|
|
|
|||||||
| منتدى الألعاب و الألغاز حاب تفكر و تتسلى معنا ، تفضل هنا الألغاز، الحكم ، الأمثال و الكثير...و تحذف كل المواضيع عديمة الفائدة و التي تؤدي للدردشة بين الجنسين .. و مواضيع العدّ ..و التوقّع ...و التمني ...و إضاعة الوقت في غير تثقيف و زيادة معرفة أو علم |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
2011-08-10, 23:47
|
رقم المشاركة : 1 | ||||
|
بوقالات جزائرية
اختـــــــــــــار رقم من 1 الى 12 و انوي على من تعود البوقالة . . . . . . . . . 1* كنا انا وياك متحابين .....ورجع قلبي مجروح منين كلمتيني وقلتيلي روح ...يعيا ربي يبين الصح ...وباب الخير ينحل علينا . 2* ياخاوتي ياولاد العموم ...الدنيا الدور والشده ماتدوم .... والحال خليه على حالو ... واللي مكتوب في الجبين تشوفو العين . 3* اذا طاح الليل راهو يطلع ... اذا كثر النحاس الذهب هو الي يسطع .... وسيرتك كي العط بين الناس .... القعده زينة وكي السلطان متربع . 4* من صاب ياربي دار بلا جيران ، ومن صاب ياربي بيوت بلا بيبان ، غير انا والحبيب نذكرو في اللي كان . 5* ياما مشيت وسافرت ، والهم ديما ورايا ، صرالي كي عرجون التفاح ، عطشان والماء حذايا . 6* اصلك اصلك وماينفع غير الصح ، مولاة النيه الصافيه عليها ربي يفتح ...تطول ولا تقصر ايجيه السعد والربح .. ان شاء الله . 7* طلعت للسطح وفرشت زربية ... حرقست بحرقوس الذهب حتى لوذنية افرحي يايما سعدي ولالي ... نستشفى في لعدو كيما يستشفى فيا . 8* خمري ياخمري يالي عايروني بيك ... انت حبق في السطح وانا نجيك نسقيك ..... انت نجوم في السماء وانا ننظر فيك ... انت خاتم في يدي وانا نبرم فيك ... نحبط لقاع البحر نرمي عوام عليك ... والي غلب يديك . 9* شجرة ياسمين نايضه في وسط الغرفه ... عروقها سنجبير وغصانها قرفه ... والله ماننساك يازينه الوقفة . 10* عيطت على سيد الملاح ... حسبت الناس رقود ... تزعزعت الدالية طاح منها عنقود ... النجوم قالت نكشف والقمر قال نذوب ... اصبر ياقلبي ياك كل شيء مكتوب . 11* لو كان السعود ينغرسو بالعود ... نغرس ميات عود وعود في وطيه وحدي ... لكن السعود في يدك يا معبود ياسقام السعود .... سقم لي سعدي ... الناس الكل بحبابهم ... وانا غريب وحدي . 12* غرست ياسمينه في وسط الدار ... عروقها سنكجير واطرافها زنجار ... يما يايما محلى عشق الجار ... العين تخزر في العين والقلب شاعله فيه النار .
|
||||
|
|
2011-08-10, 23:50
|
رقم المشاركة : 2 | |||
|
هده بوقالات من قلب الجزائر كل واحد يدخل يختار واحدة ان شاء الله تكون فال خير عليه باسم الله بديت ..و على النبي صليت ...وعلى أصحاب الأسماء ألي تبدأ بالألف هذى البوقالة نويت... نطلب ربي الفتاح يعطيني نحل البيبان و نشوف الهناء و نرتاح . وحكمتكم :العلم نور والجهل ظلام باسم الله بديت ..و على النبي صليت ...وعلى أصحاب الأسماء ألي تبدأ بالباء هذى البوقالة نويت... هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية. وحكمتكم : بئس الطعام الحرام باسم الله بديت ..و على النبي صليت ...وعلى أصحاب الأسماء ألي تبدأ بالتاء هذى البوقالة نويت... لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى. و حكمتكم :تجنب شؤم الهزل ، و نكد المزاح. باسم الله بديت ..و على النبي صليت ...وعلى أصحاب الأسماء ألي تبدأ بالثاء هذى البوقالة نويت... طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس . و حكمتكم : ثمرة العلوم العمل بالمعلوم. باسم الله بديت ..و على النبي صليت ...وعلى أصحاب الأسماء ألي تبدأ بالجيم هذى البوقالة نويت... رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد. و حكمتكم : جد بالكثير ، واقنع بالقليل باسم الله بديت ..و على النبي صليت ...وعلى أصحاب الأسماء ألي تبدأ بالحاء هذى البوقالة نويت... مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ . و حكمتكم : الحازم من كتم سرّه باسم الله بديت ..و على النبي صليت ...وعلى أصحاب الأسماء ألي تبدأ بالخاء هذى البوقالة نويت.. يما يما ديريلي تويقة في وسط الحديقة باش نشوف زهرى كي تجيبو ذيك الوريقة. و حكمتكم : الخَرَسْ خير من الكذب . باسم الله بديت ..و على النبي صليت ...وعلى أصحاب الأسماء ألي تبدأ بالدّال هذى البوقالة نويت.. ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي . و حكمتكم : دُل على الجميل بجميل خلالك باسم الله بديت ..و على النبي صليت ...وعلى أصحاب الأسماء ألي تبدأ بالراء هذى البوقالة نويت... عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة. و حكمتكم : ربما أراد الأحمق نفعك فضرّك باسم الله بديت ..و على النبي صليت ...وعلى أصحاب الأسماء ألي تبدأ بالزّاي هذى البوقالة نويت... الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب. وحكمتكم : زين النّطق الصّدق . باسم الله بديت ..و على النبي صليت ...وعلى أصحاب الأسماء ألي تبدأ بالسين هذى البوقالة نويت... خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة . و حكمتكم : سرور الدنيا كأحلام النائم . باسم الله بديت ..و على النبي صليت ...وعلى أصحاب الأسماء ألي تبدأ بالشين هذى البوقالة نويت... الناس تنده بالرجال و الوالي ، وانا ننده بربي العالي . وحكمتكم : الشكاية سلاح الضعفاء . باسم الله بديت ..و على النبي صليت ...وعلى أصحاب الأسماء ألي تبدأ بالصاد هذى البوقالة نويت... حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة. و حكمتكم : صداقة الجاهل تعب . باسم الله بديت ..و على النبي صليت ...وعلى أصحاب الأسماء ألي تبدأ بالضاد هذى البوقالة نويت... كلام على كلام و الكلام على سقيلة ، العين في العين و الدّعوة مقبولة. و حكمتكم : ضالة الكريم حسن الثّناء. باسم الله بديت ..و على النبي صليت ...وعلى أصحاب الأسماء ألي تبدأ بالطاء هذى البوقالة نويت... يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك . و حكمتكم : طوبي لمن شغله عيبه عن عيوب الناس باسم الله بديت ..و على النبي صليت ...وعلى أصحاب الأسماء ألي تبدأ بالظاء هذى البوقالة نويت... محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا . و حكمتكم : ظلم الضعيف أفحش ظلم باسم الله بديت ..و على النبي صليت ...وعلى أصحاب الأسماء ألي تبدأ بالعين هذى البوقالة نويت... لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَ يكلمني . وحكمتكم : العين بريد القلب . باسم الله بديت ..و على النبي صليت ...وعلى أصحاب الأسماء ألي تبدأ بالغين هذى البوقالة نويت... قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو. و حكمتكم : الغفلة غرور. باسم الله بديت ..و على النبي صليت ...وعلى أصحاب الأسماء ألي تبدأ بالفاء هذى البوقالة نويت... جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي . وحكمتكم : الفقه جيش لا يهزم باسم الله بديت ..و على النبي صليت ...وعلى أصحاب الأسماء ألي تبدأ بالقاف هذى البوقالة نويت... جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني. وحكمتكم : القريب من قَرُبَ نفعه. باسم الله بديت ..و على النبي صليت ...وعلى أصحاب الأسماء ألي تبدأ بالكاف هذى البوقالة نويت... امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ . وحكمتكم: كرام الناس أسرعهم مودّة. باسم الله بديت ..و على النبي صليت ...وعلى أصحاب الأسماء ألي تبدأ باللام هذى البوقالة نويت... نبعث لكم دموعى في مشوار زرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق. وحكمتكم : لين الكلام قيد القلوب. باسم الله بديت ..و على النبي صليت ...وعلى أصحاب الأسماء ألي تبدأ بالميم هذى البوقالة نويت... سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا . و حكمتكم : المشقة كلها في تأديب الجاهل . باسم الله بديت ..و على النبي صليت ...وعلى أصحاب الأسماء ألي تبدأ بالنون هذى البوقالة نويت... خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك . و حكمتكم : النفس مولعة بحب العاجل . باسم الله بديت ..و على النبي صليت ...وعلى أصحاب الأسماء ألي تبدأ بالهاء هذى البوقالة نويت... خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة. وحكمتكم : هيهات من نصيحة عدوّ. باسم الله بديت ..و على النبي صليت ...وعلى أصحاب الأسماء ألي تبدأ بالواو هذى البوقالة نويت... دارنا في الجبل ، مقابلة مكة ، مفتاحها من ذهب ، يشعل ما يطفي . وحكمتكم : الوحدة خير من جليس السّوء
|
|||
|
|
|
2011-08-11, 12:53
|
رقم المشاركة : 4 | |||
|
شكرا لك أنا ختاريت رقم 09 |
|||
|
|
|
2011-08-11, 13:00
|
رقم المشاركة : 5 | |||
|
خمري ياخمري يالي عايروني بيك ... انت حبق في السطح وانا نجيك نسقيك ..... انت نجوم في السماء وانا ننظر فيك ... انت خاتم في يدي وانا نبرم فيك ... نحبط لقاع البحر نرمي عوام عليك ... والي غلب يديك |
|||
|
|
|
2011-08-22, 12:25
|
رقم المشاركة : 7 | |||
|
شكرا موضوع متميز ......................ولي انا اخترت 12 و نويتها لي |
|||
|
|
|
2011-08-22, 22:43
|
رقم المشاركة : 9 | |||
|
|
|||
|
|
|
2011-08-22, 23:02
|
رقم المشاركة : 10 | |||
|
* من صاب ياربي دار بلا جيران ، ومن صاب ياربي بيوت بلا بيبان ، غير انا والحبيب نذكرو في اللي كان . مرسي حنونة |
|||
|
|
|
2011-08-23, 22:14
|
رقم المشاركة : 13 | |||
|
الله الله انا خيرت5 |
|||
|
|
|
2012-04-21, 07:49
|
رقم المشاركة : 15 | |||
|
10* عيطت على سيد الملاح ... حسبت الناس رقود ... تزعزعت الدالية طاح منها عنقود ... النجوم قالت نكشف والقمر قال نذوب ... اصبر ياقلبي ياك كل شيء مكتوب . |
|||
|
|
|
| الكلمات الدلالية (Tags) |
| بوقالات, جزائرية |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
