01]

بالزبدة اختى ما جربتهاش ولكن يمكن خلط زبدة و سمن

اضيف لك اختى الكوكاو بدون قشر

تفتحى العجينة الى الرقم 7 او 9 اذا امكن

الحشو حينما تريدين وضعه رشيه بالماء زهر مش تخلطيه لازم مثل الكسكس
فى الاخير العسل الذى يباع افضل لكل 1 كغ 1/2 كاس ماء زهر
قد ما تغطيها لازم يكون ساخن وقت اخراج الصينية

تطهى فى الفرن مدة 45د

هذه اختى خدمة ايدى والكل يشكرها

اتمنى لك التوفيق

اخدمى وانت مغمضة عينيك

صح فطورك

[مليكة01]

اذا كنت مبتدئة قطعيها مربعات و اغرزى فى كل واحدة حبة لوز او كوكاو

اسقيها بالعقل ب la louche حتى لا يخرج الكوكاو

اذا نقصها العسل زيديها من بعد

[نورانيات]

أختي البقلاوة أنتاعي نديرلها 4 كيلات فرينة وكيلة مخلطة سمن ومارغارين لابال مع قرصة ملح وبيضة ونبل بماء الزهر مع العجن جيدا حتت يمكنك تشكيلها كريات خليها ترتاح .أنا ندير 4 من تحت و4 من فوق مع الدهن بيتهم بالسمن.ال حشو أنا ندير 3كيلات لوز وجوز مع كيلة سكر وشوية زبدة وقرفة وقرنفل ولم العقدة بماء الزهر.

[تقوى اماني]

444444444444444444