مساعدة راني حاير في امري

~~kader41000~~ · 2011-07-13, 10:24

السلام عليكم يا جماعة اليوم رااني واقف امام خيار والله صعب جدا حبيت ناخذ رايكم فيه المهم انا راني حاب نسجل في شرشال قوات بحرية وفي الدوسي ديال شرشال يقلك ارفق شهادة البكالوريا ومن جهة تانية حاب نسجل في الجامعة حتى اذا ماصلحتش شرشال نروح للجامعة والمشكلة هنا الجامعة تاني لازم في التسجيلالاداري ترفق شهادة البكالوريا وهنا راني قعدت عاجز وسوالي نقدر نسجل في الجهتين ولا في جهة وحدا برك واذا واحد يعرف يا جماعة طريقة ممكن التسجيل في الجهتين وبعد اذا صلحت وحدا منهم نترك الاخرى ماتبخلوش على خوكم والله حاير في امري راني في انتظاركم

~~kader41000~~ · 2011-07-13, 10:29

في انتظاركم في جماعة راني رايقققققققققققققققققققققققققققققققققققققققق

amiot · 2011-07-13, 10:32

السلام عليكم أخي
أنصحك أخي بإختيار أحد الرغبتين
لأنه لا يمكن الدراسة في مكانين معا
وإدا كان طلب حول إد أمكن لك دخول جامعة أخرى , نعم وذلك بطلب نسخة أخرى للديبلوم
لا أعلم من أين لكن هي ممكنة
والله موفق

~~kader41000~~ · 2011-07-13, 10:39

مشكورررر اخخ amiot وفي النظار معلومات اكثر اخواني

mangood · 2011-07-13, 10:42

خويا تاع شرشال في الدوسي طالبين نسخة من شهادة الباك مصادق عليها يعني عادي دير عليها فوطوكوبي وgاليزيها في البلدية وحطها في الدوسي وشهادة الباك الاصلية دير عليها 20 فوطوكوبي وصادقهم في البلدية وخلاص

وصال نور الدنيا · 2011-07-13, 10:44

من المفروض اخي تسجل في الجامعة عادي وفي نفس الوقت تسجل في شرشال في حالت ما ادا رسبت في شرشال - لاقدر الله- اتروح تقرا في الجامعة عادي الهددرة هادي هدرة المسوول انتاعهم كي جانا للمدرسة خلال السنة الدراسية

~~kader41000~~ · 2011-07-13, 10:54

اخ mangood راهم ذاكرين في دليل التجنيد 2011 في تكوين الملف مكتوبة شهادة النجاح في البكالوريا ماشي نسخة طبق الاصل في انتضار ردك

mangood · 2011-07-13, 10:59

لا لا في الدوسي الاولي تاع التسجيل لازم تحط نسخة برمك ومن بعد كيما تنجح لازم تحط النسخة الاصلية عادي تجيبها من الجامعة

~~kader41000~~ · 2011-07-13, 11:00

راني دخت يا جماعة شوفوا هذا الملف https://preinscription.mdn.dz/dossier_ar.pdf هذا هو الملف الصحيح ولالا

~~kader41000~~ · 2011-07-13, 11:03

اخ mangood هذا هو الدوسي الاولي https://preinscription.mdn.dz/dossier_ar.pdf ;ولا واش هو

~~kader41000~~ · 2011-07-13, 11:11

اخ mangood ممكن ترسلي حسابك لافايسبوك ولا اي ايميل عندي شوية اسئلة ربي يعيشك

nadjet45 · 2011-07-13, 11:16

خويا روح لقوات لبحرية في الشرشال فيها مستقبل مليح

~~kader41000~~ · 2011-07-13, 11:16

وين راك خويا mangood

الاقحوانة الحمراء · 2011-07-13, 11:17

الله يجيبهالك في الصواب
صل استخارة
وبعد قرر واش تدير
الاختيار راه مهم هو لي يحددلك مستقبلك خمم مليح واش تدير قبل ما تسجل
و الله الموفق

~~kader41000~~ · 2011-07-13, 11:17

مشكوررررر على تفاولك nadjet45 وادعيلينا ولخويتنا لراهم كارهين مع